Heckspoiler NEW BEETLE

    So guete morge mitenand hoffe ihr hend e schös Weekend gha oder schöni Ferie bis etzt :)


    Also zu mim chline Problem : Ich bin Letscht wuche mitm VW New Beetle 1.8 T vo minere Mueter in Amsterdam i de Ferie gsi.


    Erschtens mal das Auto lauft super guet has bis uf 220 gschafft und das mit emene Aerodynamisch sehr sehr schlechte Auto :) hetti nie denkt wie das ding zieht...


    Und jetzt zu mim Problem, wer en Beetle kennt de weiss das bi 150 en Heckspiler (SIEHE BILD) usechunt zum das Auto am Bode bhalte.
    Das hett au super funktioniert bisi de erschts Stop gmacht han i de Mitti vo Dütschland. Denn simmer go esse und hend Tankt.
    Naher simmer witer gfahre und de Spoiler isch eifach nümm usecho und das bis uf amsterdamm und wider id hei.. ???


    Also churzgfasst er isch ca. 350-400 km gange und naher niemeh... Wora cha das ligge?
    Ich danke eu jetzt scho für d Problemlösige lg Popof

    Ich känn de Beetle halt ned. Han aber en Corrad o gha, wo jo au so en usfahrende Spoiler het.
    Hesch du kein Schalter zum de Spoiler vo Hand use und wider ine fahre? Das hani bi mim Corri gha.


    Dumm gseit würdi mol druf tippe dass er futsch isch ;)


    Süscht halt mol luege wie de agstüüred wird und mol versueche mit diräkter Zueleitig use bzw. ine zfahre.

    Ja ebe n Beetle kennt ebe fascht niemer. :) Ja sonen schalter hetter ebe ned das isch ebe komisch de chunt nur ab 150km/h use susch ned.
    wär ebe na vo vorteil wend ne chöntsch via Schalter useneh.


    Aber asture direkt wör e gueti lösig, jetzt muesi nur luege wer das macht bim mech choschtets gad wider da kackt mi ah...
    hmm
    aber Danke vilmal Pasci
    lg popof

    De heckspoiler isch io i de Heckklappe integriert??? Chönnts ned si dass dete eifach en Kabelbruch/Wackelkontakt hesch? Gits jo gern bi de Übergäng vo Chassis zu Türe oder Klappe dass es Kabel in Mitliideschaft zoge wird.

    So guet d Kabel sind überprüäft worde, es isch nix... naja ich lah das jetzt mal im Ruum stah da mini Mueter ja ned 150 fahrt i de Schwiiz, und falls ich ne bruche für uf dütschland denn gahni zu mech.. :)

    fahre sälber ai en beetle 1.8T han aber es cabrio. Leider heder ekei heckspoiler aber als erst hetti mou dsicherige durekontrolliert und als nägst de schalter. De isch sicher im Betriebsbuech beschribe woner isch. Aber guet jetzt heschne scho behobe.

    Sei realistisch, verlange das unmögliche\r\nErnesto Ché Guevara

    So hans usegfunde, bi im beetle forum de jetzt au agmeldet. :) echt au es super forum tolli lüt! so nebedbii :)


    Genial de 1.8 t hett en schalter im fuessbereich (niemals ohni wüsse z gfinde) und ned mal all Garage wüsset das. :)
    do chameren i und usfahre wiemer will :) Genial!


    Aber ich danke euch für euchi Antworte :)


    lg Popof