Sitzkonsolen selber schweissen - Probleme mit MFK??

Hey!

I bin grad min E30 chli am umbaue, dass i für dä Summer wenigstens was han, wo Spass macht. Bis min Scirocco fertig isch gohts wohl no äs Ziitli

Uf jedä Fall bini grad am Sitzkonsole mache. Jetzt mini Frog: Was seit eigentlich d MFK zu selber gschweisste Konsole??

I mein sie sind um einiges stabiler als die Sparco Dinger, und für die chunt mer schliesslich au keis Guätachte über. Was meinet ihr?

Gseht ca. so us:

Isch würklich stabil, die eint isch scho fertig, lackiert und im Auto ibaut, verhebet also

Denn hani mir grad no überleit, wägä dä Befestigunge für d H-Gurte, do chönt mer eigentlich au grad was ad konsole mache. Wäri für mich am logischte, anstatt die originale Pünkt verwende und d Lasche voll go verbüügä:

Was sägät ihr däzuä? Eifacht ibaue, oder nöd guät?

Gruäss Damian

Hehe, freut mi, dass eu gfallet Will schliesslich ä suberi Sach, au wenns ä Low-Budget Projekt isch

Fahrersitz und au Bifahrersitz sind wiiterhin verstellbar i dä längi. Uf mini Konsole chömet eifacht no Laufschienä druf. Mach denn nomol Bilder, wenns fertig sind.

Was klar isch: I mues uf 2-Plätzer umschribe loh. Was au klar isch: I müäst mini H-Gurte iträgä, da mer mit dä Vollschale nüm an die normale Gurte anechunt, und au s "Gurtschloss" a dä originale Sitzkonsole isch.

Für das mues mer ja ufs DTC. Was sägät die wohl zu dä Befestigungspünkt? I will die ja an d Konsole ane schweisse. So wie obe ufem Bild, i hoff ihr chömet drus, wie ich das mein

Aber isch minerä Meinig nach am Logischte... und am stabilschtä.

Hey Marcel!

Du verstohsch grad was falsch

Die Punkte wo ich uf dä Konsole will mache, sind die beide siitliche Befestigunge.
Das wo du meinsch isch bi mir scho so wies mues si, also gegä hine sind d Gurte ordnigsgemäss montiert. Goht do nur um die beide siitliche Befestigunge...

Gruäss

Edit:

@ RS4 Driver

Das goht aber i mim Fall gar nöd, denn s "Gurtschloss" isch bi mir a dä originale Sitzkonsole dra, also wenn i ä anderi Sitzkonsole drin han, fallt dä Befestigungspunkt weg

I dä Schroth ABE vo mine Gurte stoht drin:

1. Hosenträgergurte sind an „geeigneten“ Befestigungspunkten zu verankern.
2. Welche Befestigungspunkte geeignet sind, ist in einer Direktive (veröffentlicht im Verkehrsblatt,
amtlicher Teil, vom 14.01.1989) definiert. Es handelt sich jedoch immer um original im Fahrzeug
vorhandene Befestigungsgewinde!
3. Hosenträgergurte sind dann eintragungsfrei, wenn sie vorschriftsmäßig in Fahrzeuge eingebaut
werden, die in der Fahrzeugzuordnungsliste der Gurt-Bauartgenehmigung (ABG) aufgeführt sind.
4. Die ABG ist gemäß § 19.3 StVZO immer im Fahrzeug mitzuführen.

Aber was macht mer, wenn mer kei originali Befestigungspünkt hät?

Also i chönts jo so loh wies jetzt isch, weil jetzt han ichs a dä gliche Schrube dra wie d Sitzkonsole, aber das findi voll dä Bastel! Vorallem sind d Lasche vo dä Gurte um 90° !! boge...
Und so wie ich mir das denk, sinds absolut grad

Jaa so ähnlich Lueg im erste Biitrag s zweite Bild, die "Lasche" hät äs M10 Gwind drin, und döte ine will die siitliche Befestigunge vo dä Gurte Verschrube...

Kompliziert, ich weiss

Jo genau isch ä ABE vo DE, isch mir scho bewusst, dass mir die do nöd viel bringt. Isch glich blöd, dass da döte ine stoht

So jetzt zruck zu minerä Idee.

Also so gsehts jetzt momentan us.

Linki Siite:

Rechti Siite:

Und jetzt so wie ich das denkt han:

Ich bin dä Meinig, das verhebet 100%, d Frog isch nur, ob das die liebe Herre vo dä MFK au so gsehnd

Und no schnell paar aktuelli Bilder vo dä Sitzkonsole. Isch so wiit fertig, bis uf ebä die Befestigunge und halt no lackiere...

Vo obe: Dä usser Lochkreis isch für d Schrube zum d Sitzkonsole im Auto befestige, die Löcher sind deshalb so gross, dass mer mit dä 17ner Nuss inechunt

Vo une: Dä inner Lochkreis isch für d Laufschiene, au do une äs grössers Loch, dass mer mit dä 13ner Nuss inechunt

Bin uf wiiteri Meinige gspannt

EDIT:

Weiss keine meh was?

Dä Kolleg hät hüt gmeint, dass segi nöd zuelässig, weil dä Gurt a dä Konsole befestigt isch, aber das isch er bim originale Sitz ja au... Also das findi nöd so klari Begründig.

Sust machis denn halt eifacht mol, mal schaun was däzuä sägä werdet

Die letschti Variante wär, dass ich mir ä Platte mit Gwind is Auto ineschweiss... Mir eigentlich egal, will eifacht so wenig Stress wie möglich mit dä Polizei etc.

Börni etc, wie hend ihr das glöst? Du häsch ja au diini 4 Punkte Gurt itreit...

Aber wie häsch den das gmacht? Es hät ja kai originali Befestigungspünkt

Und i mein s originale Gurtschloss isch au am Sitz befestigt, und nöd sust irgendwo....

I mein okay, uf dä linke Siite chan mer no sägä mol passt. Dötä hani jo än originale Punkt. Aber uf dä rechte Siite isch d Lasche jetzt ja au scho a dä Sitzkonsole befestigt, weil eifacht wiit und breit kein anderä Befestigungspunkt umenand isch

Ja voll, weiss sogar sehr genau, wie du meinsch. Hani bim Vento so gha!

Allerdings isch das bi BMW irgendwie komplett anderst Siehe mini Sitzkonsole:
Die isch eifacht mit 4 M10 Schrube im Fahrzüügbode verschrubet. Und meh möglichkeite häsch nöd, zum irgendwo d Gurte befestige. Deshalb isch mir ebä die idee cho mit Befestigungspünkt a dä Konsole

Muesch halt Bilder aluegä, i glaubs denn gsehsch mis Dilemma

Edit:

Aber das wo du gmacht häsch sind ja au kai originali Befestigungspünkt, wenn mers gnau nimmt... Isch das so abgnoh? Weil wenn jo, denn probier ichs eifacht mol uf mini Art
Viel meh als "nei" sägä chönds schliesslich nöd. Hehehe....