Welches Navigationssystem?

  • Hallo zäme!


    Min Audi S8 hät es Navi dinne. Leider isch das Ding, wie s Auto halt au, scho 10 Jahr alt und hät nümme alli ziitgemässe Features wie z.B. TMC, 3D-Visualisierung, Lane-Assist etc. drin. Normalerwiis langts mer voorig, nid aber, wenn ich uf grossi Fahrt gah, wie de Summer plant.


    Ich schpill drum mitm Gedanke, mir es neuis Navi zueztue. Wär cool, wänn das Ding au no schprützwasserfescht wär, will is evtl. dänn au ab und zu as Motorbike würd anemache; Headset Scala-Rider II hani scho, drum wär dänn Bluetooth vo Vorteil.


    Im Dateiaahang hani mal es PDF ineghänkt miteme Vergliich vo digitech. Ich schtell mer irgendöppis i die Richtig voor.


    Mini Fraag a Eui: Wär hät scho was für Erfahrige gmacht mit wellne Navis? Gits wiiteri Navis, wo ihr mir chänntet empfehle?


    Gruess,
    flyer83

  • Ja we da niämmer wot muäss ig haut :D
    Auso cha nid viu sägä. Ig ha bis its nume drü verschidnegi Tom Tom gha. Bi eigetläch guät z fride gsi drmit, oder bi no z fride :)
    Dä mit dr Spurahzeig isch no gäbi so a Outobahnchrütz mit viune Spure.
    Meh chani dir nid sääge.


    Mfg biber

  • Ich han scho alles probiert gha... vo TomTom über Navman bis jetzt zum Navigon und ich muess säge, s Navigon findi mit Abstand s beste. D TomTom sind ok aber minere Meinig chli tüür.
    Ich ha jetzt s Navigion 4310 (kostet bi Digitec 229.-) inkl Europakarte und gratis Updates für die Karte für die nächste 2 Jahr (Jede Monat gids Updates). Hed sowohl TMC, als au Fahrspuhrassistänt. Has bisher mal in Münche tested und de Fahrspurassistänt isch det unbezahlbar.


    Ich bin voll zfriede sowiit... und s beste dra isch, dass mers "pimpe" chan. Also wenn mer Ahnig vo dem Züg hed, was ich ja brueflich bedingt scho han. Gaht mir d Navigon Software mal uf d Nerve, cha mer das Ding rächt simpel "hacke" und chan denn jedi beliebigi Navi Software druf installiere :zunge: Denn hed mer theoretisch au d Möglichkeit die entsprächende Radar-Warner druf z installiere. Ned, das ich das mache würd aber es eröffnet eim ganz neui Möglichkeite. Und für mich isch hald die "Flexibilität" es Kaufkriterium gsi. Aber ich bin mit de original Software und em Priis-/Leistigsverhältnis scho extrem zfriede

  • eifach eis wo mit iGo lauft...de grund isch d'kartevielfalt vom iGo system, do hesch jetzt eifach alles mögliche dine...bsp: die meiste navi maps hend vom balkan nur d'autobahne dine, und sogar die e paar km neb de spur...nicht so iGo, immer topaktuelle maps von Navteq und co

    ----------------------------------------------------------\n<Blasen ist geiler als saugen>

  • Sali zäme!


    Danke für Eueri Tips.


    Ha no es paar Frage:


    eifach eis wo mit iGo lauft...

    Weli Navis chömed grad vom Herschteller mit iGo?


    D TomTom sind ok aber minere Meinig chli tüür.
    Ich ha jetzt s Navigion 4310 (kostet bi Digitec 229.-) inkl Europakarte und gratis Updates für die Karte für die nächste 2 Jahr (Jede Monat gids Updates).

    Naja, soo tüür sind ja Tomtom au nümme. I ha ja äis uf de Lischte, wo mer scho ab 188.-- überchunnt. Anderschume: Das mit de Updates bi Navigon isch e super Sach, sicher e Überlegig wärt. Wäiss öpper, was Updates bi Tomtom choschtet?


    Gruess,
    flyer83

  • In erster linie isches Gschmackssach weli Oberflächi eim besser gfallt und mer eifacher bediene chan.


    D Updates bi mim sind aber mit somene Guetschiin debi gsi. Bin also ned sicher ob die bi Navigon immer eifach gratis debi sind... nur so als Hiwiis.
    Bi TomTom kostet das für 2 Jahr glaub 100.- und bi Navigon hanis au scho gseh im Internet dass es öbe so viel kostet. Aber ha damals überall Aktione gseh gha wo grad d Updates gratis mit debi gha hesch.


    S Wichtigste in erster Linie find ich aber d Display Grössi und Qualität (Stichwort Spiegelige), d Bedienbarkeit (Gschmackssach) und de verbauti GPS Empfänger (wichtig für d Gnaugikeit, Gschwindigkeit und Stromverbruch)
    Grad bi de GPS Empfänger trännt sich glaub d Spreu vom Weize zimlich... die günstige händ meistens no die ältere Chips verbaut wo denn hald ungnauer sind und vorallem viel länger bruched zum d Satelite finde.


    En gueti Siite für Informatione isch übrigens die da -> Pocketnavigation

  • Hallo zäme


    Danke für alli Biiträäg.


    I hammer jetzt es Navigon 7310 bschtellt.


    Hät e sehr guets Priis-Läischtigs-Verhältnis. Für CHF 289.-- chumi es förmschöns Navi mit Navteq Europa vorinstalliert, TMC, Fahrspurassistent, Bluetooth, 3D-Gebäude-Aasicht, CleverParking, Geschwindigkeits-Assistent und Voice-Schtüürig über, zum nume es paar Merkmaal znänne.


    Zudem häts en schnälle 600MHz-Prozässor dinne und 4 GB Späicher. De isch optional dur e microSD nomal um 2GB erwiiterbaar, grösseri microSD gits nonig.


    Mal luege, wie sich das Ding bewährt...


    Gruess,
    flyer83

  • Ja das isch doch es cools Navi zumene super Priis. Vorallem d 3D Panorama Asicht isch geil wenn dur d Schwiizer Alpe fahrsch. Gsehd eifach no stylisch us. Sprachigab hani schomal chöne usprobiere und funktioniert erstuunlich guet (solang ned Schwiizerdütsch redsch).


    Aber s beste a de neue Navis isch scho de Fahrspurassistänt. In främde Grossstädt isch das en wahre Gottes Säge :dh:


    Und schlussendlich lauft das au mit Windows CE und wär somit au no "pimpbar" :pc: :zunge: De chöntsch vermuetlich am Schluss au no Filme druffe luege. De 600Mhz Prozässor chönt dadefür sogar no länge solangs ned DivX isch ;)


    PS. MicroSD Charte gids scho bis 32GB ;) Ha sälber im Natel scho en 8GB dine ;)

  • Sali Guuge!


    PS. MicroSD Charte gids scho bis 32GB ;) Ha sälber im Natel scho en 8GB dine ;)

    Ab 4 GB sind das aber microSDHC-Chartene. Sovill i wäiss, sind die mitm Navigon 7310 nöd kompatibel, under de Produktbeschriibig schtaht nume, dass das Grät microSD-kompatibel isch.


    Hät öpper gägetäiligi Erfahrige gmacht?


    Gruess,
    flyer83

  • Ja das ist immer so ne Sache mit den MicroSDHC Karten. Laut Google laufen bestimmte Karten problemlos... andere nicht. Kommt unter Umständen auch auf die Hardware Revision an.
    Mein altes Handy war offiziell auch nur zu MicroSD kompatibel. Konnte aber ohne Probleme eine 16GB MicroSDHDC Karte betreiben.

  • Sali Guuge!


    Danke für de Hiiwiis. :dh:


    Ich kümmere mich dänn mal drum, wänns aktuell wird, schprich wänni käi Schpäicherplatz meh han ufm Navi. Kackt mi chli aa, mir jetzt e 32GB-microSDHC-Charte für zwe Lappe go poschte und dä chännti si nöd bruuche :spi:


    Jetzt hani grad no e chliini anderi Schwierigkäit: Mini Frontschiibe isch metallbedampft. Drumm chas GPS dSignal nöd empfange. Ich wird drumm e externi Antänne bruche, Aaschluss isch vorhande am Navi. Die Antänne mues aber no e schpezielli Uufnahm ha, nöd äifach nur en Magnetfuess, will de S8 e Alu-Karosserie hät und drumm de Magnet nid würd hebe. Schäiss-Luxus-Problem aber au :v:


    -->Wäiss öpper, wos das e sone externi Antänne git?


    Ich wird au mal no bin Chundedienscht vo digitec.ch und navigon.com nachefrääge, mal luege, wie kompetänt die demit umgönnd...


    Gruess & e schöns Tägli, :D
    flyer83



  • Ich ha genau s gliiche. Nur chli Scheisse das de Blitzkastewarner ned goht ide Schweiz.... :D

  • Sali zäme!


    Jetz hanis schwarz uf wiiss, en Antänne fürs Navigon 7310 isch gar nöd erhältlich und au nöd sinnvoll, da das Navi gar kän Aaschluss für en extärni Antänne hät. :spi:


    Wänn öpper käi metallbedampfti Schiibe hät, wärs für derselbe ideal :dh: und drum büüti mis Navigon 7310 zum Verchauf aa.


    Wäiss öpper, öbs irgend es Kombi-Grät mit Radio, CD (kompatibel mit 6fach-CD-Wächsler im Kofferruum) und Navi (uusfahrbaars Display) git? :u:


    Hoffe, dass öpper andersch vo mim Geschribsel cha profitiere und sich für es Auto mit metallbedapfte Frontschiibe käis Navigon 7310 chauft.

    Gruess,
    flyer83

  • HI Flyer83 also du kannst am 7310 externe GPS antenne anschliessen die mit dem MMCX stecker


    das teil kriegst du von Hama / AIV u.s.w.


    dreh das gerät um gleich rechs oben neben der Halterverankerung unter den feinem Gummi



    gruss JJ

  • Hi JJ


    Alles klar :)


    Gib mir mal Deine Angaben (Adr., Webpage) per PN. Kannst Du mir bis Freitag abend eins liefern? Wenn ja, zu welchem Preis?


    Gerne werde ich natürlich Forumsmitglieder berücksichtigen, wenn sie die Produkte konkurrenzfähig anbieten...

    Gruess,
    flyer83

  • Hehe, genau dorthin wollt ich heut abend noch gehen ;)


    Ich komme ca. 19.15 - 19.45 Uhr mal vorbei. Kannst mich nicht verfehlen, hab n schwarzes Polo-Shirt mit Audi-Logo auf der Brust an...


    Akzeptiert Ihr MasterCard oder VISA?


    Gruess,
    flyer83