Kenwood KAC943 Einstellen

    Hy Leuts.


    Ha i mim Cheller no en Kenwood KAC943 verstärker gfunde. Han en jetzt iibaut und zwei 3-Weg Luutsprecher aneghänkt. Evtl. chunnt spööter mal no e Basschischte dezue.
    Leider hani kein Plan vode fiiniistellig und bruuche eui Hilf.


    Fotos vode Regler wo vorhande sind findet Ihr uf:
    http://amp-performance.de/152-Kenwood-KAC-943.html


    oder ide PDF's im Download unter LINK


    Mini Frage:
    A welli aaschlüss sölli die Luutsprecher am beste aahänke?
    Wenn en Basschischte, wo die?
    Was genau bewürki mit wellem Regler? Hätt ja 2 obe druf und jensti uf de Siite...
    Wie würded Ihr das iistelle damits einigermasse e guete Sound anechunnt?
    Headunit isch en 4x50 Watt (glaubs au Kenwood) weiss aber de Typ nöd genau...


    Es muess nöd für en Soundwettbewerb iigstellt sii!! Ich wett eifach bitzli suuberi Musig ....


    Danke schomal für euri Hilf ...




    .

    Ich arbeite, damit ich tanken kann, damit ich zur Arbeit komme...

    Hey
    Aso a die Endstufe chasch du Wahlwiis 2 Luutsprächer + 1 Woofer oder 4 Luutsprächer aschlüssä...


    Variante 1. Es päärli luutsprächer jewils bi + und - obe und une und de Subwoofer wer den uf + und - wo Bridget staht. Bridget heisst soviel wie "Gebrückt" und verbindet 2 kanäl das de woofer meh leistig überchunt.


    und wen 4 luutsprächer aschlüssä willsch eifach jewils bi + und - R und L.


    Bruchsch aber au es Radio wo vorverstärker usgäng het (chinch) wo den bi Line in aschlüsse tuesch.


    Hoffe ha der chli chöne helfe...


    Suscht eifach melde ;) :dh:

    Das isch schomal en Aafang. Also hani d'luutsprecher scho mal richtig. Thx...


    Aagschlosse isch scho alles. Radio hätt Chinch. Kabel sind suuber verleit. Es gaht würklich nuno um fiinistellige...



    Aber was machi mit dene chline rädli und schieberli uf de Siite? Welle sölli uf was stelle damit welle effekt han?
    Da hani eifach übehaupt kein plan ... :confuse:

    Ich arbeite, damit ich tanken kann, damit ich zur Arbeit komme...

    Aso Lug:


    Am beste tuesch chli usprobiere. Kaputt mache chasch nüt... HPF Z.b heisst High-pass Filter und LPF daher Low Pass Filter. A dene chasch du sege welles "klangbild" uf d' Luutsprächer gschickt wird. LOW PASS = Tüüftön, als eigentlich nume bi wuufer oder Kick-bäss brucht. High Pass = Hoche töön..


    Aber ebe am beste chli usprobiere, mach ich au immer so und "lueg den mit de Ohre" wies am beste tönt für min gschmack...


    Hoffe bringsch es guet ergäbniss here.. ;)

    Hoi


    Das mitem nüt kaputtmache wetti iz nid grad so ungerschribe. Auso bim istelle chunts zersch mau drufaa wasde wo aagschlosse hesch. När würdi füre subwoofer en lpf mit 60-65hz setze und für die andere lutsprächerli afe mau en hpf mit 80hz setze. Hesch die 3wäg lutsprächer überne weiche aagschlosse?
    D Input Sensitivity chasch mau so uf 1.0 setze, ca. d häufti. Da sötisch nume söfu ufdräie dass d Lutsprächere nid vo aafa z verzerre wed lut losisch (clipping).
    Was hesch fürne sicherig und kabel vor batterie zur ändstufe verleit?


    Grüess Jürg

    Aso den Input hani jetzt mal gaanz abe gsetzt wills bitzli überschlage hätt. Jetzt tönts scho besser.


    Aber macht das Sinn 3-Weg Luutsüprecher mit "nur" LPF aazstüüre? Denn mueni ja fasch en Sub innehaue? Oder nöd!?!? :confuse:
    Sölli D'LS ufem Verstärcher uf dene goldige aaschlüss uf 1+3 und 2+4 aahänke oder uf 1+2 und 3+4? Wüssed ihr wieni meine?


    Nei D'LS sind direkt vom Verstärker ufd LS. Ohni Frequenzwiichene oder so.


    KAbel sind so ganz normali vo Ground Zero so es Package mit Chinch, Remote, Strom mit Sicherig inkl und Erdig.
    Ich denke für das bitzli musig woni da mache langets, isch ja nur d'Winterchischte....





    .

    Ich arbeite, damit ich tanken kann, damit ich zur Arbeit komme...

    Also en lpf setzisch i dim Fall bimne Sub. Was hesch de für Lutsprächer bzw. wi wosch das 3wäg system a 2/4 Kanäl aaschliesse? En hpf bi 65-80hz chasch scho mau sicher setze, ungerdranne ghörsch e nüt wed kei sub hesch (odr ömu nid viu schlaus).


    Dr verstercher het 2 kanäl (a, b) da tuesch zum bispil bim a di chline hochtöner und bim b 16er Lutsprächer dra. abr ohni z wüsse wi dini lutsprächer usgseh chani o nid säge wie aaschliesse und iistelle. Chasch mau es par föteli inesteue?

    àhm ja han mi verschribe obe. HPF hani gmeint für D'Luutsprecher.


    D'LS sind die LINK


    Aber jetzt hanis durchschaut. :licht: Jetzt tönts au schomal nöd schlecht. Ämal für de Normal gebruuch langets.


    Hans jetzt folgendermasse aagschlosse:


    Kanal A: Luutsprecher ufem 1+3 und 2+4. Sensitiviti uf ca 0.3 chli drunder...
    Denn uf Stereo natürlich. HPF und ca 90hz


    Kanal B: Subwoofer ufem 1+3 Sensitiviti uf ca. 0.5
    Det hani au Stereo gwählt. Oder isch gschiider Mono? und ca 35 hz



    Thx nomal für eui Hilf....




    :prost:

    Ich arbeite, damit ich tanken kann, damit ich zur Arbeit komme...

    Aaso für die 3wäg würdi mal en hpf mit 65-80hz setze. Wennd en subwoofer hesch denn dä mitemne lpf und 60hz trenne. 35hz isch für nüt, dr sub spiut zwüsche 30-65hz am beschte drum würdig mit emne lpf (lowpass= alle höheren töne werden aufgehalten) bi ca 60hz trenne.


    ke ahnig wasde mit 1+3 und 2+4 meinsch, di obere aaschlüss sind kanal a mit je +/- für rächts und links (da würd ig di 2 3wäg aaschliesse) und unde ds gliche uf kanal b (füre sub, da chasch o brügged auso ufem + vo links und - vom rächts aaschliesse).