brauche hilfe zu bbs felge

    hoi zäme


    ich chönt nigenagel neui BBS rm felge chaufe 3 teiligi in 7,5 x 15 et 19 und wett die gern uf min golf 1 schruube. Es sind white edition, also en geili sach und wie scho erwähnt no nie montiert gsi. de priis wär ober mega fair für die rarität. vo de dimensione her wär de felgesatz für ein bmw e30. wie chan ich die am golf1 iträge loh? isch jo breiter als die 2% und guetachte krieg ich au keis.


    danke für euri idee


    Gruess


    Hey Admin, chasch du de Thread verschiebe, de isch do ja voll falsch :)
    Danke

    Carex isch dä offiziell BBS Importeur! Dä chan sogar für umgschüssleti Felge Guetachte erstelle!


    Aber äähm, min Wüssensstand isch eigetli so, dass RM immer 2-teilig sind... Chan mi aber au tüsche.

    "Es ist OK eine Benzinschleuder zu fahren, wenn du damit Puppen aufreißt!" (Al Bundy)

    Richtig, d BBS RM si 2-Teilig.


    Müesste fasch RS si, di si rar und tüür. (wüu me die cha so verbreitere wi me wott)


    ET 19 chunnt scho rächt wit usä, weni mi nud tüüschä, öb du das chach iitrage weis i nid.


    Mir wärs iz egal wäg em iitrage, chasch ja o e BBS RM vom Golf 2 iitrage und fahrsch de mit dä RS umä.
    I würd mau sägä die merkes i dr kontrolle eh nid.


    Darf mä glich fragä, was die fäugä choschte, würd mi mau intressierä...


    Gruess
    Marc

    Hoi zäme,


    Wenn die Felge 2-teilig sind, denn stimmts mit de Ussag vom Verkäufer überein. Ich chönnt si ha für CHF 1'800.- Es sind RM Felge stoht drufe und händ schiinbar mol neu 895.- / Stück kostet.


    Ich find de Priis fair, gähnd aber mol eue Kommentar ab derzue suscht gohn ich nomol mit Ihm go handle...


    Ich luege mol mit de Carex, hoffe es git keis Problem wegem Biiblatt... und suscht han ich no es Biiblatt für 6.5 x 15 ET 33 Golf 2 Felge für de Golf 1 he,he,he


    Greets

    für RM fäuge fingis zimlech viel... RS okey aber RM für 1800.- isch no happig... u när isches no ä BMW fäuge... vo de RM hets doch no für VW gnue ume oder tüsch ig mi da? ha voremne 1/2 jahr chlei umegluegt gha u denne hets kei ängpass gha a dene fäuge...

    viiiiel ztür sogar!


    Luag mol was für 2200 kriagsch! KLICK Passen zwor nid gad guat an einer, aber händ bestimmt viel meh Wert als dia wo du wötsch chaufa.

    "Es ist OK eine Benzinschleuder zu fahren, wenn du damit Puppen aufreißt!" (Al Bundy)

    definitiv ds tüür für RM.


    Die berchunsch o für 1000.- oder weniger, wed chli geduld hesch.


    d RS si scho verdammt tüüt, aber äbä o zimlech säutä.


    für 1800.- chasch scho zimlech geili nöi fäugä choufä...


    Gruess
    Marc


    EDIT:
    d BBS RM wo uf em golf si gsi, si aber nume 6.5x15... komisch...

    Also ich weiss, dass ich RM Felge vom Golf 2 kann umschüssle lo, denn hätt ich au 7.5 x 15 (ET kei Ahnig chas nid rechne). Die Felge sind Orginal, zuesätzlich aber no White Edition und Nigelnagelneu. Trotzdem findet Ihr das Tüür? ok ich gange mol go handle.


    Uebrigens Golf 2 Felge Orginal RM 6.5 x 15 ET 33 händ en spezielli Nummere und für die chunnt mer vo de BBS kei Biiblatt über für de Golf 1. Ich han aber es Biiblatt well ich han Orginal BBS RM Felge wo nid vom Golf 2 sind und drum han ich es Biiblatt becho :D


    Eigentlich het ich am liebste RS Felge 7x15 ET 25. Het keine so öppis zum verkaufe?


    Gruess