Audi S8 4D2 (1998)

  • Hoi zäme!


    Das isch min S8:


    Isch alles ganz serienmässig. Im Summer chömed dänn jewiils no 4x Sportec mit 8,5x19-245, ET 35mm dezue (s. Bild oben), links und rächts dänn jewiils 5mm verbreiteret.


    Und da no vo vorne:


    I mues säge, isch e echts Traumauto: Vo sanftem Gläite durch BOSE-Sound-System untermalt (ohne Wahrnehmung irgendwelcher Wind- oder Motorengeräusche) bis härtischti Gangart (Musik aus, Rohre subito fortissimo, heiseres V8-Geröhr) alles möglich. Und 0-100 km/h in 6,6 s mit Automat (5,6 s bi Schaltgetriebe) bi guet zwe Tonne Gsamtgwicht sicher beiidruckend. Die elektronisch abgrigleti Vmax vo 250km/h hani noni ganz uusgräizt, 240km/h (Tachowert) händs au taa... Mal luege, villilcht nächscht Summer :D


    Chliini Frag am Rande: Hät suscht no es Forum-Mitglied en S8?


    Gruess,


    flyer83

  • Ha hüt e Fotisession gmacht & wott Eui dImpressione nid vorenthalte. Chliine Hiiwiis: Alli Grafike sind naabearbeitet worde.


    Sälbverschtändli zerscht die versprochene Interieur-Bilder:


    D Konsole über die ganz Bräiti us zwe Blickwinkel:


    D Mittelkonsole im Detail:


    Biifahrersiite:


    Es paar Detailaasichte:


    De Fond:


    De Motor:


    Und zum Schluss no es paar Photoshop-Farb-Spielereie:


    Schtimmig "Gwitter"


    Schtimmig "Artkis"


    Hoffe, mini chlii Fotireportaasch hät Eui gfalle ;)


    Gruess,


    flyer83

  • schönes auto.


    ich habe da mal zwei fragen an dich.


    1. hast du dich bewusst für den automaten entschieden? wenn ja wieso?
    2. farbkombination auch so gesucht und gekauft?


    ich suche (eher wenn ich mal daran vorbei gehen sollte) eine S8 D2 handgeschlatet mit dem facelift und dem 360 ps mocken... da könnte ich sogar schwach werden meinen plus herzugeben. aber wohl eher doch nicht. :u: :D

  • Ciao HCB!

    1. hast du dich bewusst für den automaten entschieden? wenn ja wieso?
    2. farbkombination auch so gesucht und gekauft?


    Weder noch. De S8 isch en Glägehäitskauf bim Garagischt mines Vertrouens gsi. So det gschtande mit 8-fach-Beräifig zumene Kollege-Priis, da hani nöd chönne widerschtah :an:


    Beträffend Automat: Uf mim Arbetswäg häts öppe die mal no Schtau. Vo dem her isch de Automat i sonere Situation klar im Vorteil. Bi Beschleunigungsränne nöd. Aber das kännemer ja vom Turboloch: Es git em Gägner no e Verschnuufpause, bevors richtig zur Sach gaht :D


    Die Farbe: Für mich ischd Farb relativ wichtig. Allgemein bevorzugi dunkli Farbe wie z.B. Mattschwarz, dunkelblau, British Racing Green:

    Aber inzwüsche hani mi au mitm Silber-metallisé chönne aafründe.


    Gruess,
    flyer83

  • Ciao Stromi 78!


    Ja, mit de Legände häsch rächt ;)

    Zitat von Wikipedia

    Die erste Generation wurde von 1996 bis 2002 auf dem deutschen Markt angeboten. Sie besaß einen 4,2-l-V8-Motor mit 250 kW (340 PS) – ... – und war ausschließlich mit dem permanenten quattro-Allradantrieb mit Torsen-Mittendifferential erhältlich. Als Getriebe war wahlweise ein Fünf-Gang-Automatikgetriebe mit Tiptronicfunktion, dynamischem Schaltprogramm (DSP) und Sportprogramm oder ein vollsynchronisiertes 6-Gang-Schaltgetriebe erhältlich, das den Audi S8 im Segment der sportlichen Oberklassenlimousinen einzigartig machte. Zum Zeitpunkt der Markteinführung war er die stärkste Allradlimousine der Welt. Durch die besondere Kombination aus Aluminiumkarosserie, permanentem Allradantrieb und dem starken V8-Motor konnte er sogar im Spurt mit dem Porsche Carrera mithalten.


    Gruess,
    flyer83

  • ou vo mir, sehr schöns wägeli hesch da :)
    i liebe so edli auto, i ha ja ou nüt gross a mim gmacht wüui finde dases süsch dr philosophie vo somne auto eifach nid grächt würd wärde....


    das auto strahlt scho so e enormi präsenz us, vo däm här ischer ächt e hübschi perle!!

    jage nicht, was du nicht zähmen kannst! \n\n :dh: Audi for life :dh: