Motorrevision Golf II 16v KR.

  • Also vo dem Ahgebot würi der Abrate, mir hend 2, 3 Spezialiste für Motore woder das sicher viel billiger chönnd ahbiete. Usserdem sind 133t km nanig würklich revidierigsbedürftig, ussert er suuft öl oder hed kompressionsverlust, ansonste würich nüt dra mache, ussert de motor suuber bimne erfahrene mech ihstelle lah, das macht sehr viel us.
    und schuscht chunnts halt druffa was das alles willsch mache, ob nur Motor, oder au d'Kupplig, so wie i dere Offerte.
    Sinnvoll isches bestimmt, dasmer d'Ventilschaftabdichtige ersetzt, nockewelle lager, 'dkölbe würi nid mal usbaue, usert willsch neui kolbering. de motor sicher reinige und suuber ihstelle nachher, wenn de kopf sowiso dunne isch, chaschder ja überlegge grad na zbearbeite, für paar PS meh.
    Luftfilter zahrieme, würich eifach empfehle nach intervall wo de hersteller vorgit, oder de luftfilter stark verschmutzt (bringsch aber viel wieder ane wenden eifach mal gründlich butzisch)


    es werdet dir sicher na meh lüüt da ine chönne helfe. stell di aber doch na im Thread "ich bin neu hier" vor.


    Gruess Boimli

  • sali, hm also motor esch scho usbout und zerleit, die hend druf bestande zum luege wa mache... naja.


    be wörkli stutzig gworde woni de priis ghört ha. för mech vell zvell.


    Ha mi för e revision entschede do ZK-dichtig kaput gsi esch und e de wanne hets metalspörn dine gha.


    Wo chani die spezialiste aträffe?


    danke! :)

  • Aha, das isch toll, wenmer erst erfahrt wases kostet wenn de mocke zersleit isch =D


    ja metallspäh, chömmed wahrschindlich vode Kolbering oder zylinder.
    müesstmer sicher mal gnauer ahluege.


    speazialischt mit dene motore isch sicher de user börni (findsch über d'mitgliedersuechi)

  • sali speedy,


    was dir de eggeberger da offeriert hätt isch ganz klar e premiumrevision. bimene kr mit dene kilometer isch sicher nanig alles nötig, und sorry, für das gäld chunnsch bimene alte kr spezialischt (mir) no einiges meh über.
    bi dim motor müsst mer sicher mal öldruck, kompression und verschmutzigsgrad vode brännrüüm aluege, s laufbild vode zylinder aluege und gegebenenfalls d zylinder und d cholbe usmässe (nur wänns scho starki ilaufspue hätt) zudem sött mer bim zylinderchopf zwüsched chärzebohrig und ventilsitz uf rissbildig prüefe und s spiel vode ventilschaftfüerige überprüefe, d lagerschale vode kurbelwälle und de pleuel müsst mer au mal sichtprüefe und ev. usmässe.


    sone revision sött dänn zwüsche 4500.- und 8500.- ligge, je nach verschleiss. ich mach der gärn mal e offerte. www.garage-bernhard.ch


    gruess roger