Elektrische Fensterheber defekt VW Golf Variant

  • Hallo Zusammen
    Ihr werdet rasch feststellen dass ich ein totaler Auto Noob bin. Habe ein paar Fragen die sich um meinen Golf und einen defekten Fensterheber-Motor drehen.


    1. Wie gesagt ist der linke fordere Fensterheber-Motor kaputt. Der kfz Mensch sagte mir so ein Motor würde 400 bis 500 Fr. kosten. Kann das sein? Für diesen Preis kauft man sich doch eine neue Türe inklusiv Motor.


    2. Habe ein bisschen auf Ebay rumgestöbert und wesentlich tiefere Preise entdeckt. Nun habe ich das Problem das ich mir nicht ganz sicher bin was ich für einen Golf besitze. 3er oder 4er und dann gibt es noch diese „Bora“ Bezeichnung. Auf dem Fahrzeugausweis steht folgendes:
    Marke Typ: VW Golf Variant
    Fahrgestell-Nr.: WVW ZZZ 1HZ VW4 551 51
    1.Inverkehrsetzung: 09.04.1997


    Vermute mal es ist ein VW Golf 4. Bin mir halt nicht ganz sicher.


    Kann mir jemand meine Fragen beantworten und vielleicht noch einen Typ geben, auf was man achten muss beim Kauf eines FH-Motors. Muss man nur den Motor auswechseln oder hängen da noch andere Dinge mit zusammen? Ist es heikel so etwas selbst zu installieren?


    Vielen Dank im Voraus.

  • Also d vom Jahrgang här händ diä Modäll sich glaub überschnittä, chöntsch somit beid ha. Unä zwei Variantä:



    Golf 3 Variant


    http://www.autobild.de/ir_img/59267632_2f3a05a822.jpg



    Golf 4 Variant


    http://upload.wikimedia.org/wi…11/VW_Golf_IV_Variant.jpg



    Ich känn dis Problem nur vom Golf 4. Wänt deht muäsch än Schiibähebär Motor uswächslä muäsch d Türvächleidig wägnäh. Under därä Vächleidig isch ä Aluplattä ufgschruubät wo dä Schiibähebermotor druffgschrubet isch. Dä müästisch lösä, ussteckä und dä neu druffschruubä und widär ahhänkä. Ich dänk mit dem sötts erledigt sii. Wägäm Priis würi mal bim Derendinger ahfrögä und nöd diräkt bidä Amag oder suschtigä VW Väträttig wills eifach vill tüürer isch.



    Beschriib aber zerscht mal dis Problem gnauer. Isch d Schiibä dobä und gaht nümä abä oder ischsi dunä und gaht nümä uä? Bi denä Modäll butzts gärn eifach dä Heber und nöd dä Motor.

    Fahre niemals schneller als dein Schutzengel fliegen kann...

  • Es isch eso gsi dasd Schibä problemlos abe gaht und au bis zumene gwüsse Punkt wider ufe gaht, denn blockiert si und gaht automatisch wider abe.


    übrigens Danke für dini Antwort.

  • Ok also bi mir ischäs am Afang au so gsi wiäds du erchlärt häsch. Zumnä schpötärä Ziitpunkt isch d Schiibä nur no bis id Mitti uägangä und nachär ganz abgsackt und nümä uächo. Drumm hani au gfrögät öbt s Problem bessär chasch schildärä. So wiä dus seisch tipp ich aber ebä ender uf dä Schiibähebärarm und nöd uf dä Motor. Für das gits än Rep. Satz wot aber schlächt sälber chasch instaliärä. Isch aber alles nur ä Vämuätig, bin au kän Mech und han au nöd gross Ahnig vo dem Züüg. Chan där da nur mini Erfahrigä schildärä.

    Fahre niemals schneller als dein Schutzengel fliegen kann...

  • Ich has jetz gschafft dassd Schibä ufe gaht, aber nur mit Müeh und Not. Mä Darf dr Schalter immer nur kurz betätige und chli an dr Schibe rüttle.
    Ha dr Schalte abghänkt dass niemerts ufd Idee chunnt die wider abezla. Ich verzicht lieber uf es offnigs Fänschter als so vil Geld zahle.
    Ha schliesslich e Klimaalag:-) und in de nöchschte 2-3 Jahr wirdi mir sowieso es neus Auto zuetue.
    Au wenns nid dr Motor isch wird das alles inkl. Arbet nid ganz billig si.


    Danke für dini Tipps.
    Gruess und es schöns Weekend

  • übrigens, bi mim Bora isch au hüt gad Schiibe ganz abegheit. Isch e alti Krankheit vo de 4er Golf u Bora. Has grad direkt mache lah. Was es koshted hät, weiss ech noni, chönts dir aber mitteile so bald d'Rechnig cho isch... Sind nur d'Heber gsi, wo abbroche sind.

  • Gibt einen Rep.Satz von VW, musst nicht den ganzen Heber neu nehmen. (Ist zumindest in den meisten Fällen so).


    Von wo kommst du?


    Gruess
    Marc


    Rep Satz kostet c.a 60-70 chf mit arbeit zahlst du ca. 250 chf (AMAG) wenn du ein wenig selber schrauben kannst mache es selber, ich habe schon etliche verbaut....