Vers. bei mehr als 3 Liter Hubraum ...

1. offizieller Beitrag

    Salü mitenand


    Han mir es neus Alltagsauto zoge.... Etz hät mir aber hüt morge min Teiledödel voll dä Schrecke igjagt... Er hät xeit, ab 3l Hubraum macht d'Versicherig en riesa Sprung noch ufa.... Er seit, i muss mitem 3.5 Liter jetzt öbbe mitem dopplete rechne als mitem 2.5 Liter vorher.... Es goht nur um Haftpflichtversicherig.


    Chan do öbbert öbbis däzue säge? Chan ebe erschd nögschd Wuche zur Versicherig, aber es nimt mi huarra wunder......

    "Es ist OK eine Benzinschleuder zu fahren, wenn du damit Puppen aufreißt!" (Al Bundy)

    auso ig ha ja ä VW Golf 5er 2.0 TDI


    und mit uf de Nummere no ä


    Quattro S6plus 4.2 liter


    het mi jetzt 700.- meh telikasko und haftpflicht koschtet pro jahr.


    chund natürlech chlei druf ah was fürne % stufe hesch und vorallem wie alt de bisch und leider au was fürne nationalität hesch...


    nimmsch dis 3.5 liter auto uf wächselnummere und wie höch isch dr neuwärt..?

    Also...


    - I bi Eidgenosse :D
    - I bi 21gi, sit 3 Johr dä Uswiis. -> Junglenker unter 25gi
    - Dä BMW lauft mit Wechselnummere mitme Golf 2 G60
    - Dä G60 choschtet mi bi 65% 1350.--. Dä 325ix woni etz no iglöst han isch "gratis" xii.
    - Neuwärt vo dem BMW.... exakt chanis nöd säge... Aber anderi ufem Occassionmärt schrieben 70-80t. Da min Vollusstattig hät würder wohl scho die 80t kostet ha.

    "Es ist OK eine Benzinschleuder zu fahren, wenn du damit Puppen aufreißt!" (Al Bundy)

    also das hani aber au scho mal nöime ghört, dass am 3 liter hubruum d'versicherig meh stigt.
    aber ebe, vom ghöre säge, ... :(



    am beste eifach mau a der versicherig alüte und froge wie viel es ca. wird si...


    aber meh wird uf jede fall. dass ich klar!

    du chasch dir ja ä offerte vo verschiedene versicherer cho la.... es hend alli mitlerwiile verschiedeni kriterie wo zur berächnig bistüüret. z.b. leistigs-gwicht, hubruum nationalität etc.
    als beispiel:
    nur Haft
    Golf G60 1.8 ist teurer als ein Golf 2.8 VR6 wegen dem leistungs-gewicht.


    von wegen comparis.
    versicherungswechsel ist für dich bei wechselschild nicht möglich. da nicht beide fahrzeuge gewechselt werden.


    las dir von deinem versicherer eine offerte machen. falls du das fahrzeug noch nicht gekauft hast. ansonsten bleibt dir sowieso nichts anderes übrig als die prämie zu akzeptieren.

    Nei also en Wechsel chunt für mi nid in Frog... Bi bi dä Züri und bi dene hani wiitus s'günstigste Agebot ka. Und au sus sehr zfriede, i bliebe ...


    Isch ebe blöd, han dä FZ Uswiis nöd, dä Verchäufer hätmer dä Charre vom Tessin do ana brocht, aber vergässe dä Uswiis abzstempfle.. Etz hätteren nomol mit und i kriagen erschd am Mäntig per Post. Chan also nöd zur Versicherig..


    Drum wötti eifach wüsse, ob dä Sprung bi 3.0l würkli so höch isch!


    z.B. Ideal wärs wenn eine zersch en Golf 4 2.8 4motion ka hät und nocher en R32 kauft hetti... Oder hald so irgendwie.


    I chan damit läba dasses türer würd isch klar aber grad s'dopplete!?! Denn lösen lieber über d'Mueter mit 35% ii und dä G60 über mii denn hani aber für beidi Autos ä Nummere und zahle öbbe gliich viel.


    Wie xeit, dä Charre hani... do no ä Föteli wili so Freud dra han :D

    auso ig ha lang ä VR6 gha... teilkasko hani do drfür 1400.- zaut. Fz NP isch 35k gsi!?


    jetzt füre 5er Golf 2.0 TDI


    zahli 1800.- vollkasko. Fz NP isch 47k gsi.


    und ebe jetzt mit wächselnummere und teilkasko ufem S6plus nomau 700.- Fz NP isch 125k gsi.


    u ig bi uf 45%


    cha dr au nid meh säge...

    Dankä trotzdem....


    Dä füüfer isch natürli scho ziemli günstig ir Versicherig... Die neue TDI mit Partikelfilter werden jo glaub au no unterstützt bi dä Versicherig und Stüüre wenn i mi nid düsche. Aber dä TDI vollkasko und S6 Teil.... Denn isch 700 schono recht viel meh...


    Naja, i loh mi jetzt überrasche was am Mäntig usechunt :rolleyes:

    "Es ist OK eine Benzinschleuder zu fahren, wenn du damit Puppen aufreißt!" (Al Bundy)

    dr 5er isch billiger wöu d'gfahreklass vor versicherig aus chliner igstuft wird... es git weniger unfäll vo dene 4motion 2.0 TDI aus z.B. mitem VR6 oder G60er... hätt ig ä 5er GT TDI kauft wärer wieder änlech tür wie ä VR6... dä wird haud aus raser auto versicheret... :D


    700.- isch nid so viel... hane kolleg mietm gliche auto u dä het vollkasko bi 35% 4500.- pro jahr zahlt! 8o

    genau... guet, dass das seisch. Das isch au no en gedanke vo mir xii....


    So en stinknormale 535i Automat isch doch au kei Raserchischte? Ender es Opa-Mobil! :D Hingege din S6 würd in d'richtig M5 goh, also sicher au meh gfohrepotential!? Oder xehni das falsch?

    "Es ist OK eine Benzinschleuder zu fahren, wenn du damit Puppen aufreißt!" (Al Bundy)

    Zitat

    Original von R32 Kj
    Bi eus in Züri, chunts uf PS druff ah. Mir wärs lieber, es wür uf Hubrum ga :D


    stimmt nöd es gaht nach hubrum AU IN ZÜRI!


    beathooven ... wenn wotsch chani der en offerte mache bir axa winterthur han det bis zu 20% rabatt uf prämie... ;) bi intresse schrieb mer doch e PN


    EDIT: z betone e UNVERBINDLICHI offerte ;).

    Audi = Acceleration Under Demonic Influence\n\n

    Einmal editiert, zuletzt von juiceppe ()

    von juiceppe:


    stimmt nöd es gaht nach hubrum AU IN ZÜRI!


    beathooven ... wenn wotsch chani der en offerte mache bir axa winterthur han det bis zu 20% rabatt uf prämie... ;) bi intresse schrieb mer doch e PN


    EDIT: z betone e UNVERBINDLICHI offerte ;).[/quote]


    -----------------------------------------------------------------------------------------------------------------------



    ....wenn du bi dä axa schaffsch weisch ja das er nöd eifach äso cha wächsle. (ohni dases nöd mit chöste verbunde isch)