Sali zämme...
Es isch chli lenger här wo ich epis Postet ha. Es isch ume Kauf gange vomene Audi S4/B7 4.2 -V8
Tom
bez. Audi S4/B7 das Fahrzüg wirdi def. nid Chaufe. Ich ha mir lang zit gnoh und die Fahrzügrheie/Modällrheie beobachtet. Han au mittlerwile en Kolleg (kenneglehrt) wo bi dr ASAG schafft und was ich vo Ihm alles mitbeko ha isch erschrekend füres Auto wo mol neui über 100'000Fr kostet hed.
Ich han paralell de Audi RS4 / B7 ins Aug gnoh. Er isch liicht Türer im Unterhalt aber de Motor isch sehr Robust und Wartigsfründlich wenn meh d'Intervall ihaltet.
Leistigsproblem isch mir leider au bekannt bim RS4. Oder sind das eher falschagobe?
Mich würds mol wunder näh sind die 420PS ab Motor Prüeft worde oder ab Reife?
Cha das de Priefstand au zueverlässig usrächne bim Wage mit sine 40/60 Kraftverteilig?
Will en Verlust vo 40-60Ps isch in mine Auge gar chli viel. Das Problem loht sich aber vo Spezialiste schinbar löse hanni mitbeko.
Es git en Audi S / RS Garage im Ruum Zürich. Vilicht kennt die öpper und hed scho erfahrige gmacht? Han hütte sogar mit Ihne Telifoniert und mich Schlau gmacht. Es wärde div. Schlüch greinigt, Putzt und Optimiert für ca. 1100Fr. (kei Tuning!!) Somit chämt meh widr uf ca. 390Ps. Was isch aber mit de rästliche 30PS?
Bi de S4/B6 und B7 modäll hanni gläse das div. im Dütsche sogar NUR 268PS kha hend statt die agäbene 344PS!
Dorum gits bi mir def. mol kei S4!
Ich sälber chönnt mit 390PS läbe. Ich wott jo keini Renne fahre sondern eher schöni Usflüg mache miteme schöne Familiekombi. Wenn die
420PS no nie vorhande gsie sind und das Auto tatsächlich "nur" 390PS kha hed, jänu. Aber suber findis vo Audi nid.
Gruess eure Opel fahrer miteme VW Fox als zweitwage vo dr Fründin!