Golf 1 Cabrio Minimal Tunning

  • Mol mini Ischätzige:


    Ufem Golf 1 chasch bis zu 7 x 14 Zoll Felge druf tue und muesch ned gross go apasse. Usserd du tuesch meh als 4 cm tüüfer legge. Aber das chunnt jo bi dir ned in Frog. Es chunnt denn aber auno uf dPneu drufa.
    Was für Rad du jetzt hesch lisisch am eifachschte mo a de Pneu und de Felge ab.
    - Uf de Felge müesti neumed so öppis wie 6,5 x 14 oder so stoh. D Zahl vorem X isch d breiti vo de Felge und d Zahl nachem X isch de Durchmässer.
    - Uf de Pneu müessti neumed so öppis wie 175 / 55 / 14 stoh. Di erscht Zahl isch dBreiti vom Pneu in cm, di zweiti isch de Querschnitt in cm (also Mass zwüsche Felge und Profilflächi) und die letscht Zahl ich denn de Durchmässer wo d Felge mues ha.


    Ich weiss nümm was ich für mis Cabi gnoh han. isch aber zimli sicher Kunststoff und kei Läder. Ich han glaubs eifach was usem Jumbo gnoh. Vermuetlich ned perfekt... aber sicher besser als garnix. Wichtig isch halt dass mol ufere chliine Flächi probiersch und lohsch lo iwürke. Denn gsehsch öbs irgendwie verfärbt oder so.


    Im Bereich vo de STVZO ned zuegloh bedütet dass du das ned am Auto dörfsch ha. Das findet mer z.B. bi irgendwelche Lämpli oder Spass-Hupene. D'Interpretation isch aber do wider so en Sach... es git Lüüt wo säged dass das sehr wohl am Auto dörfsch ha, es dörf eifach ned betriebe werde wenn de Motor lauft...


    Fädere bruchsch immer vier (eini pro Rad). Wenn bi dim Cabi d Dämpfer no nie ersetzt worde sind, wärs sicher en Überlegig wert grad es Komplettfahrwerk z'montiere. Denn hesch alles und es passt ufenand.


    En Domstrebe verstieft s'Chassis. Zum cruise bruchsch sowas eher ned. D'Würkig merksch eh nume wenn würkli rännmässig fahrsch oder süscht scho es Auto hesch wo eher schwammig isch. Bimene Cabi isch sChassis zwar eher schwammig als bimene Auto mit feschtem Dach...dete spielts aber (minere Meinig noh) ned so en Rolle.


    Es Auto chan au mitere original Uspuffalag guet töne. Isch halt Gschmacksach und chunnt uf de Motor drufa. Bim Golf 1 mitem 1800er Motor (also 1.8 Liter bzw. 1800 ccm) holsch miteme gschiite Endschalldämpfer scho mol einiges use. Mitere Halbalag (also mit Mittelschalldämpfer) bisch denn sicher dass es tönt.... wies tönt chunnt den wider uf de Uspuff und dis Auto drufa.
    Wie du gschribe hesch isch bi dir en Kat nogrüschtet... do mues mer villicht chli apasse... ämel binere Halbalag.

  • Hi


    Zitat


    Was für Rad du jetzt hesch lisisch am eifachschte mo a de Pneu und de Felge ab.


    Mach du das mal und schaue wie viel da kommt was mein Fragen nicht beantwortet. Ich hab die SUFU benutzt. Als IT MEnsch kennt man das aber trotzdem danke für den Hinweis.


    Zitat

    Was für Rad du jetzt hesch lisisch am eifachschte mo a de Pneu und de Felge ab.


    Ha die Nummere gshe weiss sie aber nüm usswändig. Wirdi demfall mol luege was dört stoht.


    Zitat

    Fädere bruchsch immer vier (eini pro Rad). Wenn bi dim Cabi d Dämpfer no nie ersetzt worde sind, wärs sicher en Überlegig wert grad es Komplettfahrwerk z'montiere


    Jo das hani au gseh prieslich aber recht türer als federe und verkürzti stossdämpfer separat z chauefe. Jo ich weiss das hani gschriebe aber mittlerwiele hend mir mehreri gseiht, dass me das auch so cha mache , dass es nid unte immer schlieft bi bodeerhebige. Vo dem her würd ich das gern probiere. Seh jo cooler uss so tief das isch klar.


    Zitat

    Es Auto chan au mitere original Uspuffalag guet töne. Isch halt Gschmacksach und chunnt uf de Motor drufa. Bim Golf 1 mitem 1800er Motor (also 1.8 Liter bzw. 1800 ccm) holsch miteme gschiite Endschalldämpfer scho mol einiges use. Mitere Halbalag (also mit Mittelschalldämpfer) bisch denn sicher dass es tönt.... wies tönt chunnt den wider uf de Uspuff und dis Auto drufa.
    Wie du gschribe hesch isch bi dir en Kat nogrüschtet... do mues mer villicht chli apasse... ämel binere Halbalag.


    Chame denn nid einfach e Enschaldämpder anemache und fertig isch ?


    Danke für dieni Mieh Pasci


    Querdenker

  • Klar chasch eifach Endtopf mache und guet isch. Würd ich a dinere Stell vermuetlich sogar so mache (mit dine Vorstellige und Idee).


    Verhältnis Sound - Usehe - Ufwand - Chöschte isch 'nur' miteme Endtopf vermuetlich sBeschte.

  • Hallo




    Zitat

    Klar chasch eifach Endtopf mache und guet isch. Würd ich a dinere Stell vermuetlich sogar so mache (mit dine Vorstellige und Idee).



    Was heisst das genau? Ich ha ebbe nid wirklich e vorstellig und ebbe au kei ahnig. Es muess nid billig si. Es soll hebe. geld spielt kei rolle. Frogg das au nid wills billiger wär sondern schlicht will ich kei Ahnig ha. Wenn e kompletti alag besser isch denn solls das si. S gliech bim fahrwerk. Aber fürs glieche mehr zahle das wott ich nid. Aber ebbe geld ich kei entscheidigskriterium.


    Griessli

  • Also en Abgasalag bestoht jo us mehrere Komponente (Hoserohr / Fächerchrümmer, Vorschalldämpfer, Kat, Mittelschalldämpfer, Endschalldämpfer). Wenn dini bestehendei Uspuffalag no ganz und gar in Ordnig isch, würdi nume de Endschalldämpfer tusche. Det gits gueti wo der 'ewig' hebed (Stichwort Edelstahl).
    Wenn de bestehendi Mittelschalldämpfer eventuell scho agschlage isch (usbrännt, Roscht), würdi halt grad en Halbalag zuetue.


    Solang ned irgend en billige Normalblech-Endtopf chaufsch, machsch nüt falsch. Chasch jo denn spöter immerno miteme Sportmittelschalldämpfer ergänze.


    ich han ämel scho Golf 1 ghört wo 'nur' miteme Endschalldämpfer aständig tönt händ. En riese Saukrach wotsch jo wahrschinlich ned (Stichwort: Alltagstauglichkeit)

  • Hi



    Also der Usspuff hett kei Roscht ha de abmontiert mit em Kolleg und alles agluegt am legschte Samschtig. Denn würd also au e Endschalldämpfer länge. Ha sogar scho e Favorit em Fall.


    http://www.auto-master.ch/product_info.php/products_id/10708 S Endrohr 63 gfallt mer sehr. Schlicht und einfach. Was miensch zu dem ?


    Griessli


    Querdenker


    PS: hesch der gli e Drink verdient für dini Hilf *gG*.

  • Ich dänk mit dem Topf machsch nüt falsch. Muesch eifach abkläre öbs Biblatt auf für din Golf gilt (stoht so dete uf dere Homepage).


    Wägem Drink und minere Hilf muesch der kei Gedanke mache. Für das isches Forum do und ich verzapfe do jo nume mini Meinig und mini Erfahrige. Isch jo ned so dass ich stundelang öppis ustüftle oder baue für dich ;)

  • Kei Angscht, han sälber gnueg Idee woni nonig umgsetzt han... do steigere ich mich ned so schnell ines Auto vo öpper anderem ine ;)


    Apropos Felge... die DO würded sich sicher super uf dim Cabi mache.

  • mit dem ändtopf bisch sicher guet dra und biiblatt bechunsch au dezue...


    weg de felge ich find die nu schön... nur muesch bi dene woner abietet warschindli es bizz verbreitere... will ufem bild sind hinde 8 und vore 7x14 druffe das isch scho sehr knapp... da nu es bispilbild...


    gruess