2001er Octavia, Klima geht vermutlich nicht.

    Salü mitenand


    Euse Familiebomber (Skoda Octavia Kombi 2001er, 1.8T 20V Turbo, um di 130'000 Km) het irgendwie no nie richtig küelt wenn mer d'Klima-Alag händ lo laufe. Und irgendwie nervts mi würkli langsam.
    Ha de Skoda jetzt im Service gha und ihne gseit, sie sölled mol luege. Naja, wills denn druf cho sind dass de Zahrieme au noche isch und das alles zäme um en 1000er würd choschte, händs nume de Service gmacht und lönd eus jetzt entscheide wie wiiters.


    Da de Wage au scho es gwüsses Alter het, wämmer natürlich nümm viel Kohle dri stecke. Isch halt en arme Lastesel, ned meh und ned weniger.


    Für de ZR findi scho no en günschtigeri Lösig. Wenn er den würkli noche isch. Aber für d'Klima weissi ned wo here. De Garagist will 180.- Stutz für zum neu befülle mit somene Lüchtmittel oder wie au immer, demit mer gseht wos allefalls usepfuused. Da mer aber niened en Fehlermäldig händ, glaubi ned dasses am fehlende Chüelmittel lieht. Darum jetzt mol es paar Froge:
    1. Wo cha mer günschtig d Klima neu befülle loh? Am beschte vermuetli scho mit dem Lüchtmittel
    2. Was chönntis süscht si wenn weder Motorlüchte no d'Klimaalag en Fehler azeiged? Wo d'Leitig bi mim Seat undicht worde isch, het d'Klimaazeig agfange blinke...
    3. Was würded ihr mache? Fehler sueche oder de Wage ohni funktionierendi Klima z'tot riite?

    Jo, han ebe au dänkt dass mer en eifach mol lönd lo neu befülle. Aber für das de grad 180 Stutz i dFinger neh???? Gits do niemert günschtigers? Oder söll ich eifach zum ATU oder so goh?


    Wenns denn undicht sötti sii, wüssed mer wenigschtens wo. Udn de chan mer das ev. grad zäme mitem ZR mache.


    Kei Angscht... so schnell gämmer de Lastesel ned weg.... für das isch euses Konto z'schmal und für mich sötti jo au no was fahrbars poschte ;)

    Klimaservice ir Schwiit isch scho tüür, also viel billiger wirsches nit finde. Fahr überd Grenze zu ATU, sparsch öppe dhälfti. Aber an Zahnrieme würdi die Type det nit loh xD