Strom vorhanden, Radio lässt sich nicht starten -.-!

  • Hallo zusammen


    Bin neu in diesem Forum
    Habe viele Foren gesucht die mir evtl. helfen können,vergebens.


    Zum Auto: Polo 6n Jg. 1997 1.4 16V


    Ausserdem habe ich einen Verstärker und einen Woofer im Kofferraum.
    Der Strom für den Verstärker wird mit einem seperaten Schalter im Armaturenbrett geregelt. Kein Stromverbrauch wenn man nicht im Auto sitzt ;)
    Dann aufeinmal stürzte das Radio während der Fahrt ab ohne Grund.Also habe ich das Radio neugestartet, hörte 1minute musik und wieder das gleiche. Dann ging er gar nicht mer, Strom ist aber noch da.Sicherungen sind alle überprüft,keine ist Defekt.
    Jetzt habe ich den Radio rausgenommen aus dem Schacht die Kabel waren aber noch dran. Dann habe ich den Schlüssel ca. 1/4 bis zum Kontakt gedreht und den Startknopf vom radio gedrückt,voila, er geht .Aber sobald ich den Schlüssel ein wenig mehr drehe geht er aus, der Strom ist weiterhin vorhanden.
    Meine Frage: Wass kann die Ursache sein? Finde die Lösung einfach nicht -.-


    Bitte um HILFE dringend!


    Gruss Aleks

  • Salü und willkomme


    Du schribsch dass Strom vorhande isch. Mit dem meinsch sicher Duurplus!? Was isch mitem Ischaltsignal wo vom Zündschloss chunnt? Hesch das au gmässe? Hesch dete au 12-ungrad Volt druffe, wenn Zündig igschaltet isch, de radio aber ned goht?


    Zum teschte chasch au eifach mol de Zündschlossigang vom Radio as Duurplus hänke. Villicht hets dir eifach de elektrisch Teil vom Zündschloss putzt (gits glaubs öppedie bi dene Johrgäng vo VW).

  • Salüüü :)


    Merci für di schnelli antwort.


    Also mini kentnis mit Elektrozüg si nid so beruuschend :P
    Ig mache das alles per " learning by doing" ;)


    Jetzt muesch mir erklere wo dass dr zündschlossigang bim radio isch? und was Duurplus isch?
    Weli farb het duurplus genau?
    Merci!


    MFG Aleks

  • ich nime mol a du hesch s radio a ISO-Stecker agschlosse. Eine für d Luutsprächer und eine für Strom etc. Dete isch d belegig offiziell so:

    "Dauerplus" bedüütet, detesind immer 12 Volt gegenüber Masse druff. Also s Plus vo de Batterie.
    "Antenne / Remote" bruchsch zum Verstärker i und usschalte. Die Leitig het 12 Volt druffe, wenn de radio igschaltet isch und lauft.
    "Beleuchtung" het 12 Volt druff, wenn du s Liecht am Auto ischaltisch. Das isch zum i de Nacht dHindergrundbelüchtig vom Radio abedimme.
    "Zündung Plus" isch das woni devo rede. Dete hesch 12 Volt druffe wenn de Zündschlüssel treisch. De 'Fade' seit im Radio "Jetzt gohts ab"
    "Masse" isch quasi sMinus und füert i de Regel ufs Chassis


    Wenn jetzt wotsch teschte öb dis Zündschloss hinüber isch, tuesch 4 "Dauerplus" und 7 "Zündungs-Plus" zämehänke. So het de Radio immer sGfühl dass "d'Poscht abgoht". Will aber Autos zum teil gfürchig umverkablet werded, chas bi dem Tescht au zumene Churze cho (aber eher sälte). Di gschiiter Variante isch doher sicher miteme Spannigsmässgrät dehinder go und luege üb bi 7 "Zündungs-Plus" au würkli Spannig druffe hesch wenn de Zündschlüssel treisch.
    Es müend ned genau 12 Volt si... das chan sich irgendwo zwüsche 10 und 15 Volt bewege. Je nach Kontaktqualität und stärchi vo de Batterie.


    Wenn der aber ned sicher bisch, bzw. keis Mässgrät hesch, gosch eventuell gschiter mol ine Garage oder zu öpperem wo sich mit dere Materie bitzeli uskennt und es Mässgrät het.