Busse Fussgängerstreifen HILFE

    Hallo zusammen habe gestern eine busse bekommen da ich angeblich eine fussgängerin nicht über die strasse gelassen habe.


    ich fuhr auf einer strasse mit sicherheitslinie vor mir auf der lincken seite betritt eine dame den fussgängerstreifen welcher durch eine insel in der mitte unterbrochen ist (sie war also noch auf der lincken seite der insel als ich durchgefahren bin) kann mir jemand sagen ob die busse zulässig ist.


    es gab eine tvsendung über dieses thema im sftv wer weiss wann und in welcher sendung dass war.


    übrigens kostet dieses delikt saftige 140.-


    danke allen für die tipps

    Aso ich han ide Fahrstunde (vor 3Monat) glernt, dass mer erst ahalte muss, wenn de Fuessgänger ufem Inseli isch.. wies aber gnau isch, das weissi nid. Ich halte lieber eimal zviel, genau darum wills so tüür isch und nie weisch, wo dBuesseschriiber hockid

    also ich chami nu erinnru, das mer der fahrlehrer dazu mal gseit het, das wenn jemand ufer aner sita vam füessgänger mit insla isch, das mu nit zwingend müess ahaltu. gang doch mal zume fahrlehrer un la der das la bestätigu und de geisch mit dem mal zur tschuggeri.


    wa hentsch di de verwitscht?


    grüess

    cha mich dem numme aschlüse, irgendsowas het mir mini fahrlerherinn au verzapft, isch sogär bald 3 johr här und i cha mi no erinnere ;)


    ...isch e huere abzocker masche vode cops. Mini mueter het mol 3xxCHF müese zahle wil sie vo de polizei igsetzti Chinde nid über de fuessgängerstreife loh het.


    also wehr dich, viva la revoulution!! :dh:

    Sali vwVS!


    I ha mini Fahrprüefig scho sitm 2003 und scho det häts ghäisse, wänn de Fuessgänger uf de andere Siite vom Inseli schtaht, muesch nid aahalte.


    De Schtrasseverchehrsgsetzparagraf isch de Art. 33, aber dä isch natürlich Uuslegigssach.


    Min Rat: Nid zahle, sondern zerscht mal dRächtslaag abchecke. Wänn fürs Dich ehnder positiv uusgseht, dBuess aafächte. Aschlüssend isch Uussag gäge Uussag und im Zwiifelsfall imemr für de Aaklagti. Nur Muet ;) Wännd e Rächtsschutzversicherig häsch, die au grad no biizieh. Für Rechtsauskunftsstellen im VS siehe --> Link.


    Die Chappemanne müend lerne, dass sie sich au nid alles erlaube chönd. :janu:


    Gruess,
    flyer83

    saley


    also alli hend rächt, wenn en fuessgänger noni ufem inseli acho esch, muess mer ned zwingend ahalte! das metem afächte werd en schwerigi sach, polizeibeamti send vereidigt worde vorem dienschtatritt ond wenn die szwoite send, gelt de eint als züge ond de ander hed dbuess usgstellt... werd also chli schwerig =/


    aber frog mol en rächtsberoter oder falls hesch dini rächtsschotzversicherig. evtl. hälfed die witer i dem fall.


    vell erfolg!!!

    also schlussentlich hesch ja nur 2 Variante..


    1. Kopf abe und 140 Stutz zahle
    oder
    2. ahfange stunk z'mache mit me allfällige 1. Telefon oder Vorspreche bi de Schmier (hesch ja eh Ihsprachefrist becho) oder nid? staht meist hinde druff ufem grusige bullefötzel "schriftlichi Ihsprach innert 10 Tag ab erhalt oder es isch gschluckt) <-- was ja no die günstig isch.. chli Tinte und 20min an PC sitze.


    Wenns de grad heftig wird mit "Rechtsschutz, Ahwalt und so würdi ganz ehrlich abschätze obs dir das Wert isch.. Erstens wills Ziit, evtl. viel Geld und Nerve choschtet und (was zwar hässlich tönt aber immer wieder so isch) --> muesch au bedenke das bi de Schmier nachher unde dure bisch.. d.h. so komischi Routinekontrolle werdet zueneh.. s'Auto wird extra gnau beguetachtet wenns di mal ufm Geist hend usw.


    Chunt übrigens immer wieder vor.. tönt so mafia-like.. aber leider en Tatsache. Wenn am falsche "as Bei seichsch" chas de so usarte. Schomal erlebt imene füdlidorf. Nujaa meh chani dezue nüme Senfe.. aber ganz ehrlich.. Ich an dinere Stell würd eifach mal frech ahlüte.. denn nach em Gspröch maximal no schriftlich Stellig neh.. und wenn das alles nüt nützt... die 140 Stutz in Sand setze und zahle.


    PS: Wasi aber nöd weiss isch; wenn schriftlich Stellig nimmsch.. gangi mal devo us.. das wenns es nomal "intern" wege dem prüefed und doch meined.. HOPP ZAHLE! de glaubi sogar zahlsch no meh.. will du hesch ja neui "Schreibgebühre" verursacht.


    hoffe han Denkahstöss chöne geh ;)

    Autos fahren von A nach B | Nur gut, dass ich im Alphabet B gekonnt übersehe!

    Sali zäme....also ech wör mech do allne au Aschlüsse und sege:




    Wenn d Stross mit ere Insle und Fuessgängerstreife für S Fuessvolk gsicheret isch, hesch ABSOLUT KEI HALTEPFLICHT: Logisch, de Fuessgänger cha ja uf der "Insle" e zwüschehalt mache.




    Etz ischs halt scho so : ussag gege ussag -----> esch de Fuessgänger scho "fasch" uf der Insle gse, de hesch evtl s 2 am Rücke. well denn MUESCH Bremsbereitschaft mache, da ja gsesch as eine über d Stross wott....




    WENN aber WÖRKLI de Fuessgänger ERSCH afe dra anelauft.....esch de Buess e frechheit....




    Und ech ha min Check im 97`scho gmacht, und au denn eschs scho so gse.... sösch müend mer afe so wiit vöreluege, as 500m wiiter vore evtl eine chönnt drüber laufe und NURNO im Schritttempo umefahre ( de grüene wörs wohl no passe) :kp:






    Ech wör au folgendes mache:




    - Rechtsdienst vor Versicherig oder so um Ratschlag bitte/ evtl sogar mit ibezieh


    - Buess anhand vor Iisprochefrist afächte ( was ech ned wör, esch eine uf Dicki Hose mache und afo gross due ufem Poste, de hesch sowieso grad
    2de gmacht.....SACHLICH UND ASTÄNDIG sii!!!)




    Hesch kei Züüge??? MItfahrer oder so??? esch der Herr Polizischt allei gse oder sinds z 2 gse? wär au no Interessant.... Wenn Du allei besch gse UND de Polizischt Allei, de hesch gueti Chance as dörechunsch...






    Wenn merksch as sie afönd vo blöd due und druf beharre, as de Buess MUESCH zahle, gliich ruhig bliibe.


    wenn halt alles red nix nützt, und au de Hiiwiis, as e Rechtsschutz hesch und so..... blibt der wohl gliich nüt anders überig als haut zahle und luege as NIEME i sone Situation inechunsch......






    Biespiel: ech ha mich gärgeret, als ech vor paar mönet e Rollerfahrer ufere seeeeeehr Breite Krützig überholt han....er isch z vorderst rechts gstande, ech hindedra....bem losfahre ab Grüenem liecht hani mer denkt: schnell mal chli Stoff, as de Rollerfahrer hindermir isch....logisch oder...fahr doch ned mit 45 eim hindenoche.....


    200m wiitervore der Liebi MAA d Chelle Gschwunge:




    Begründig: ech dörf dört KEI Rollerfahrer überhole und ACHTUNG:(Ussag vom Schrotter)


    " der Rollerfahrer het au wiisi Schilder gha!!!!!" cool he....also kurzum: wenn der Rollerfahrer gälbi Schilder gha hät, hät ne dörfe OHNI Buess riskiere überhole, Da er aber WIISI gha het, esch er gliich berechtigt gse wie ich.... :kgw: :kgw:






    Widerspruch für sich....den dörft mer jo NIEMER me überhole.....


    Item: ha au iisproch gmacht...het nüt gnützt.... Vorallem esch uf dere Krüzig eine gse wo Beobachtet het und Via Funk den am ander döre gä het zum usewinke.....toll oder....het mi au 135.- Kostet




    Gruess Andi

    Der Unterschied zwischen Mädchen und Jungs, ist der Preis Ihres Spielzeuges

    Hey A3TurboTR,


    Auso ig schliesse mi de ussagene vo de angerne ou a. Ig ha ou mau glehrt, dass wenn es inseli isch, muess sech dr fuessgänger ufem inseli nomau umeluege öb dr streife frei isch, sprich wener no nid ufem inseli isch mueser dermit rächne das uf dr angere site no lüt düre fahre..


    isch jedefaus mini meinig..



    Zitat von A3TurboTR

    Isch inem Vollkoasko au Rechtschutz inbegriffe?


    zu dire Frag, i bezwifle schwär dass i dire vollkasko e rächtsschutz integriert isch, de müesstisch aso bire sehr guete versicherig si :)


    aso bi mim arbeitgäber isch so, dass ir outoversicherig zwar e rächtsschutz dinne isch, das giut aber nur für so vertragsproblem, choufvertrag, leasing, garageufträg und so. aber für dis problem hie bruchs ä richtegi Verkehrsrächtschutz, süsch hiuft dr leider äuä niemer ;(


    i würd dä fau ämu o mire rächtsschutz mäude (ig ha logischerwis eini) die würde sech drum kümmere, schliesslech zahlt me für das ja prämie..


    Probier uf jedefau mau isprach z mache, de prüefe sis vilech no mau und wennd glück hesch chunnsch drus wends chasch begründe, süsch muesches äuä schlücke..


    hoffe z beschte für di, isch nämlech würklech e schweinerei..


    gruess

    Salüüü



    Es isch definitiv so, dass mer de Fuessgänger de Übertritt "in angemessener Art und Weise" muen gewähre was gemäss STAPO bedüütet, dass mer ned muen aahalte wenn er no uf de linke Siite vom Inseli isch. Wenn er aber natürli scho ufem Inseli isch denn scho. Im SVG staht au, dass mer muen halte wenn er scho druff isch, da de Streife aber durs Inseli trennt wird und quasi "zwei" Streife git muemers au separat aaluege. Also hesch kein Fehler gmacht und Buess isch nid grechtfertigt.



    Schwieriger wirds halt das ganze z'bewiese und dure z'setze. Ich würs aber sicher probiere. Entweder Iisprach mache degäge oder denn eifach Buess nid zahle und denn chunsch automatisch is "ordentliche Verfahre" und kriegsch rechtlichs Ghör. Guet wäred natürli Züüge oder allefalls sogar de Fuessgänger selber... :)



    Greez

    Man kann ein Auto nicht wie ein menschliches Wesen behandeln - ein Auto braucht Liebe....! :wh:

    Hoi, ich würdi im ene fründliche Ton Einsprache gegen diese Busse erheben dazu würde ich ein Foto von dem besagten Fussgängerstreifen machen. Ganz klar würde ich anführen das der Fussgängerstreifen durch eine Insel geteilt ist und somit kein Fussgänger auf Deiner Strassenseite war.


    Ich denke Du hast gute Karten bei dieser Sache! Wer hat eigentlich die Anzeige erstattet?


    Gruess


    Roland


    minere Meinig nach beschte Vorschlag bis anhin :)

    Autos fahren von A nach B | Nur gut, dass ich im Alphabet B gekonnt übersehe!

    habe der lieben Gemeindepolizei einen nicht gerade netten Brief geschrieben worin ich mich verarscht fühle das ich wegen ihnen überhaupt einen Brief verfassen muss da ich ja ihrem Polizisten schon an Ort und Stelle darauf aufmerksam gemacht habe dass diese Busse nicht rechtens sei.


    habe gestern Post erhalten wo sie mir recht geben das ich Juristisch gesehn im Recht sei und sie meine Busse zurückziehen werden.aber faktisch sie mich eigentlich doch verwarnen könnten.


    HHHaHHaHHa wenn man juristisch recht bekommt kann man von mir aus gesehn faktisch nicht im Unrecht sein :kgw:

    mal no grad e frag zu däm thema.
    dpolizei mus doch e bewis ha für das? oder ligi da falsch also respektiv es video oder e usag vom fussgänger. die chöi ja ohnid säge das mit 160 gfahre bisch wes di nid blitzed oder video bewis hei?

    leider meuss dpolizei kei bewis wie video, photo oder sösch en ufnahm ha. en polizeibeamte werd noch sinere polizeischuel vereidigt, das heisst, dass är emmer dwahrheit muess säge ond em gsetz diene ond bla bla bla... wenns also zwoi send wo domm tüend ond stiif ond fescht behauptet, dass em onrächt besch, eschs zemli schwerig degäge azcho ossert du hesch en klare bewis. meischtens gilt aber em zwifelsfall för de bescholdigt ond denn gähnds scho noche.


    dä metem brief hesch tiptop gmacht, är esch wahrsch. grad mol a die rechtig stell cho ond hed die ganz röcknahm is rolle brocht :D