Suche Cabrio mit Allrad, Automat & Diesel

  • Hallo mitenand


    Bi uf de Suechi nacheme neuie Auto:

    • Cabriolet vo VW oder Audi
    • Diesel, max. 3l Hubruum
    • Allrad-Aatrieb
    • Automat
    • bevorzugti Farb schwarz
    • nöd meh wie 100'000 km
    • nöd älter wie 2009
    • Priis so ca. CHF 30' - 40'000.--


    Ich wäiss, Cabrios mit de Kombination Diesel und Allrad gits nöd soo vill und isch au nöd jedermanns Gschmack, aber da drum gahts aktuell nöd.


    autoscout und car4you hani scho aaglueget, ihr chönd Eui also dMüeh schpare, dete z'luege. Aktuell entweder unseriösi Aagebot oder nöd mini Lieblingsfarb druff ;)


    Aber hey, villicht wüssed Ihr ja, womer so es Cabi her überchunnt. Mues käin Händler sii, vo Privat isch mer no fascht lieber.


    Danke scho mal villmal für Euiri Hiiwiis!


    Gruess,
    flyer83

  • Sali mike_k


    den lueg im dütsche und hols rein ;)
    mobile.de ...

    Danke für Diin Hiiwiis. Ich will de Wage aber au zerscht gseh, bevor en chaufe. Und dadefüür unter Umschtände bis zu 1'800km umenandfahre isch chli umschtändlich. Ganz z'schwiige vo de Zollformalitäte, wo nachher uf mich zuechömed...


    Wäiss öpper, womer da ide Schwiiz e sones Auto gemäss Suechkriterie i mim erschte Biitrag vomene seriöse Händler (soferns das überhaupt git...) oder Privat überchunnt?


    Gruess,
    flyer83


    PS:
    Ha dSuechi gliich mal duregfüehrt. Das Auto, wo am nächschte schtaht und mini Kriterie würd erfülle, isch 6 Auto-Schtunde vo mim Wohnort entfernt. Hi & zrugg 12h :(

  • Sali Aleks89

    Ist das etwas für dich? weiss nicht ob die innenfarbe gefällt

    Dä hani scho gseh. Wär äigetli perfäkt, ussert dass er Typeschii X und käi Kurveliecht hät...


    Ich erlaube mir gliich no, i dem Zämehang uf Folgendes hiizwiise:

    autoscout und car4you hani scho aaglueget, ihr chönd Eui also dMüeh schpare, dete z'luege. Aktuell entweder unseriösi Aagebot oder nöd mini Lieblingsfarb druff

    Aber danke äinewäg ;)


    Schöns Tägli & Gruess,
    flyer83