VW Currybockwurst & Gewürzketchup

  • Guete Morge zäme


    Bi düütsche VW Garagene chammer mit de Täilinummere "199 398 500 A" VW Currybockwürscht bschtelle, siehe Wikipedia. Als Zuebehör gits Gwürzketchup.


    Die VW-Originaltäil sind en Ränner bi Garage-Fäscht oder VW-Träffe :D




    Bi de amag chunnt mers us Logistikgründe (käi gküehlti Transportmöglichkäit) nöd über. Han e düütschi Garage aagfräget, aber die liefered käi Huushaltsmängene, siehe au aaghänkti Priisliischte. Mindeschtabnahm für 170gr.-VW-Currybockwurscht sind 420 Stk., Mindeschtabnahm für Gwürzketchup sind 180 Fläsche. Demit mer dMindeschtabnahmemängi möglichscht zämebringet, bschtellemer nur vo de 170gr.-Currybockwurscht und 500ml-Gwürzketchup und käi 85gr.-Currybockwürscht oder 12kg-Gwürzketchup.


    Wänn mer dMindeschtabnahmemängi zämebringed, tueni die gern bschtelle und usm Düütsche importiere. Zu de aagegäbene Priise womer mitm mir gwährte aktuelle Deviseverchaufskurs (zurziit ca. 1.11) vo de Banke tuet umrächne, chämti no de düütschi MwSt.-Satz vo 7% für Läbesmittel dezue, womer evtl. wieder zruggüberchunnt sowie dVerzollig und de Schwiizer MwSt.-Satz für Läbesmittel vo 2,5%. Mini Frachtchöschte zwüschet de düütsche Garage und de Schwiiz sowie min ziitliche Uufwand tueni Eui schänke ;)


    Abhole chönnder Euiri Bschtellig im Züri Underland, Region Dielsdorf. Schicke isch au mögli, da verrächni zuesätzlich die effektive Versand- & Portochöschte. Zahle entweder im Voruus per Banküberwiisig oder bar bi Abholig, abgrächnet wird in Schwiizer Franke (CHF).


    Schriibet Euiri verbindlichi Bschtellig für 5er-Pack-170gr.-Currybockwürscht à 5x EUR 0.93 = EUR 4.65 zzgl. CH-MwSt. und evtl. DE-MwSt. sowie Verzollig und 500ml-Gwürzketchup à EUR 1.94 zzgl. CH-MwSt. und evtl. DE-MwSt. sowie Verzollig per E-Mail a "flyer-83'at'bluemail.ch". Kopiered dezue bitte folgends Formular:


    Ich freu mi, wänns z'schtand chunnt und wünsche Eui e schöns Tägli! :)


    Gruess,
    flyer83

  • Ganz kurz ein Gedanke dazu... Ich bin zu müd das jetzt grammatikalisch korrekt auszuführen... Du willst ernsthaft 400 Würste bestellen.. Ohne Kühlung.. Und dann das in die Schweiz über den Zoll bringen... ( Fleisch, Zoll, 2,5%??? ).. Und weil das noch zu wenig irre ist, 180 flaschen Ketchup ... Weisst.. Ich bin ja für jeden Spass zu haben.. Aber du machst mir echt langsam Angst

  • Hoi mitenand

    Ganz kurz ein Gedanke dazu... Ich bin zu müd das jetzt grammatikalisch korrekt auszuführen... Du willst ernsthaft 400 Würste bestellen.. Ohne Kühlung.. Und dann das in die Schweiz über den Zoll bringen... ( Fleisch, Zoll, 2,5%??? ).. Und weil das noch zu wenig irre ist, 180 flaschen Ketchup ... Weisst.. Ich bin ja für jeden Spass zu haben.. Aber du machst mir echt langsam Angst

    Über 10Kg zahlst du auch 23Fr/Kg Zoll für Fleisch, dann kostet dich ein 5er Pack alleine 19.55 an Zoll..
    Am Ende kostet 1 Würstchen knappe 5Fr

    Danke für Euiri konschtruktive Hiiwiis.


    Ha mal no glueget wage Zolltarif, würd CHF 1.5181 pro 170.gr-Wurscht mache, was nöd so absurd wär, siehe Anhang. Und wägme halbschtündige Transport göhnd dWürscht nöd hopps, da si voorgart und häissgräucheret sind.


    Jetzt hani aber mal no vertüüft googlet und bin uf de Link gschtosse:
    Feinkost Stuttgart


    D.h. mer müend gar käi Grossmängene bschtelle :D


    Drum schtornieri hiermit dSammelbeschtellig, es därf jede sälber bschtelle ;)


    Edit: Ha mer grad 2 Pack & 1 Gwürzketchup bschtellt. VW-Currybockwurscht olé! :D


    Schöns Tägli & Gruess,
    flyer83

  • Sali zäme


    Gib mal es Feedback wie die Würst so schmöcked. Lustigi Idee findis einewäg. ...

    Interessiert mi au, ob die Würscht guet schmöcked.


    Ha dWürscht jetzt scho 2x gmacht, äinisch ide BRatpfanne mit chli Öl, äinisch ufm Grill. Ich finde, die VW-Originaltäil schmöcket so oder so guet, es bitz wie grossi Wienerli. Und mit em Gwürzkätchöp sinds besser wie ächti Görriwürscht ;)


    Gruess,
    flyer83