Wo am besten Car Hifi kaufen ?

  • Ich möchte bei meinem auto eine neue Hifi reinbauen..
    Wo soll ich die Lautsprecher, woofer und verstärker kaufen??
    Ich möchte kein schrott kaufen, und es darf auch nicht all zu viel kosten.. :freude:


    danke und gruss

  • Do hesch di jo scho duregläse


    Vo dem her weisch jo eigentlich wo, wie was....


    Muesch halt mol säge wievil willsch usgeh, uf was Wert leisch (Platz, Sound etc.)


    Wenn ned viel über Car-Hifi weisch, gang lieber is Fachgschäft. Wenn chli en Ahnig vo Hifi hesch, mach di im MM (ich bin doch ned blöd) oder so schlau. Lueg eifach dass ned irgendwelchi 100'000 Watt Chrombüchsene chaufsch wo kein Name händ.
    Bi würklich tüfem Budget würdi mol mitere Aktivbasschischte afange. Wenns Gäld für chli meh langed mol en verstärker und en Passivsubwoofer (Radio mit Cinchusgang vorusgsetzt). Uf dem chasch den Ufbaue wenn meh Gäld hesch oder meh Sound willsch.


    BTW: Vo wo bisch? Würd au no helfe dir z'helfe ;)

  • Do Chani nume Fischer HIFI empfähle dä hets geilschte züg!
    Kualitativ uf sehr hohem Niveau.


    Dä het aues vo A-Z
    De gisch de lieber chli meh us dr für hesch öbbis Aschtändigs weder so MM Schrott!


    Gruss

  • Do Chani nume Fischer HIFI empfähle dä hets geilschte züg!
    Kualitativ uf sehr hohem Niveau.


    Dä het aues vo A-Z
    De gisch de lieber chli meh us dr für hesch öbbis Aschtändigs weder so MM Schrott!


    Gruss


    Fischer Hifi isch au no en gueti Adrässe. Bin dete aber amigs eher für Home Hifi etc. am luege.
    Und ehm... will jo ned afange striite... aber de Fischer verchauft di gliche Marke wie de MM au... also vo dem her...
    Bim MM stoht halt eifach no s eint oder ander Super-Billig-Chunde-Alock-Grät wo ned vil Wert isch... das mues mer halt "usefiltere"


    Aber wie gseit... gib eus mol paar Infos dure und denn chöned mer der sicher gnaueri Tipps geh.


  • Fischer Hifi isch au no en gueti Adrässe. Bin dete aber amigs eher für Home Hifi etc. am luege.
    Und ehm... will jo ned afange striite... aber de Fischer verchauft di gliche Marke wie de MM au... also vo dem her...
    Bim MM stoht halt eifach no s eint oder ander Super-Billig-Chunde-Alock-Grät wo ned vil Wert isch... das mues mer halt "usefiltere"


    Aber wie gseit... gib eus mol paar Infos dure und denn chöned mer der sicher gnaueri Tipps geh.


    ja oke


    ich brauche eine woofer, 2x 3-weglautsprecher 16,5cm Ø für hutablage, 2 x 3-weglautsprecher 13cm Ø sitz bank hinten, 2x 3-weglautsprecher 10cm Ø .. es darf so 1000.- kosten


    bruch ich no seperat hochtöner oder langetz ??
    diese seite hat recht billige lautsprecher sind die guet und ist diese seite algemein guet oder sind MM produkt besser?

  • Also erstens mol zu dinere Uflistig. Ich würd ned Lutsprächer i d Huetablag UND bi de Rücksitzbank ibaue. Entweder, oder.... aber ned beides. Für guete Sound für wenig Gäld, würdi dir empfehle Luutsprächer i d Huetablag ine z'tue (aber am beschte en stabili Huetablag us MDF oder so, ned di original versage). Am beschte geeignet für d Huetablag isch sicher es 2 oder 3-Wege Komponentesystem.


    Vorne je nach Platzverhältnis es 2 oder 3-Wegesystem (nime mol a du hesch dete 10 cm Ibauplätz, vo dem her eher es 2-Wege Komponentesystem).


    Subwoofer isch sicher immer witzig....


    Was vergässe hesch isch en Verstärker (oder grad mehreri). So wie ich das schätze brüchtisch idealerwiis zwei Zweikanal-Verstärker. Eine für de Subwoofer und eine für d Huetablag. Es 10cm 2-Wegesystem chasch guet eifach as Radio here hänke, bringt ned viel wenn mer so chlini System denn au no anere Mords-Endstufe betriibt.


    Zu de Händler bzw. Marke. Du findsch fasch überall und bi jedem gueti War und halt ebe di günschtigere Sache. Ich zell der mol es paar Markenäme uf, wo ich für guet empfinde:
    Emphaser (Lautsprecher, Subwoofer und Verstärker)
    Alpine (Radios und lautsprecher)
    Blaupunkt (Radios)
    Rodek (Verstärker und Lautsprecher)
    Becker (radios)
    JVC (Radios)
    Audison (Verstärker und Lautsprecher)
    Infinity (Lautsprecher)
    JBL (Lautsprecher udn Subwoofer)
    Axton (Verstärker, Subwoofer und Lautsprecher)


    Woni scho schlächti Erfahrige gmacht han sind (mues ned heisse dass es deswäge schlächti Markene sind):
    Magnat
    Spectron
    Pioneer
    Lem


    Am beschte stellsch der mol es paar Sache zäme wo du dänksch si passed bzw. wo dir gfalled. Denn chan mer eher mol luege... En fixfertigi Ichaufslischte mit allem Drum und Dran chöned mer dir bi dere riese Uswahl leider ned herezaubere.
    Vergiss i dim Budget aber "Chliteili" ned. Strom und SIgnalkabel chöned schnell au mol es paar Nötli choschte.
    Wenn 1000 Stutz für Front- und Hechsystem, sowie Verstärker, Radio und Chlimaterial chasch usgeh würdis ungefähr so ufteile (ich weiss... d Summe isch 1100):
    Frontsystem 100.-
    Huetablag (Inkl. Brett und Befestigung) 200.-
    Subwoofer 200.-
    Verstärker (1 4-Kanal oder 2 2-Kanal) 300.-
    Radio 150.-
    Chlimaterial 150.-

  • wie wärs denn ih dim fall mit de eifachste variante ? D.h. ziehsch der zb. es scho bestückts Soundboard (beispiel axton 3-wege ) dezue natürli no die passend ablag (choschtet glaub so um die 160.-) und en chline verstärker? Hesch nöd stundelang müese bastle.. d'priis/leistig find (ich persönlich ez fürs cax65 wie obe im link) gar nöd schlecht. Hans mal imene 106er Pug verbaue und bin eigentlich ohni zuesätzliche sub sehr zfriede gsih. Klar.. en professionelle eigebau gseht sicher besser us.. macht meh her.. erzüügt meh druck.. aber de mues mer au Ziit und Geld ufwände. Aber so als eifachi gsamtkonzept-lösig findis eh gueti sach.


    Mal zämegrechnet: board für 400.-
    ablag für 160.- (ca.)
    +Verstärker 200.-
    Kabelsatz etc. 120.-
    ______
    Ihbaufertig und parat für 880.- / (je nach material und lieferant sparsch no chli meh und s'wird günstiger) dänke das isch mal über de duume (880) en ziemli realistische priis.


    Isch natürli nur en idee.. s'git massig möglichi variante für dis ahliege dänki (Und unmenge ah produkt) ;)


    greets

    Autos fahren von A nach B | Nur gut, dass ich im Alphabet B gekonnt übersehe!

  • Bim erste kann mer schwer säge öb de guet isch. Isch jo Eigebau und meh gseht ned alles. Immerhin schiint de Lutsprächer im Ghüs en bruchbare z'si.
    Edit: Han jetzt grad gseh dass dete no so en Noname verstärker debi isch. Uf de würdi ned allzu viel Wert legge... au d Watt Angabe sind chli Utopisch... ämel sicher ned "ehrlichi" Watt.
    Bim zweite würd ich persönlich d Finger devo weg loh.


    Wenni dis Budget nomol aluege und was so gueti Sache so choschtet... muesi säge dass vermuetlich am beschte öppe so machsch wies de Saso schribt. Chauf der für chli weniger Gäld, chli weniger Equipment und lueg wie demit zfride bisch. So chaufsch eher gueti War und bisch nachher ned enttüscht. En Komplettalag für 1000.- Stutz isch ebe scho saubillig. Und wie de Saso schriibt, hesch am meischte Musig-Zuewachs wenn mol es Boxebrett mit Verstärcher ine machsch. Bim Boxebrett isch eifach super-mega-ultra wichtig dasses guet befeschtiget isch... süscht gohts der bimene Unfall nomol dur de Chopf (absolut unluschtig)

  • Bim erste kann mer schwer säge öb de guet isch. Isch jo Eigebau und meh gseht ned alles. Immerhin schiint de Lutsprächer im Ghüs en bruchbare z'si.
    Edit: Han jetzt grad gseh dass dete no so en Noname verstärker debi isch. Uf de würdi ned allzu viel Wert legge... au d Watt Angabe sind chli Utopisch... ämel sicher ned "ehrlichi" Watt.
    Bim zweite würd ich persönlich d Finger devo weg loh.


    Wenni dis Budget nomol aluege und was so gueti Sache so choschtet... muesi säge dass vermuetlich am beschte öppe so machsch wies de Saso schribt. Chauf der für chli weniger Gäld, chli weniger Equipment und lueg wie demit zfride bisch. So chaufsch eher gueti War und bisch nachher ned enttüscht. En Komplettalag für 1000.- Stutz isch ebe scho saubillig. Und wie de Saso schriibt, hesch am meischte Musig-Zuewachs wenn mol es Boxebrett mit Verstärcher ine machsch. Bim Boxebrett isch eifach super-mega-ultra wichtig dasses guet befeschtiget isch... süscht gohts der bimene Unfall nomol dur de Chopf (absolut unluschtig)

    ja ich han mir jetzt denkt ich machs so sie de saso shriebt mit em brett.. und vorne chan ich ja denn no 10cm lutsprech eifach am radio ahschlüsse.. und wenn ich denn immer no en subwoofer wet chan ich deh denn spöter mal no ihne baue :D