Beiträge von T-Bird

@Tom

Ich han en Audi S4 B6 8E Avant mit Tiptronik. Mich nervt das Elende zu frühe Uffeschalte selbst im Manuellmodus erst recht im Sportmodus. Gits da e Lösig dafür. Besser gseid, wieviel kostet da soöpis. Denn en Kolleg vo mer hät das bi sim S4 B6 mache laa, aber de isch in Kaprun bi Zell am See, Österrich. Döt händs ihm für 1000 Euro de Asug bearbeitet, s Chiptunig gmacht und ebe d apassig vom Automat. D Schaltzitpünkt sind nach obe korrigiert worde, s Asprechverhalte Verbessered und au d Scahltvorgäng sind nun schneller. Aber das isch öpe 440 Km entfernt und ich han kei Bock dafür so wit z fahre. Wie gsehts da i de Nöchi us? Cha au DE sii, wil bi allne da i de Schwiz heissts nur, dass göchi nöd. Aber das es gaat weissi ja. Dörf eifach nöd so tür sii. Mini Finaze sind zur Ziit recht knapp.

Nur no kurz:

Min S4 lauft tiptop, trotz 182'000 Km druf. De einzigi Ölverlust isch a de linke Zylinderkopf-Dichtig, das vo der oft beschribene Problem mit de Plasmabeschichtig isch bis Dato nicht existent, d Wartig übernimm ich und somit hanni d Köste sehr guet im Griff. So dass ich finde, au wenn ma kein riche Schnösel isch, cha ma sich so es Auto leiste.

Merci im Vorus für dini Antwort

Grüess

Michel

Han mir das au emal agluegt, aber bim RNS-E.

S einzig würklich guete isch da s Fiscon basic plus oder pro... Welles genau fürs 3g isch, weissi nümme.

Aber eis weissi, über s Ebay.de oder über die dütschi site vo Fiscon isch es einiges günstiger als uf de schwizer siite.

http://www.fiscon-mobile.de/products/main_audi.php luegsch da emal nache und informiersch dich.

Bi mir isch es eifach no so, dass ich mir da züg muess codiere über s VCDS. Wies bim 3g isch.... Kei ahnig.

Viel erfolg

Greets Michel

Hello praise

Its cool to have soneone from the states here. Once, when I can afford it, id like also to kome over to the states and maybe buy some parts for my audi. And I really hope, that I can buy me an thunderbird sc optimyze it there and than ship it over to me. But right now its only a dream.

You have a nice car and I hope you can really come once here and we can see it in real.

Ceep on working on it

Greatings

Michel

Ich bruuch no kurz en "profitipp" bitte.

Isch e beheizti lambdasonde unbedingt nötig bim s4 b6. Und wa bringt die genau?

Han da leider zu wenig erfahrige und au zu wenig ahnig.

Merci fürd antworte.

Nope... Han leider nonnig chönne zu de kollege id garage, wil es schisst mich echli aa uf em bode ummezkrüche und versueche da z mache. Im verlauf vo derre woche oder de nöchste luegi emal.

Aber isch würkli mal kein schlechte tipp. Merci

Nur zur verdütlichung, de fc 16440 seid mir am schluss keine kommunikation. Heisst, dass d sonde kei signal me vo sich git. Ergo, sonde kaput.

Hahahahah nei, sicher nöd....

De audi hät nach de krümmer d hauprkats und dann nomal nachkats. Und die hanni ussegno.

Isch halbwegs legal wil er so d abgaswert no ihaltet, aber er tönt echli besser.

Da hanni gmacht, wil de S4 B6 leider mega lislig isch trotz em v8 und so hanni echli en sattere sound.

Ja hanni. Da mit dem zu fett chommt relativ sporadisch und mängisch durets länger, mängisch nöd eso lang bis de fehler chommt. Und da mit de fehlermeldig über d fehlfunktion vo de lamdasonde selber chommt ziemli schnell und so guet wie immer.

Hi Stefan

Merci fürd info...

De Fehler isch, dass zu 90% d lamdasonde an arsch isch.

Und zu 90% isch es min fehler.

De fehler 16440 (p0056) sött sii, dass d lamdasonde keis sigal git oder
bechommt. De 17548 (p1140) seid, dass s gmisch zu fett isch.

Ich tipp emal, da mir vor kurzem emal de llm verreckt isch, da jetz de
folgefehler isch. Zuedem binni nöd grad ziemperlich gsi, wo ich mini
(nach-)kats usghölt han.

Isch guet mögli, dass dabi was liecht lädiert worde isch und jetzt knapp 2
monat spöter es komplett de geist ufgä hät.

Ich weiss, es grosses werweisse, aber d Sonde kostet nöd viel und vor de arbeit
hanni kei angst.

Na ja mal luege was sich ergit, innerhalb kürzerer ziit werdi mich emal dahiter
wage.

Gruess

Michel

Hallo zämme...

Sit kurzem hanni immer wieder Fehlermeldige, die ich mit mim vcds uslese.

Darunter isch die obe erwähnti und au no 16440.

Im grunde isch es d sonde vo de bank 2. Jezt mini dummi fraag; Welles isch d bank 2???

Ich bi echt froh um jedi antwort, es isch zwar nöd würkli schlimm wenn de motor z fett lauft, aber ich wetts doch bald repariere.

Merci eu für d Hilf

Michel

Also bi neme qitsche oder pfite tipp ich meistens uf de rieme, oder en spanner, de a spannig verlürt, wenn de mocke warm wird.

Bi kein profimech vo dem her verschüss mich nöd wenns nöd stimmt.

Im Grosse und Ganze binni au dinere Meinig und mit 60gi werdi hoffentli au mo mini Passion für autos phalte ha.

Aber zum Teil binni eifach nö iverstande mit de verdammte und zum Teil überus blöde ischnüerige, die da i de schöne Schwiz d Gsetzgebig macht.

Tuningteili, die sust überall zuegla sind, die extrem zu de sicherheit biträged (also ihri Festigkeitsguetachte händ und sich im Verkehr mee als bewise händ) werded da i de Schwiz verbote.

Ich red da nöd vo irgendwelche unnötige dinger, ich red vo bessere Bremse, Fahrwerk, Felge und Ähnlichem.

Absolute Blödsinn!!!

Bi nerre Kontrolle hanni meal en Polizist gfragt; "Wieso sind Bremse, die de Bremsweg um einiges verkürzed und dadurch s Auto sicherer mached da verbote?"

Sini Antwort; "Wenn sie zu schnell abebremse chönned, cha de hinter ihne vilicht nümm rechtzitig ahalte und kanllt ihne hinde dri."

Super!!! Was für en Schwachsinn!!!

Aber ebe, so Billigchinaschrott, welles nur scho bim schiefe aluege ussenandcheid, da isch kriminell und muess gbüesst werde.

Lönd eu d Freud am Tuning nöd vermiese und blibed legal.

LG

T-Bird

Trotzdem danke.

Viel Spass mit dim Auto, mit de richtige Behandlig wird er dir no viel Freud mache.

Nöd schlecht, ich han ja de S4 B6 Avant. Absolut cooli Autos.

Für d Telefonbuechiträg hättisch s Fiscon Basic Plus ibaue laa sölle. (So wurde es mir gesagt) Isch s nöchste was ich mache werde. Häsch du dafür au s RNS-E müesse update?

Weisch du, obs möglich isch, die originali Klappestürig wieder z aktiviere. Wil ich staan uf de doch recht satti Sound vom V8 und han durch es paar Chlinigkeite, de originali Sound no echli verstärcht. Ich han vor da no echli uszbaue, aber weg de Nachbare möcht ich doch gern, dass d Klappe wieder gschlosse werde cha. Aber Audi hät ja damals d Klappe uf daueroffe gstellt gha wil sie ja nöd würkli lut sind

Happy birthday a alli und alles gueti

Zitat von KaMa

CD`s müssen nicht bei Audi registriert werden.
Deshalb gehen auch Sicherungskopien.

Interessant, mir wurde sogar von der AMAG Garage in Schlieren gesagt, dass man sie freischalten muss. Sprich, sie müssen das Auto kurz anstöpseln und was freischalten. Es geht nicht ums Registrieren. Aber die sind auch eher ne VW Garage, wobei mich einer bedient hat, der bei AUDI die Lehre gemacht hat. Komisch, komisch.

Falls das so ist, ist das ja gut. Ich brauche nicht wirklich ne Kopie, aber das sind ja gute Neuigkeiten.

@ ZUM.... Ein Aufstand währ was Anderes... Ich habe nur meinen Unmut betreffend der nicht beeantworteten Frage kundgetan, zudem habe ich so meine Frage wieder ein wenig höcher gestellt in der Reihenfolge.

KaMa, merci für dini Antwort. Ich gsehn nüt illegals drin, mir e originali AUDI CD us em Ebay z hole. Döt isch sie nur halbsotür wie i nerre AMAG Werkstat. Nur mir gaats drum, dass die scheiss Dinger i eben diesen muesch freischalte. Da isch dann wenniger cool. Ansonste chönned mer ja mal privat mitenand rede und du chasch mir vilicht es paar Tipps gee. Da ich aber recht neu da bin, weissi nöd wie. Gits da sowas wie PN oder so?

Hanni da was falsch verstande? Da isch doch es forum, bi dem es mitglied frage stellt und die andere dann mit rat und tat helfed??? Oder isch da nümme so? Ehrlich gseid bini echli enttüscht vo eu, ich han gmeind, glichgsinnti helfed sich unterenand.

Schaad... Han dacht das ich da richtig wär

Hallo, da ich da dinne recht neu bin und nonnig genau weiss wie da mit de Suechfunktion gaat, bitte ich um Entschuldigung falls es da Thema scho git.

Ich han sit ca. neme halbe Jahr min Audi S4 Avant B6. Im grosse und ganze binni sehr zfride mit dem chline Chärelli und han riese Spass a ihm. Vor allem wil er usgseht, wie jede normale A4.

Aber mis Navi isch halt no echli vo vorgestern. Hät immerno d DVD vo 2004 dinne und führt mich zum Teil durch föllig falschi Strasse durre. Was ja au klar isch, hät sich doch einiges gänderet i denne 12 Jahr.

De (sorry für de Usdruck) Scheiss isch, au wenn ich mir e günstigeri DVD us Ebay oder so holle, muess ich sie immerno bi Audi go freischalte laa. Und da wird dann bi Audi au recht grosszügig verrechned.

Oder gits da anderi Möglichkeite? Ich lieb mis Auto, aber ich han für da Ding en recht nidrige Priis zahlt trotz sehr guetem Zuestand und nerre nöd würkli höche Laufleistig. Jetzt knapp 10% vom Aschaffigspriis nur für e Navi-DVD z zahle schisst mi scho aa.

Bitte helfed mir falls es da was git.

Merci im voruus

Michel

Merci fürd Willkommensgrüess...

Ja de T-Bird isch es absolut geiles Auto. Für de Jahrgang hät da Ding mega viel "moderni" Gadgets. Wie es automatisches Fahrwerk, Einzelradufhängig, automatischi Liechter, ufblasbari Lendewirbelstütze sowie siitlichi Stützene, damit nöd ussegheisch us de mega bequeme Sitz. Au de Motor isch mega geil. Zwar nur 211 PS aber dafür 427 NM. Und d Gwichtsverteilig isch mit 53 zu 47% fast perfekt. Da aber nur bim SC, die normale mit em V8 sind nöd eso de burner. Leider händs aber ein gravierende fehler bi dem Auto gmacht.... De linki Usluffkrümmer isch viel zu kurz grate, darum staut sich döt immer und d Zylinderkopfdichtig verjagts am hinterste Zylinder zu gern. Git e eifachi lösig, en andere Mrümmer anne und guet isch. Isch aber i de Schwiiz verbote :(. Und zum Calibra muessi glaubi nüt sage. Nur scho de 2.0l isch gloffe wie Sau. Ich bi lut Tacho 245 kmh gfahre und de charre isch im Begrenzer gsi. Und de Turbo Calibra.... Ich bi BMW 335i am jage gsi und da mit nur 204PS und uf de dütsche Autobahn hanni en uf 260 km/h gjagt gha, han mich dan uf grund vo de Reife nöd witer gtraut gha.

Aber de Audi isch jetzt mis Baby und ich bi begeistered. Nur dass d Tiptronik eigeständig d Gäng ufeschaltet gfallt mir nöd. Egal ob i de S Stellig oder im manuel Modus, da Teil haut de nöchste Gang inne obwohl no locker 800 bis 1000 Umdrehige chönntisch ussehole.:(

Muess ussefinde wo ich da cha umprogramiere laa für wenig Geld, denn durch e chli grösseri umstellig muessi jetzt bös druf luege.

Sorry isch echli viel Text, aber hätti nöd platz gha in weniger;)