Beiträge von Räphi000

  • 4er R32 MSD Direktrohr

    Hallo zusammen


    Super , merci für die guten Tipps.


    .:R32
    Danke dir, sehr hilfreich.
    Von RSK-Tech habe ich auch einen R32 gehört. Ich will ihn auch so hinbekommen. Ich wusste nur nicht, ob sie alles rausnehmen und nur das Rohr verschweissen.
    Hast du in diesem Fall den Mitteltopf aufgeschnitten nach der RSK-Bearbeitung, dass du das so genau weisst? Ist das Rohr genau gleich gross im Durchmesser wie der Einlass und Auslass des MSD ist?

  • 4er R32 MSD Direktrohr

    Hallo zeme


    Het öpper Erfahrige gmacht mitme Direktrohr am MSD bim 4er R32?
    I ha zZiel, de Sound zbhalte, eifach zvostärke, zChlöpfe bim abem Gas go fürezhebe, aber er sött glich nöd blechern töne.
    I ha än originale MSD kauft, wött inne alles usrume und vom Ihgang MSD bis Usgang MSD ä Rohr züche. Ahdenkt wär de Durchmesser, wo zBasisrohr scho het.


    Wa meinet dSpezialiste? :u:

  • Audi Treffen Mollis (Flugplatz) 11. Mai 2014

    Has än böööse kack gfunde.. Nix organisiert gsi, am 12i dwürst zwor parat, aber kei brot und getränk, nur jungi schnösel, wo mit ihrne ufpumpete rasemeier am gäsele gsi sind und am ahfang sogar dunderstellig, dassi nix zahlt ha.. Naja in folge vode organisation, klar…
    Zgueterletscht het de voahstalter mit sine götsche (nissan gtr & maserati quattroporte) immer müese uf sich ufmerksam mache… Aso än richtige ihfall gsi, einmal und nie wieder…
    :pu:

  • Audi Treffen Mollis (Flugplatz) 11. Mai 2014

    Am 11.Mai 2014 wird GLARUS ( FLUGPLATZ MOLLIS ) durch Audis aller Kantone geboomt!



    Willkommen sind:


    -Alle Audi Fzg.
    -Audi Fans / Tuning Fans usw.
    -Sämtliche Tuner aller Marken



    Mitbringen solltest du:


    -Deinen Audi
    -beste Laune :)
    -CHF 20.- Eintritt (pro Fzg.) mit Ausstellungsplatz
    -Besuchereintritt frei.



    Dynoteam Stockach wird am Audi Fans Schweiz Treff 2014 mit Ihrer mobilen Leistungsmessanlage die Leistung Eurer Lieblinge messen


    Ab 5 PS bis zu 1500 PS kann alles gemessen werden


    PREIS: 80.- CHF / 4x4 100.-CHF


    Verpflegung:


    -Grillmeister bietet Hot Dog's, Hamburger und Würste mit Brot an
    -WC
    -Getränke beim Grill


    !!! WICHTIGER ANHANG !!!


    Gesetzmässiges fahren wird gebeten!
    Anspruchsvolle Aktionen wie Burnouts sind VERBOTEN !!!!
    (Es herrschen übliche Strassengesetze! Bei Unfällen von Gästen übernehmen wir keine Haftung!)



    euer Audi Fans Schweiz-Team

  • Poliermaschine Kunzer 7 PM03 zu verkaufen

    Hallo zusammen


    Ich biete eine praktisch neue Rotations-Poliermaschine "Kunzer 7 PM03" zum Verkauf an.
    In einem Test des Jahres 2012 ging sie als Sieger der Poliermaschinen raus.
    Sie wurde nie gebraucht und ist original verpackt.
    Mit dabei sind 2 Polierscheiben sowie Anbauteile.


    Drehzahl varierbar von 600-3300 U/min


    Neupreis 155.-


    Preis verhandelbar: CHF 115.-

  • Felgen Lackieren

    heey eltoro


    Also ich kann dir einen sehr guten 2-K Lack empfehlen, der metallicé enthält und gleichzeitig den Klarlack schon beigemischt hat.
    Ich habe beide Felgensätze am RS4 wie auch am R32 mit dieser Farbe lackiert. Sogar das Pneubeziehen haben sie ohne Lackschaden überstanden.
    Die Farbe heisst RUCOPUR.


    Gruss

  • Welcher Wachs? Was haltet ihr von Meguiars?

    Heey Jungs


    Ha moll mini Erfahrige wölle poste mit Swissvax.
    I ha zganze Ledercare Set und zganze Lackset vo Swissvax.
    Zum Ledercare Set chani sege, macht mo än positive Ihdruck. Vorallem bim R32, wo dSitz jo mega schnell uhschöö werdet, hani gfunde, i mösi ihgriefe, bevor mos nüme cha ahluege, wills dur zUströchne vom Leder grusig werdet.
    Sit i Swissvax Lederpfleg bruche, isch de Zuestand öppe glich bliebe. Nützt scho die War.
    Bide Ahwendig isch so, dassi als ersts amel de Ledercleaner nimm, zum de Dreck vo de Kleider und em Staub zbehebe und warte än Tag und lohs chli ihzieh. Die nöggste 3 Täg wird je de Leder Softner eimol uftreit, dass zvohärtete Leder i de Strukture wieder elastischer wird und ebe die Falte nöd uftretet.
    Es bringt nüüt, möglochst viel uf eimol druffzhaue. Nur ein Durchgang, denn ein oder zwei Tag ihzieh loh und denn chammer wieder.
    ZLeder mues da au ufnäh chöne we de Bode zWasser. Wenns zviel uf eimol regnet cha da de Bode au nüme.
    Noch dene 3 Durchläuf mitem Softner gangi nochme witere Tag ihzieh uf dLedermilch übere. Die git am Leder wieder die nötig Farb, Glanz und Oberflächeschutz zrugg.
    DLederpfleg wird vo mir all 3 Mönet duregführt, je noch Belastig wos gha het.
    Wichtig isch bim Leder au, dass nöd zwarm wird. Jedes Grad Underschied führt dezue, dass zLeder härter belastet und uströchnet wird. Sunne isch ganz schlimm…


    Denn no zu de Lackpfleg:
    Au do hani zganze Set mitem Mirage Wachs. Poliere dueni de Lack all Johr, je noch Hüfigkeit wo zAuto im Ihsatz gstande isch. I gspür au noch dem Johr no, dass de Lack no perfekt abperlt, wies mue si. De Glanzgrad loht au wenig noh, wo bi anderne Wachs noch 2 Mol wäsche nüüt meh vom Poliere gseh hesch…
    Poliere dueni immer vo Hand. Gad bim schwarze bringt gits extrem schnell Lackbeschädigunge i Form vo Hologramm… Will mo mit Maschine poliere zwei Maschine brucht, Rotationsmaschine zum Beschädigunge usem Lack zbringe, Excentermaschine zum Beschädigunge vo de Rotationsmaschine (Hologramm) wieder usezbringe und mo usserdem mit de Maschine zFiigfühl nöd het wie vo Hand, wird bi mir usschliessloch vo Hand poliert.
    Als allerersts wird zganze Auto butzt mit Putzmittel und zAuto abglederet, ahschlüssend de ganz Lack mit de Cleaner bearbeitet.
    De Cleaner isch zum behebe vo de Chrätz zueständig. Es git 3 voschiedeni Sorte vo Cleaner: Regular, Medium, Strong.
    Ahfange dueni mitem Strong, zum die richtig starche Beschädigunge usezbringe. Wird alles mit de Hand uftreit und mit de Hand denn ihmassiert, bis „Rubeli“ git. Denn isch dWirkig vom Cleaner vollständig dure. Ahschlüssend mitme Microfasertuech massierend riebe, dass de Cleaner weg isch. Wenn zganz Auto fertig isch, gots witer mitem Medium. Genau zGliche wieder, ahschlüssend mitem Regular. Noch dem isch zAuto sooo fii und het de optimale Haftgrund für de Wachs. Wichtig! Nöd umefahre während äm cleane. Zauto isch denn völlig uhgschützt, es git gad Chrätz vo chlinstem Dreck.
    Nochem Regular Cleaner chunt de Mirage Wax druff, wo mer au mit de Handflächi ihstricht. Au do gilt, dass zviel druffträge nöd besser isch. Wenn mo zviel nimmt, mues de Lack au ufnäh und usserdem got er schneller weg, wenn zviel druff isch.
    Nochem Ihmassiere mitme andere Microfasertuech isch zErgebnis perfekt. Wie neu wird mis Auto amel.
    Viellicht no ä Ergänzig: Dichtflächene, Spält und Dichtige bestefalls abdecke mit Chlebband. Die hend immer Dreck dra, au wenn mo zAuto perfekt putzt het. De Tüfeglanz isch bi dere Politur scho 1A. Vorallem bim schwarz chammers tip top beurteile, ob ä Politur öpis taugt.


    Hoffe bringt eu öpis ;)
    Gruess :D