Hilfe: Windschutzscheibe kaputt

    Mir isch hüt am morge d'Windschutzschiebe kaputt gange. Het en Sprung vo links unde, ca 30cm vom linke Rand, bis ca 25cm vom rechte Rand gäh. ;(
    Mini Frag jetzt: Ech han jo en G60 ond dört sind's kleppt, wie tüür isch es so Windschutzschiebe?
    Ha leider kei Versicherig wo das abdeckt! :kgw:
    Villicht het jo scho öber eine müesse wechsle.

    Zitat

    Original von 2er-schnegge
    vo dä amag us gits keini mee also sie isch nüme lieferbar, am beste würi mal glaströsch ah fröge weiss zwar ned obs das bi dir i dä nöchi au git.


    Glaströsch chansch nid zahle...
    Frag mal bi de DESA ah. Die wächslet dSchiibe fürd Lüüt wo bi de Züri versicheret sind. Han mini bim Golf au 2x müesse wächsle.
    Gaht schnäll und sie möchets suuber.

    Sösch log doch mou öb eine no eini omelegge het vomne Schlachtgolf, meinsch ned as det föndig wersch.


    Desa segi glaub werklech no guet, mini Mueter het det au scho 2x e Schiibe ersetze loh, esch aber au vo de Versecherig zahlt worde.

    Effizienz braucht Leistung\r\n\r\n1.4 TSI - Kinderarbeit unter der Motorhaube :h:

    Han grad e Offerte für'd Windschutzschiebe becho.


    DESA, St.Gallen: 952.65 CHF komplett.
    d'Schiebe 447.60 CHF, d'Arbeit 263.75 CHF ond halt no was derzue ghört, Montageset etc.


    Isch de Pris ok e so, oder meinender eher z'hoch?
    Ech cha mir das ned so recht vorstelle, ha no nie mitere neue ztue gha.



    Vo trösch autoglas han ech no nüd becho.

    e bi jo nit ganz sicher, aber söt d'vericherig nit d'ersatzschiebe zahle?


    das isch doch öppis wo nit nur bi vollkasko isch, sonder au teilkasko und haftpflicht!


    hesch bi der versicherig scho nogfragt?


    will, bi mim alte audi hani au nir haftpflicht und si hei mer d'windschutzschiebe ersetzt!



    wenn ich du wär, würd i uf jede fall d'versicherig froge, wenns nit scho gmacht hesch!


    gruess

    also d windschutzschibe zahleds normal nur bi teilkasko und vollkasko. a dinerä stell würdi naher e teilkasko versicherig machä. wennt die schibe eimal musch wechslä hesch erstens kei umtrieb und zweitens hesch mit dänä 1000.- stutz d teilkasko für öbe 3,4 jahr zahlt...

    Han nur Haftpflicht. Ha ebe am afang no gmeint, dass d'Schiebe bim G60 wie bide andere Golf 2 ned klebt sind... :kn:
    Teilkasko würd bir Mobiliar öbe 400.- meh im Jahr choschte.


    Han no en Kostenvoranschlag vo carglass becho vo ca. 700.-


    Do wieder die Frag ;) : kennt das vilech öber? Us Erfahrige ...