Audi a3 1.8t Motor Tuning

S günschtigschte is äs eifachs Chiptuning. Da sind zimmli all Ahbüüter ungfähr gliich tüür. Bi dim Mockä vo 150 PS nimi ah, chiämsch ällei mitmä Chip uf ca. 190-200 PS je nach Härsteller. Choschtäpunkt wär öppä 1000.-. Wänt meh wötsch müästisch än andärä Lader väbauä lah, da gits au diversi Umbautä wot chasch ohni Problem iiträgä lah wo au diä ärlaubtä 25% Mehrleischtig überschtiigäd. Turbotec zum Bischpiel hät sonän Umbau im Ahgebot uf ca. 230 PS für ca. 3500-4500.-. Jetzt chunnts halt druff ah wasd schlussändlich wötsch a Leischtig und wasd wötsch usgäh.

ig ha mi 6er gti vor 3 wuchä bi sportec gha....stuäfä 1 (also nur chiptuning)

het mi mit igangsmässig, usgangsmässig und 2 johr garantie 1'800.- koschtet. sportec isch ä top-adrässä....chani nur witerempfehlä.....und fürä 1.8T hei sie bestimmt au s'richtigä im programm!

ah und s'ergäbnis:

260 ps (serie 210), 400 nm (serie 280)

greetz....

ha nur grad uf dr sportec-sitä gseh, dass sie für din motor 2 stuäfä abiete:

stufe 1: 180 ps / 290 nm -> nur chip; also verhältnismässig günschtig -> chip ohni leischtigsmässig und ohni garantie ca. 800.-
stufe 2: 230 ps / 315 nm oder 230 ps / 340 nm (je nach motorbezeichnig) -> neue turbo, andere kat. etc..... dürfti scho no ä türä gspass wärdä...

d'priesä si leider immer uf afrog.....aber au frogä choschtet nüt.....

-> http://www.sportec.ch/page71.html

ä witerä seriösä abieter isch oberscheider, also oct-tuning -> http://www.oct-tuning.com/shop…-8l/motorentechnik/benzin

au bi oberscheider si d'prisä uf afrog....

natürlich git's no dutzendi anderi abieter.....ha nur gseh, dass bi fascht allnä rein chipmässig 180 - 185 ps drin liggä.....no mehr leischtig benötigt denn halt ebbä witeri bauteil wiä turbo oder abgasalag.....chunnt halt druf a was du wettsch usgäh.....

Kenn mi do technisch au zwenig us, aber woni bi sportec dr termin gmacht ha, hei sie mi gfrogt wenn mi golf d’erschtzuälassig het. sie hei denn gseit, dass d’6er golf ab herbscht 2009 ä „tuning-sperri“ hei. das heisst es wär nit möglich gsi, apassigä uf em stürgrät via OBD-schnittstell (On-Board-Diagnose) vorznäh sondern mä hät miässä s’stürgrät usbauä und nach neuprogrammierig wieder inäz’lötä. mehr arbet choschtet au mehr. - mi golf isch aber vom mai 2009 und so het mä d’neuprogrammierig diräkt via obd-schnittstell chönnä machä. ig gang jetzt mol drvo us, dass mä di 1.8t au via obd cha umprogrammierä aber das wird dir denn dini tuningfirma chönnä sägä. – falls du di i däm dschungel vo chiptuningabiäter chasch für ein entscheidä.

Für mi persönlich si folgendi sachä wichtig gsi und hei mi denn drzuä bewogä zu sportec z’goh:

1. renommiertä tuner mit super erfahrigswärt (ha im web nüt negativs gfundä über sportec)

2. git wärksgarantie uf diä teil wo dr härsteller nach em chiptuning ablehnt (atriebskomponänte); für mi wichtig, do mis auto no ä johr wärksgarantie het.
3. mässig vor und nach chiptuning und somit au erkennbar, ob diä versprocheni mehrleistig und dreihmomänt erreicht wordä si.

4. dütlicher günschtiger wiä Abt. (für s’abt-tuning hätti ohni leischtigsmässig scho 2'600.- müessä berappä)
zuädäm hani vo abt leider nit immer positivs ghört.

in eusem forum schriebä lüt, dass sie z.b. mit folgendä abiäter guäti erfahrigä gmacht hei:

http://www.sagi-tuning.ch/date…ng-audi-a3-1-8t-150ps.php

http://www.rcp-tuning.ch/index…=1.8+TURBO+-+150CV&pID=15

-> mit 1000.- muesch au bi denä rächnä…..und denn hesch no kei garantie (falls dä das überhaupt wotsch) und au no kei leischtigsmässig.

Gruäss

Pascal

....i bi's nomol!

bi grad uf nä sitä gstossä. sie erwähnä, dass mä di audi diräkt über obd cha chippä. dr sitz isch in wetzikon (zh) aber diä si au in dütschland aktiv. chasch jo chli erfahrigsbricht läsä...

prieslich mit 650.- inkl. mwst sicher interessant

http://www.chipping.ch/shop/audi-1/a3__8l_-5/1_8t_110kw-18

Ich fahr au en audi a3 150 ps Turbo,ich find das längt:) Ide schwitz kasch nit wirklich gas geh...deswege find ich Optik Tuning macht meh sin,wil wenn du im Stadt umefahrsch fahrsch au nur 50:D do isch es egal ob du 500 ps hesch oder 150 ps,aber wenn du mitem Dezent-Tiunte auto chunsch und no en esd hesch wo meh ghört,do ziehsch meh blick uf dich Nur mini meinig:)

Zitat von A3TurboTR

Ich fahr au en audi a3 150 ps Turbo,ich find das längt:) Ide schwitz kasch nit wirklich gas geh...deswege find ich Optik Tuning macht meh sin,wil wenn du im Stadt umefahrsch fahrsch au nur 50:D do isch es egal ob du 500 ps hesch oder 150 ps,aber wenn du mitem Dezent-Tiunte auto chunsch und no en esd hesch wo meh ghört,do ziehsch meh blick uf dich Nur mini meinig:)

Können aber nicht müssen isch aber au guet Und Beschleunigung findi persönlich sowieso geiler als highspeed

Min Audi TT 1.8T hät ebefalls Sportec Stufe 1.

Ich würd immer zume seriöse Abüüter gah, au wäns vilicht chli tüürer isch.
Lieber öpis gschids wo au verhebet

Über Sportec gits glaub würklich nüüt schlechts z'säge, händ en sehr guete Ruef und es git viel wo uf die schwöred.

Zitat von timi19

ja i de schwitz ische halt nid so perfekt um gas zgeh aber es git immer wieder gueti möglichkeite womer en echli geh chan aber ebe mer muess immer ufpasse das mer kein scheiss macht. 150 rösli sind scho ned schlecht aber ebe das gfühl wenn in gisch isch nid so befriedigend als wenn meh rösli unter de hube häsch chasch es echli nahvolzieh?? hehe mfg timi

Ich kas scho noh volziehe:) es git möglichkeite zum gas geh,aber mir gönt immer meh die Plätz us ..:( Leider.
Mit dene rösli hesch scho recht,ich bi mol kolleg sin nissan 350 Z gfahre 280 ps das isch en andere stufe:D wie de zoge het puhhh

Zitat von Firestarter1984

2. git wärksgarantie uf diä teil wo dr härsteller nach em chiptuning ablehnt (atriebskomponänte); für mi wichtig, do mis auto no ä johr wärksgarantie het.

aber wie gsehts de jetzt us mit dinere Werksgarantie? Bi mir isch de Fall in etwa genau glich usgleit wie bi dir.. ich han no es guets Jahr Werksgarantie und danach no iwie en Goldgarantie oder whatever.. Prinzipiell hani welle zu de Abt s'chippli go mache weg em Erhalt vo de Werksgarantie. Wobih ich würkli au nöd grad nur guets ghöre. Und vorallem d'Leistigssteigerig isch mer fascht chli z'tüür für max. 40ps.

Ich frag mich eifach.. Was wenn; ich jetzt bi de Sportec de Chip mache lah.. die glich garantie übernimme wie du sie dir zoge hesch usw. Aber was isch de jetzt imfall vomene sägemer mal whorst case; Motorschade oder en suschtig tüüre gspass wie Laderschade? Wie gsehts de us mit de Werksgarantie vo de VW? Soviel ich weiss sig die ja denn dahin?

Wär froh wenn mich mal eine mit Fachkenntnis drüber würd zuetexte.. s'chippli staht nämlich vor de Tür und ich würd liebend gern en Sportec bevorzuge.. aber ebe.. die frage der Garantieleistung usw. hebt mi no recht zrugg..

Betreffend der Garantieleistungen kursieren allerlei Märchen. Um sicherzugehen empfehle ich dir kurz bei Sportec anzurufen und zu fragen, welche Risiken du beim Chiptuning bei Ihnen eingehst, resp. ob sie eben z.B. auf die von dir genannten Komponenten Garantie geben, also im Schadenfall für die Kosten vollständig aufkommen. Sie sollten dir die Unterschiede zum Abt-Tuning (AMAG) erklären können, insofern es diese überhaupt gibt.
Dabei kannst du auch gleich fragen wieviel das Chiptuning für Stufe 1 inkl. Garantie für deinen Scirocco kostet. Ich gehe davon aus, dass es auch die 1'807.- sein werden, da sie nach Hubraum gehen. Abt kostet ja schon 800.- mehr und ich glaube, dass da nicht mal Messungen dabei sind. – Das heisst du bekommst eine Standardsoftware auf dein Steuergerät gespielt aber hast keine Anhaltspunkte wieviel Mehrleistung dir das ganze gebracht hat.

ups....bi in letschter zyt zviel in ämä dütschä forum unterwägs gsi.....

ja das Tel. ah d'Sportec wirdi sicher mache müese. Wie du ja au im immer wieder gläse oder ghört hesch gits sehr viel negativi Blogs zum Thema Abt. Eigentlich ischs mer ja völlig wurscht wer mirs Chippli macht.. sofern dases vonere renomierte, guete Firma chunt woni au bi allfällige Garantieahsprüch nid angscht ha mues. Da wirdi sehr wahrschienlich bi de Sportec guet fahre dänki. S'git ja meh als gnueg Sportwagefahrer (man beachte Porschefahrer mit ihrne neue Modell) wo kurz druffab nachem Kauf zu de Sportec renned.

Beschte Dank für d'info Firestarter1984 Ich melde mich denn zrugg nach wiitere Abklärige

pleuel und kölbe vom s3, K04 lader und passende krümmer, grösseri uspuffalag, kupplig, isprützdüse und denn bisch bi 250ps und meh

zuefällig hani grad alles no umeligge

und was choschtet das ganzä? mol abgseh vom ibau und dr abstimmig und dr mfk-abnahm?

I chanech mal äs gschichtli über mi A4 verzelle:

Mi Vorbesitzer vo mim Audi A4 1.8T (MKB: BEX) isch zersch zu Digitpower gange und isch nid z'fride gsi wel si nem äs Disel Feeling Outo hei drus gmacht!

Somit ischer nachträglech no zu Sportec gange.

Somit hei die giele Natürlech s'beschte müesse mache und hei nid irgend äs doofs standart "Aus der Datenbank geladenen" Chiptuning chönne uf z'schtürgrät lade.

Original het der 1.8T BEX: 190PS / 240NM

Was het Digitpower gmacht:
Digitpower: 203PS @ 5420 U/Min / 350NM @ 2760 U/Min

Was het Sportec verbesseret:
Sportec: 224PS @ 4980U/Min / 330NM @ 2780 U/Min (Versproche wird bi Sportec: 215PS und 315NM)

Mi gseht guet das Sportec bi fasch 500 U/Min weniger 21PS meh leischtig het usegholt und das bi 20NM weniger Drehmomänt was vermuetlech dütlech gsünder isch weni d'leischtigskurve vo der Igangsmässig so vor mer gseh...

Mitlerwile bini bi 103T KM und der Kaputtgange isch bis jetze no nüt bis uf d'Benzinpumpi....

Gruess mischu