Fahrzeug Vollfolierung - Deutschland?!

  • Bin eigentlich ganz zfride mit de Arbeit bis ufd Spiegel und Türklinke, dött hättmer no besser schaffe chönne. Si händ allerdings no en Fähler iibaut und bis jetzt nonig begliche, drum wotti "no" kei Wärbig defür mache bis das behobe isch ;)


    Hät 2 Täg tuured.

  • Also ich chan mis Baby voruussichtlich morn go abhole mit sine neue Stelze drunder und chli tüüfer als vorher... :) Und am Aabig bini vermuetli bimne Kolleg in Uster und nachher na in Grifesee...



    Ahja übrigens de 2Face.ch schaffed au mit 3M Folie. Mich het er vorallem weg sim Verständnis vo Autos und sinere Arbet überzüügt. Au isch sin Service genial, das heisst er nimmt sich Ziit zum berate und alles genau duredenke und wenn nachem foliere no irgendwo unebeheite sind oder sich Blase bildet (was bi 3M selte bis nie vorchunnt) denn chasch namal verbii gaa und er tuet der alles namal uusbessere. Kostelos natürli. Er isch au ziitlich flexibel, dass heisst du chaschs Auto am spaate Aabig bringe und hole au usserhalb vo de Öffnigsziite wil er 5min vo de Garag weg wohnt... Vorallem nimmt er sich au Ziit zum dis Auto genau under d'Lupe nää demit ers usenand baue chan und genau gliich wieder alles zemesetze chan ;) Kolleg vo mir hets in DE mache laa, (kei ahnig wo genau) und het nachher i de Schwiiz gseh dass de Dachhimmel nöd richtig montiert worde isch, dass im Kofferruum irgendwas ned wieder richtig montiert gsii isch usw... Das het mi au na chli devoo abghalte die Arbet uf DE z'vergää.



    Wenns halt im Dütsche mache lahsch heschs Problem, dass genau für so Sache wieder det ane müesstisch.... Au wennd mal en Chratzer iifangsch und eis Teil vom Auto neu foliert werde müessti... Darum han ich unbedingt i de Schwiiz welle bliibe mit dere Arbet und i de CH het de Zeljko eifach s'beschte Priis-/Leischtigsverhältnis wieni finde.



    Chasch mer ja ma e PN schicke denn luege mer mal ob mer eus irgendwo "über de Weg fahred" .... :dh:

    Man kann ein Auto nicht wie ein menschliches Wesen behandeln - ein Auto braucht Liebe....! :wh:

  • also die jungs wo min audi foliert hend, hends a eim tag gschafft, mit avery folie, und ohni au nur s'geringste abmontiere vo irgendwelche abauteili. und für en priis wiit unter 1000chf isch d'arbeit besser gmacht worde, als mängs eine woni gseh han wo i de ch foliert worde sich. hettmi selber au sehr verwunderet. de einzig nochteil isch halt das es nöd grad um de ecke gmacht worde isch (belgrad), aber defür isch de priis unschlagbar :)

    ----------------------------------------------------------\n<Blasen ist geiler als saugen>

  • Bin eigentlich ganz zfride mit de Arbeit bis ufd Spiegel und Türklinke, dött hättmer no besser schaffe chönne. Si händ allerdings no en Fähler iibaut und bis jetzt nonig begliche, drum wotti "no" kei Wärbig defür mache bis das behobe isch ;)


    Hät 2 Täg tuured.


    was si de das für Fähler wo si "ibaut" hei??
    äbe, 2 Täg isch öppe so s normale dämfau, i ha drum o scho drvo ghört dases e ganzi wuche gange isch.....


    ....



    @le male
    guet, das isch für mi hingäge gar nid müglech mis baby so loa z foliere, isch sicher e kostegünstigi alternative und weme connections het dert äne de isch das sicher e super sach, aber i weis nid, i wot scho dass das ganze richtig suuber verarbeitet wird u o es momäntli hebt und so :)


    Swizzy
    hesch mail.
    und ps- sötis nomau i erwägig zieh s ganze doch ir schwiz z mache chumi sicher gärn uf 2face zrügg, das uf au fäu, tönt o aues tiptop u ha o e guete iidruck vom ganze gha. trozdem, da i haut ono ufs gäud mues luege bir ganze sach würkt haut die sach im dütsche no rächt lukrativ z sii :b:

    jage nicht, was du nicht zähmen kannst! \n\n :dh: Audi for life :dh:

  • Si händ de Türgriff nöd richtig ighänkt und d Kindersicherig inetue :rolleyes: Dementsprechend hätmer d Türe nüm öffne chönne, das hät denn e Garage behebe müese. Jetzt warti dött no ufd Chole. Wennsi chunnt isch guet, susch gits dementsprechend kei Wiiterempfehlige ;)

  • sooo i mäude mi o mau wider zu wort.... i bi jez churz drvor mi z entschliesse bi de LumX in Schmerike dr Audi foliere z lah....
    i ha es guets Agebot becho inkl. de Türfäuz woni mir ha müesse sägä da lohnt sichs nümme weni uf DE gange das ga mache.
    Vorauem heimer ja scho paari da inne gueti Gründ ufzeigt die Sach hie i dr Schwiz mache z lah....


    Iz hani eig nurno wöue frage ob irgendöpper vo öich die Fima LumX scho kennt u scho irgendwelchi Erfahrige gmacht het?


    Speedsta:
    Das isch nid per Zuefau die Firma vo welere du scho gredt hesch?!


    Danke für öii Rückmäudige :dh:

    jage nicht, was du nicht zähmen kannst! \n\n :dh: Audi for life :dh:

  • jap dä lumix machts au guät .. macht suuberi sache :)


    viellicht gsehni din audi döt.. isch grad ä gmeind wiiter

  • hey lüt danke nech viumau für die schnäue antworte! :)


    bi auso positiv überrascht das ne doch so viu kenne, woni bi mir umenand gfragt ha hett dä fasch niemer kennt... aber ar auto züri hani scho es langs gspräch mit ihm gha u het mi überzügt, i ga nächstens de mau no mitem audi verbii zum luege weli vorbereitige das no müesse troffe wärde wäg steischläg und so.


    apropos, weis das öpper, wie wird de lack vorbereitet zum foliere? nur dasi das weis, i wett nid e schock becho dasme da no mues abschliiffe u nöi lackiere bevor me cha foliere, hie u da hani haut scho vor autobahn steischläg abbecho.... (normali steischläg u nid irgendwie ir übergröössi....)


    hot-bull
    danke füre link, da bini ou scho ga luege u hamer e offerte la schicke, arbeit u referänze si top, de priis isch aber dochno es stück höcher als bim lumx. danke trozdem!!


    Speedsta
    kennsch de simi persönlech? hetmi no e gäbige düecht u isch seeehr geduudig gsi mit mir :)


    samir
    echt? cool. hesch de scho paar folierti auto gseh vorusse?

    jage nicht, was du nicht zähmen kannst! \n\n :dh: Audi for life :dh:

  • Är foliert sehr vill, au ganzi Flottene ;) Do staht immer wider was ume. Als letsts hani en Landcruiser gseh woner gmacht hät.


    Wennd Ade Auto Züri mitem gredt häsch häschmi evt. au gsi, bin au am Stand gsi - dä wo fürs Liecht glueged häd ;)


    Dementsprechend kennen persönlich ja :D Är isch jo au e Xenonlook Vertriebsstell ;)


    De Lack muesmer nöd speziell vorbereite, er sött eifach suuber sii und dörf nirgends abblättere. Steischlägli und so wirsch nochhär je nachdem no es bitzeli gseh (git denn wiene chliini Delle) aber Problem ergit das nöd ;)

  • das tönt ja tiptop!


    phuuu du das het sövu lüt gha, aber möglech wärs scho gsi! ha no 2manne im schlepptau gha wo bi de liechter am luege gsi si!...


    ah guet de bini auso schono froh mues nid gross was gmacht wärde wie schliiffe oder sone gugus... :)
    de lack isch süsch no imne super zuestand, pflege ne au und poliere ne jo regelmässig. usserdäm dueni ne vorem foliere nomau professionell la ufpoliere....
    aber we das ja so geit u me halt eifach die chline steischläg fiin gseht chani drmit läbe... de audi isch ja glich oscho 6jährig u ke neuwage meh! :)

    jage nicht, was du nicht zähmen kannst! \n\n :dh: Audi for life :dh:

  • das isches äbe, er wird matt wiiss.....
    vom putze här chani aber dert o glich wie bisher oder wie?


    mit matt kenni mi haut grad gar nid us.... weni da flöigeli ufder folie ha, wie nimi die wäg? irgend mitteli wos speziell für folie git??

    jage nicht, was du nicht zähmen kannst! \n\n :dh: Audi for life :dh:

  • hehe okey das stimmt das wär no so guet he :)


    okey super danke füre tipp... de räschte chani ja de sicher de simon frage.... dä mues ja scho chli chönne uskunft gä oder ;)

    jage nicht, was du nicht zähmen kannst! \n\n :dh: Audi for life :dh: