Golf 6 GTI / Golf R

    Wie scho im "Ich bin neu hier" Thread erwähnt, bini momentan chli inere missliche lag. Ich ha grad mini Lehr abgschlossä, und jetz woti mir es Auto chaufe, es spielt mer kei Rolle obs es Occasion isch oder es neus. Bimne Golf R wärs fasch gschiider en Occasion. Hauptsächlich gats mir drum zwüssä, ob de GTI würklich so günschtiger isch im Unterhalt als de R? S git jetz sicher sottig die sägät en GTI dueds doch au, aber ja, en R wär mir definitiv lieber. :)


    Was meined ihr so als experte? :confuse:



    Gruess simon

    Klar isch der R türer als der gti


    Das ziehtsech übers ganze band weg.
    Vom achouf über versicherig, stüre. Verschleissteile, spritverbruch usw.
    Das muesch du dir eifach mit dim budget usmache.


    Ig persöhnlech würdmi füre gti entscheide wegder optik, und de chöste.
    Und wener zweni leistig het machsch es chip druf und masch am golf r problemlos nache.

    Hallo,


    Also zu dinere Frag GTI oder R (gits eigentlich nur Frage und wenn du die für dich Beantwortisch weisch weles Auto)!


    1. Wilsch du es Auto mit 4x4 oder en Fröntler wo chraft nöd uf dä bode bringt (soblad es tuning machsch sowiso nüm)?


    2. Dfrag vom geld isch: Dä R suft chli meh und isch hald au im Service chli Türer als dä GTI. (Frage häsch du das geld für en R)?


    Mach dir kei Sorge um Versicherige (mach bi jedere konkurenzofferte lauf den mit däre bi ne re andere gsellschaft ine und scho häsch en bessere priis)! Lueg vorallem bide Autoversicherig Sympany ine die sind so günstig wie kein andere und es git sogar möglichkeite im monet sini versicherig zahle (wie es Leasing)!


    ps. Wenn du Leistig wilsch und Grip den chauf der dä Golf R! (chostefrag klar tüürer)! ps nur DSG!!!


    Möglichkeite sind bim Golf R no lang nöd usgschöpft was Leistig abelang, dete chasch au mit 330ps no locker um kurve (solang gueti pnö häsch :D)


    gruess döme

    Zitat von workupcar

    Wilsch du es Auto mit 4x4 oder en Fröntler wo chraft nöd uf dä bode bringt

    Als ob s Haldex Allrad denn das wahre wär...De GTI bringt die Chraft sehr guet uf de Bode, zuedem isch de Allrad wemer en ned brucht eifach Spritfresser...


    Ich wür mer en GTI Chaufe, wennd eppis speziells willsch ED 35, wunderschöni Optik und de Name GTI isch efach Kult...

    Wieso nur DSG? Aso wenn de R chasch leischte de nimmen! Mech hed de GTI extrem enttüscht met sine agäblechi 210 Pferd. De hani im R scho vell meh Spass gha. Wenn der das egal esch luegsch uf'd Optik...
    Edit.: jah voll nimm de Edition 35 de hani ganz vergässe!

    Gott sprach zu Moses: "kupplä bim Schaltä susch chrosät`s!" Doch Moses fand das Pedal nicht, er nannte dies dann "Powershift" :P\n

    Zitat von MK3-Pat

    Als ob s Haldex Allrad denn das wahre wär...De GTI bringt die Chraft sehr guet uf de Bode, zuedem isch de Allrad wemer en ned brucht eifach Spritfresser...


    Ich wür mer en GTI Chaufe, wennd eppis speziells willsch ED 35, wunderschöni Optik und de Name GTI isch efach Kult...


    das gsehni ebe genau so!


    wed scho mal scirocco R gfahre bisch de weisch vo was de redsch, der spassfaktor isch viu grösser und du hesch erschno weniger sprit und pneuverbruch.


    aber das isch jedem sini eigeti entscheidig!

    Entweder ED 35 oder R! En normale GTi würi nöd nä...


    Went s Auto original lasch spielst nöd sone Rolle eb ED35 oder en GTi. Aber sobald leistig machsch bruchsch fascht en ED35/R. De ED/R het de grösser Lader drin, grösseri Isprützdüsene, stärkeri Pleuel usw.


    Beim GTi chunsch mit AGA ab Turbo uf ca. 270PS en ED/R machsch uf 330-350ps mit AGA ab Turbo!


    Egal wele dast chaufsch, chaufen eifach mit DSG! s DSG chosch optimiere den isches ganz geil zum fahre. Und DSG vertreit au meh Leistig als Handschlater, und bisch Sauschnell :D


    Hallo,


    Ich mues das leider schnell chli usenand nä und richtig stelle (obwohl du sicherlich das richtig gmeint häsch).


    dä GTI und dä ED 35 isch genau dä glich motor, kei änderig was turbo und alles andere abelangt.


    Daher auch beim Tuning (chip auspuff), gleiche Leistung zu erziehlen zb. nur chip hast du bei uns 275 -280ps! Mit AGA zb. ab Turbo holen wir bereits die 310PS raus (muss man allerdings noch das ansaugsystem machen und evt. kleinere sachen wie schläuche usw).


    Beim Golf R ist es so (Orginal 270ps), Stufe 1 zb. bei uns gibt dem R ne kraftspritze bis 310ps! Stufe 2 inkl. AGA ab Turbo und ansaugsystem sind max 330-335ps drinn, denn das ist die grenze der Benzinpumpe mehr kann sie nicht fördern. Wenn du auf 350-360ps willst musst du zudem noch die Benzinpumpe wechseln! (teuer)!


    Zum DSG wie bereits erwähnt sicherlich sehr sinnvoll wenn du dies auch Optimieren lässt, verschiedene Vorteile:


    1. im Manuell betrieb kein erzwungenes Raufschalten mehr.
    2. Im manuell kein Kinckdown mehr.
    3. Schnellere Schaltungen möglich.


    (zum obrigen Zitirten Text) Beim Golf 5 gti und Ed30 stimmt deine aussage perfekt wegen dem Turbo und Einspritzdüsen. Beim Neuen 6ser ist dies nicht mehr der Fall. Beide sind mit einem K04 Turbo ausgestattet.


    Gruss dominik



    merci workup, das hani nämlech scho geng wöue wüsse!
    i bi da no nie genau gstige.


    churzi verständnis frag


    was fürne lader het dr:


    - Golf 5 Gti
    - Golf 5 Gti ed. 30
    - Golf 6 Gti K04
    - Golf 6 Gti ed. 35 K04
    - Golf 6 R


    Sorry für offtopic aber dere frag bini scho lang nachegseklet :)

    Zitat von david.g2

    was fürne lader het dr:


    - Golf 5 Gti
    - Golf 5 Gti ed. 30
    - Golf 6 Gti K04
    - Golf 6 Gti ed. 35 K04
    - Golf 6 R

    Hallo,


    Also Golf 5 GTI = K03 Lader
    Golf 5 GTi Ed. 30 = K04 Lader
    Golf 6 GTI = K04 Lader (wie erwähnt)!
    Golf 6 GTI Ed. 35 = K04 Lader (wie erwähnt)!
    Golf 6 R = K04 Lader!


    All Amag fahrzüg ab 2010 Jahrgang fahred mit K04 Lader Orginal scho.... Isch eifach besseri Leistig im ganze drehzahlbereich.


    Wend es Turbo Upgrade machsch chasch als nächst bessere Lader au en K04 nä aber en bearbeitete Lader (vorteil gseht us wie orginal)!


    Leistig und Altagstauglichkeit blibed vorhande au mit bis zu 400ps!


    Gruess Dominik

    Zitat von MK3-Pat

    Als ob s Haldex Allrad denn das wahre wär...De GTI bringt die Chraft sehr guet uf de Bode, zuedem isch de Allrad wemer en ned brucht eifach Spritfresser...


    Ich wür mer en GTI Chaufe, wennd eppis speziells willsch ED 35, wunderschöni Optik und de Name GTI isch efach Kult...


    hmm... ghört zwor nöd i da thread aber will no kurz was zum haldex sege. i persönlich bin de meinig das haldex d bescht allrad konzept isch und da us verscheidene gründ. darum kan i do dini ussag nöd ganz verschtoh werum das haldex nöd das wahre söll sie....

    Frauen, die meinen, Männer seien zu keiner innigen und liebevollen Beziehung fähig, waren noch nie am Samstag in einer Autowaschanlage :pr:

    Zitat von golf-3-gti

    hmm... ghört zwor nöd i da thread aber will no kurz was zum haldex sege. i persönlich bin de meinig das haldex d bescht allrad konzept isch und da us verscheidene gründ. darum kan i do dini ussag nöd ganz verschtoh werum das haldex nöd das wahre söll sie....


    Haldex isch es guets Fraueallrad zum go Poste usw. Aber für ufd Rennstrecki oder zum bi euis en Pass duruffahre isch es Evo Allrad 100mal besser!



    hmm also wiä ize? het der 6er gti und ed 35 der glich lader oder nid?? gits nöime nid 6er gti mit zahnrieme und settigi mit stürchetti?