sooooo....
De Domi_R32 und ich händ eus Dunstignacht geg die 24.00 mitem Jetta ufde Weg nach Paris gmacht.. Kamera debii, dasmer natürli ganz ganz viel Poserfoto vo Jetta und Domi chan mache:
Die erste Stunde isch eigentli alles tiptop gloffe.. i de nägste paar Wuche chunt denn zwar no us, obs eus blitzt het (chum laht de Ma dFrau mal as Stüür, staht en Blitzer im Weg und ha dMeldig ufem Navi wohl zspat gseh, hahaha), aber au das wär bi wiitem nüt schlimms..
Denn, ca 90km vor Paris; Wassertemp am Ahschlag, Lüftig kahlt und durd Heckschiibe häsch nurno wiisse Rauch gseh. Ergo chliises Päusli ufem Pannestreife und Motorhube uuf, Morge öppe am 5.45. Erschmal es Telefon ad AXA, wo denn erklärt het dass de Domi kei Uslandversicherig het. Also Telefon an Notfallpannedienst vo Frankriich mit sehr sehr spärlichem Französisch und de am andere Änd het kei Änglisch chönne. Er het denn eifach mal abghenkt, nachdemi probiert han e Antwort uf Französisch uszdenke, ischem wohl zlang gange 
Schlussendli isch denn aber öppe 10Minute nachem Telefon ufde andere Bahnsiite en Pannedienstler ahghalte, het eus gseit mer sölled warte und isch kurz drufabe denn uf eusere Siite äne wieder cho. Alles chli ahgluegt, Pilone rund um de Karre verteilt und gseit, mer sölled wieder warte bis de ander mitem Schlepper chunt. Aso kurz ufd Rückbank ghange biser denn mal öppe e Halbstund später uftaucht isch. Er het denn glücklicherwiis es Kistli mit jenste Küehlerschlüch debii gha, de grissnig usgwächslet und sganz Küehlwasser wieder ufgfüllt.
1,5 Stund und 250Euro später hämmer eeendlich chöne wiiterfahre 
Nach gnueg spannendem Morgeverkehrsstau und na viel spannenderem Stadtverkehr hämmers dänn in euses langersehnte Parkhuus gschafft.. Speziells Ding gsii; zersch bide normale Schranke s Billet zoge, dänn paar Meter grollt und gwartet, bis sMetalltor ufgaht und denn ie. dRampe sind chli alles gsii usser ebe, de Jetta het mal links, mal rechts und mal überall kratzed, dParkplätz sind defür riiiiesig gsii. De Usgang hemmer chum gfunde und de Ihgang schlussendli no weniger. Häsch nur mitem Lift abechönne, in demd zersch sParkticket duren Karteläser zoge hesch, vorher isch gar kein Lift gfahre - also häsch immerhin gwüsst, dass nöd jede Vollmongo in die Garage abechunnt 
Eusi knapp 2 3/4tel Stund ide Stadt sind au recht intressant gsii.. Gnueg komischi Lüüt, spezielli Chlinigkeite plus natürli de Franzose ihri guete Parkkünst und die darus folgende viele Kräbbel und Büüle an jedere Karre 
Bide Rückfahrt isch de Jetta denn zum Glück problemlos gloffe und hät eus mitme ziemliche Jettalag zruggbracht; bi Paris hi und zrugg mit Turm ahluege, Panne und Schlafenspäusli innert weniger als 24h aber glaub au verständlich 
