Sali zämme
Bin neu do, und foh grad mol ah mit mim Problem
Ich fahre en Audi A4 1.8T Quattro, Modell 2003, 149000km. Sit langem han ich es Problem, dass d'Motorlampe brennt. Bin bis jetzt bi 4 Audi/VW Garage gsi und niemer het mer genau chönne säge was mis Auto het. Han au kei Leistigsverlust. Bin agsproche worde, ob mis Auto chippet isch. Nei, oder anderst gseit, vellecht vom Vorgänger. Also de Zuegriff ufs Motorstürgrät isch ned möglich. Ich han de Fehler scho öpe 6 Mol lösche loh, und denn chont er weder, und goht mengisch sogar vo elleige weg. Und chont nach 2, 3 Woche weder... Ich fahre sit ere Ewigkeit so ome, aber han bis jetzt kei witeri Problem gha.
Chönd ihr mir vellecht witerhelfe? Het öper die gliche Erfahrige gmacht?
Danke scho jetzt für euchi Antworte
Gruss Denis