ORIGINAL BBS Le Mans 8.5 x 19 LK 5x100

    Ciao Zäme!


    Be uf de Suechi nach originale BBS Le Mans för min Audi S3 8l.
    Einersiits würds mi sehr wunderneh, ob eine vo euch die als Neuwar verkauft, oder au ob öpper bruchti in guetem Zustand umeligge het.


    Mass: 8.5x19, LK 5x100, ET25


    Sett so under min S3 passe (mit Spurplatte), falls öpper gnauers weiss, nur korrigiere :D


    Alli Agebot wilkomme! :prost:


    Gruess Marco

    Morgee!


    Weiss öpper wie ich die Felge itreit bechume, wenn ich de Radsatz jetzt in DE wörd bstelle? Fende ide Schwiz ned ein Abieter, wo die glischted het... Im Dütsche wiederum gäbtis es paar, und natürli au meh bruchti womer chönnt chaufe, fallsmer do zumne Guetachte chund. Uf de BBS Website gits ja nur TÜV-Guetachte, wasmer do ned vell bringt oder?


    Han mal de Carex gschrebe, obi bi ihne es Guetachte bechome, mal luege :)


    Danke im Voruus

    popof
    Danke für de Link, wär denn d alternative weni wük bimne "chischteschieber" bstelle ;)


    Sandysolo
    Det würdi au würkli gern chaufe, nur esch det de Pries förs 19 Zoll Rad met 1428€ met ABSTAND de hööchschti im Netz :schock: Han ihne dorom mal es Mail gmacht und uf diversi anderi Dütschi Tuningshops verlinkt, im Schnitt choschtet det d Fälge ca 970€ pro Rad, au in 19 Zoll. Mal luege obs was chönd mache, bezwiefles aber.


    Han jez au en Antwort vode Carex, agäblich isch d BBS Motorsportabteilig (also alli gschmiedete Felge) ufkauft worde und de Vertrieb momentan ned möglich. Sie sind am verhandle mitene, chan aber Wochene dure ;(


    Jäjo mal luege was KHD zruggschriebt.


    Danke a allli

    Oke so wiit hani gar ned gluegt. Krasse Unterschied...


    Aber ich wür mal uf d Antwort waarte. Ich han als letschts Schmidt Felge kauft und vorher es KW Fahrwerk und das hetter mir immer chöne zum vom Hersteller empfohlene dütsche Pris verkaufe, natürli immerna mit -19% weg de wegfallende MWSt. Mails beantwortet er übrigens nie wahnsinnig schnell :D


    Gruess

    \n\n\nDieser Beitrag wurde bereits 428 mal editiert, zuletzt von >Sandysolo<: (Heute, 07:53)

    Esch ebe scho de Hammer met de Mwst... und de Lade a sech gseht au ordentlich us. Jäjo mal luege, im Allgmeine heter ja eich gueti Priese, dorom verwonderet mi das jetzt schochli.


    Wie hesch de du das eigentlich am Zoll gmacht, ned no müese drufzahle?


    Gruess

    Zitat von mr_bubbles


    Wie hesch de du das eigentlich am Zoll gmacht, ned no müese drufzahle?


    Gruess

    Ja, das würd mi au no interessiere... was mer no a de grenze zahlt, um zgseh, ob es sich au würkli lohnt...


    @ mr. bubbles


    bi wellem dütsche tuningshop häsch die BBS am günstigste gfunde?... neui Lemans sind mer z'tüür... aber BBS CH R würdet mich no reize...



    Vorallem verwunderts mich, dass Khd autozubehör es CH- guetachte liefere chan und de ch- importeur carex damit umgaht...

    Natürlich isch am Zoll denn d CH-MWSt vo 8% fällig. Aber simmer ehrlich, wenn die alte Stahlfelge wo bim hifahre druf gha hesch det lahsch und ned zu de hauptgschäftsziite übere fahrsch, wo in Zurzach nachher eh keine meh det staht, wer merkt das scho...


    Ich han ned behauptet er het CH-Guetachte. Aber es wür mi also scho erstuune wenn ned, will mir hetter sie immer chönne liefere und ich nimm aa die meischte vo sine kunde chömed us de Schwiiz.

    \n\n\nDieser Beitrag wurde bereits 428 mal editiert, zuletzt von >Sandysolo<: (Heute, 07:53)

    Ich bi au scho bi http://www.khd-carstyling.com gsi. Super chef, isch churz vorem aldi ine chlini garage. Er so, muesch eifach nöd bim sunnigste tag cho den sparsch der die 8%:D ha den zuefällig bi ricardo mini abt oz günstig ersteigert und die bbs ch black vergässe;)

    Gott schütze uns vor Sturm und Wind und Autos die aus Japan sind :D\n\n*Love Audi AG Quattro GmbH & Turbo's*

    Han jez grad schnell midm Karl-Heinz telefoniert :D Würkt kompetent und fründlech, chan nur leider nüt am Pries vo 1428€ PRO FELGE :schock: mache.


    Schins het de Händler d Priese um 300€/Felge ufegschruubet, welld BBS Motorsport-Abteilig verkauft wurde esch, d Produktion vode Felge hindenochehinkt etc. Scho krass, für de Pries pro Felge chunnsch grad en Satz anderi Markefelge öber :P


    Bstelle chönnti d Felge för om di 800€/Felge, do d DE-MWST bim einte Shop direkt abzoge wird.


    Gäbts usser em Budnik no anderi, womer es Guetchaten för min S3 8l för BBS LM 8.5x19, ET25, LK 5x100 chönnti uftriebe?
    Budnik: Hoffe fühlsch di nid hindergange :D Muess jetzt eifach so schnell wie möglech a sones Guetachte choo, chan mini Winterrädli nümme gseeeh :pu:


    Gruess Marco

    Ciao Budnik! Sorry scho im MIttag gsi :\ Mine esch ebe usem Dütsche importiert wurde ursprünglich, dorom X und bringt dir ned vell oder? :(


    Do die gnaui Nummere: 1AB9 66 X
    Do susch no Fahrgstell-Nr falls was bringt :u: : WAU ZZZ 8LZ 1A09 3129


    Be jetzt leider grad weder amene Meeting ca 1 Stund, aber nacher sötti weder all paar Min is Forum chönne luege.


    Danke für dini Müeh!