Formel 1 Rennen Monza 2011

  • Salei zäme ha mal wider e chlini Frag id Rundi.


    Isch öpert vo euch schomal amene Formel 1 Renne gsi?
    -Wenn Ja wie isches?
    -Wenn nei wett mal öpert go oder hetts scholang vorgha?


    Ich han mir überleit das Jahr mal anes Formel 1 renne z gah und zwar a das in Monza (IT) von 9-11 September


    Irgendwie wärs doch mal Intressant so öpis z gseh und ich ha mer das scholang mal welle erfüle irgendwo amene egge z sitze oder z stoh und sones Grät gse am mir verbii fahre...


    Gaht öpert a das Renne? oder hetts öper vorgha? oder isch öper schomal mit de Gedanke drübergstreift dert ane z gah?


    Es muess ned s Renne si cha au s Quali si oder Freis Training. Da ich eich ned vorgha han s ganze Weekend Isch eh vill z tüür) sondern nur n Tag z gah aber bi mir isches au noned Definitiv.


    Lg Popof

  • Salü



    Ich be im 2004 am Hungaroring gsi und ha Sitzplätz i de zielkurve gha, Silbertribüüni.



    Ha das Jahr eigentlich au uf Monza welle, chan aber us bruefleche gründ ned ga.



    Ich cha der uf jede fall säge, dass es abartig luut gsi esch und mega interessant z'vergliche wie gross d'unterschied sind vo de Top Teams zu de chlinere, speziell grad was Kurve abelangt. Da send Ferrari und co. so vell schneller döre gheizt als z.B. en Toyota oder en Jaguar.



    Was ich dier empfähle (rate) chan, sind unbedingt Sitzplätz, da in Monza anschienend vo de Stehplätz us sehr wenig gsesch, wells zemlech vell Bäum det hed... Und usserdem besch wahrschinlech eh scho früener a de Strecki und luegsch grad no andere Renne (Porsche Cup etc.), denn besch froh chasch hocke.



    Wenn ned s'ganze Weekend ga wotsch, denn wörd ich mich för d'Quali und s'Renne entscheide. Ich be dazumals Fritig bis Suntig gsi und muess säge, dass eigentlich Sa und So glänged hed. In Ungarn stimmed aber no d'Attraktivitäte näb de Rennstrecki :ablach: :pr:



    Und wie du seisch, dass es dier scho lang hesch welle mal go aluege, denn wörd ichs grad richtig mache, Sa und So!



    Gruess

  • i bin vor ca. 8 johr z barcelona gsi. rächt idrückloch wenns so mit über 300 a dir vorbi fahräd. was eifach mega anderst sich wenn überrundigä oder zwüschäfäll passiäräd häd mä kein durchblick meh wär z.b uf position 5 sich.


    än tipp no. mäld di doch bi sauber uf dä homepage ah für d newsletter und so, denn chunsch immer ä iladig über uf monza den chasch zu mä fare pies ad Rennstrecke fahrä und mit dä sauber mitarbeiter s ränne luägä.