Hey sali zäme
Ich suech scho lang en anderä (grössere) LLK für min Polo G40. han scho paar idee gseh oder ghört. i han mer dänkt, vorne im undärä bereich vo de frontschürtze hinder de luftiläss, wärs am idealste. was meinet ihr so dezue, und was für LLK bzw. Kits gits da so?
Danke scho im vorus 
chönt dir en originale vom evo IX abüte falls interesse hätisch
da de g lader nor en sehr geringi wärmeentwicklig het wirsch entüscht sie das der en grössere llk nüt werd brenge,gesch s gäud gschieder för en fächerchrümmer us das brengt wärmetechnisch meh.aber bitte kei polierte.
Warum meinsch kein polierte?
wenn d en polierti oberflächi hesch reflektiert sie d wärmi id rechtig vo de polierte flächi ewäg,egal ob sie vo inne oder vo usse chonnt.das heisst i dem fall goht d wärmi i motoruum use.entweder en wiiss oder schwarz lackierte fächer oder eine wo met wärmeschutzband umwicklet esch.de originale g40 chrümmer esch wärme-ond leischtigstechnisch au en kataschtrophe,drom brengts au wörklech öbbis wend en wechslisch.
hey merci viel mal. ja i ha mer eifach dänkt, das de original llk huere chli isch und das en grössere öpis bringe wür, ha ja na kei erfahrige mit llk. abr merci, wird dini rat zu herze näh
lg
ich bin nöd so de fachma was gladeni motore abelangt, aber en grössere llk wür ich nur mache, wenn du würkli au die leistig vom lader bringsch. z.b. mit chiptuning, ladedruckerhöhig etc. wenn de rescht glich bliebt, bringt dir de llk nöd viel. da muesch würkli luege dass wärmi vom motor weggaht. aber da häsch ja super tipps dazue übercho 
Also bi de Turbo motore ish es so.
En grössere Llk bringt scho einiges was Leistig bi Hitz a gaht.
Wemmer denn no en Chip macht, chamer au minim meh ladedruck geh.
Wies jetzt aber bi dim us gseht weisi nit.
Min S4 z.b het es mega Problem im summer gha.
Uf eimal voll schlapp gmacht wenns shcön warm gsi ish.
Aber jetzt hani das Problem gli ¨nüm hehe 
d'frag isch halt...
du häsch e gwüssi komprimierti luftmängi wo vom lader chomt und zum llk gaht. die mengi a luft isch immer glich (wenn du kei bearbeitig am lader oder am system machsch). häsch en grössere lader, heisst es nöd, dass er meh luft chüelt. evtl. chüelt er die glich luftmengi wie vorher echli schneller abe, aber ich vermuete nöd dass das so extrem isch bi dene leistige (110-140ps).
zweitens isch es au nöd optimal wenn ladeluft en ganze weg vo de sprützwand hine bis zu de front muess mache und dänn wieder zrugg in asugtrackt... (ladeluftküehler a de front).
also ich säg ja ich bin kein ladeluftspezi.. darum find ich das thema recht heikel. und darum sött es chitpuning und so tuningsarbeite au öpert mache wo drusschomt. will suscht wird us meh leistig (weniger)
Genau stimmt.
Also bi mim S4 z.b merksch en andere LLk ehner bim VAC COM.
D.h mer chans meh use läse.
Aber extrem spürbar ish es nit!
So sache merksch nur wennd en komplette umbau machsch.
Bi zwar au kein laderexperte, aber mir isch da öppe so gsi: Luft wird durs komprimiere vom lader erhitzt. Heissi Luft brucht meh platz und folglich chunt de motor weniger surstoff über wie bi chältere Luft. Aso nimmt mer en LLK. Je grösser de LLK desto meh chan d Luft abchüele, sowit jo klar. Nur hett de grösser LLK au nachteil: 1. grössers volume=längeri luftweg= trägers asprechverhalte. 2. grössere LLK gleich grössers Volume gleich meh druckverluscht. 3. Dini Luft gaht jo durch de ganz chüeler. Do am afang de Temperaturunterschied zwüschet usseluft und ladeluft gross isch, chan si im verhältniss viel meh abchüele als am schluss (z.B. Ladeluft am afang:90grad. usseluft: 20grad. Aso hämmer e diferenz vo 70 grad. im durchlauf durch de LLK wird ladeluft aber immer chüeler, sprich im 2 drittel vom LLK viellicht no 45grad ladeluft, 20 grad usseluft. Demzufolge wird effizienz aso immer chliner, bis e garkein unterschied meh macht je grösser de LLK wird.)
Aso isch mini volgerig drus, das mer es optimum us dene kriterie usehole mun. LLK gnueg gross daser im effizientischte berich chüelet, aber ned z gross weg de anderne nochteil, aso de goldig mittelweg. Die besser variante als 1megachüeler wäre 2 chlineri, aber ide regione vomene polo mumer do glaubs ned drüber rede.
Wenn irgendöppis a minere zämegschusterete logik falsch isch lohni mi gern lo korigiere :o)
MfG
