Audi RS 4

Ciao "Golf Cabrio"

Ohne Dir zu Nahe zu treten zu wollen, wenn ich mir Deinen "Beruf" Schüler betrachte, würde ich wohl den Gedanken schnell wieder vergessen.
Klar man kann kostengünstig zu einem RS4 kommen, aber die Unterhaltkosten schlagen doch schon ziemlich zu....

Ein entfernter Freund von mir hatte einen RS4 und war nicht "Schüler" und musste ihn nach einem Jahr wieder verkaufen, weil er einfach NUR noch für das Auto gearbeitet hat. Und das kann's ja wohl nicht sein!

Versicherung: Ich weiss schon was ich für meinen S3 zahle (ok, Superkasko) ... aber trotzdem RS4 schlägt nochmals drauf. Und so ein Fahrzeug will ja anständig versichert sein. Meine Schätzung 3000 - 4000 Franken im Jahr.

Verkehrssteuer: Je nach Kanton, ca. 800 Franken pro Jahr. 4.2 Liter!!!

Benzin: 4.2 Liter!!! Sicher 600 im Monat, je nach Km.

Service etc: Viel Spass mit dem RS4, kenne mich nicht tolle aus, aber habe schon manche Horror-Geschichte gehört mit RS4 und Service ausserhalb des Garantie-Zeitraums. Das kann verdammt teuer werden, aber Details kenne ich auch nicht.

Ergo: ca. 1500 im Monet!! Davon ausgehend es isch kei Leasing.

Also guuuuuuet überlegge

Also bi dr Versicherig mit Vollkasko bin bi ca 2'500 gsi(Relativ niedrig im Bonus!). Verkehrsstüür isch glaub ca 800 gsi. Benzin bisch mit 10lt uffwärts de bi. Zahnrieme mit Wasserpumpi all 60'000km ca 1'600 stutz. Brämsene bisch au um dä Betrag umme. Querlenker/Führigslenker (chömme ziemlich oft) bisch in däm Bereich. I ha no müesse s'Schwungrad ersetzte ha das vo Fidanza gnoh für 1'300 (Orginal 2'700 ). Je nach Fahrstil und Leischtig vom RS schlissesch ziemlich schnäll d'Kupplig, wenns kei verstärkti isch. Uff guet Dütsch eh geils aber tüürs Auto!

Sali zäme...

Zitat

Verkehrssteuer: Je nach Kanton, ca. 800 Franken pro Jahr. 4.2 Liter!!!

Benzin: 4.2 Liter!!! Sicher 600 im Monat, je nach Km.

éhm rede mer do jetz vomne Neue RS4??? de "alt", also de BiTurbo het 2.7l Hubruum und esch en V6......De neu Rs4 esch en 4.2l Mocke....

Item: Denke isch relativ, well: wenn mer en tip top gepflegte Occasion chan erwerbe( Servicegepflegt, Zahnrieme gmacht, evtl Bremse, Kupplig und all Verschleissteili) chamer wohl eher beruhigt sii, as ned grad sehr höchi Reparature söttet cho....

Usserdem: Leasing??( Vollkasko), isch er us seriöse Händ( isch er "drückt und gschändet worde??!!), isch er pumpt( 08/15 tuning, und verbastlet).....

Sie wohl alles Faktore wo mer be somene Occasions kauf SEHR Genau und in rueh sött abkläre und überlegge....alles schriftlich lo zeige ( Service, Reperature)

Unterhalt/Fahrspass: Also ech wörs mal "bös" usdrücke, wenn sich eine en Occasions RS4 zueleit, de söttmer eigetlich ned wörklich weg Versicherig, Benzinchöste und Unterhalt müesse Gedanke mache..... isch ja wohl klar as en RS tüürer im Unterhalt und de Fahrköste chunt als en Golf oder en A3 1.8l ........

GUET ÜBERLEGGE: ned alle Chole usgä nachem Prinzip: hauptsach en RS4, aber ned mal me Kohle für Winterpneus....

Und wenn mer de nurno Brot und Wurst cha ässe, und de Rest vom Geld is Auto fliesst, chas ja au ned sii.

Positiv und ernüechternd:

E Kolleg vo mir het au en RS4, de Biturbo...also de isch jetz prima zfriede...klar bitz meh Most, au mal haut e reparatur....aber im grosse und ganze het är jetz "Glück" und sin RS4 isch ke Wirtschaftliche Ruin für Ihn....

Me chan Pech ha, und de Chare all Monet id Garage bringe...anderi düent mal chli Öl nochefülle, tanke, und Spass ha....

Gruess Ändu