Drosselklappe & Ansaugbrücke weiten und polieren

das gsehsch du richtig, de wahri knall bringt sone aasuugbrugg mit drosselklapp erscht, wänn de gsammti wäg bis in brännruum dementsprächend optimiert wird. dänn mues d uslasssiite au no dezue passe, dh ventil, kanalbearbeitig, uspuffkrümmer und natürlich s staudruckverhalte vo dinere uspuffalag bis zum ändrohr.

isch alles optimiert wirsch au bimene kompressormotor e leischtigssteigerig gsspüüre, jedoch isch da d ilasssiite es bitz weniger wichtig, wie d uslasssiite, da d luft komprimiert wird und so dini zyliderfüllig durch de ladedruck dementsprächend vergrössered wird.

vill wichtiger isch d uspuffalag, da du d zylinderfüllig erhöchsch chunt au es grössers und heisser abgasvolume zum abfüere, da isch wichtig, dass de staudruck sowiit reduziert wird, dass de zylinder aständig chan entlährt wärde, dh. möglichscht geringi thermischi belaschtig und möglichscht gueti spüelig vom zyl.

sowiit mal en grobe überblick zum thema zyl.kopfbearbeitig und kompressorumbau

wievill da a mehrleischtig schlussändlich möglich isch isch abhängig vom gsammtpacket. e asuugbrugg elei bringt jedoch i diim fall eher e verschlächterig und währ schad ums gäld. vor allem, wännd asuugluft durch de vergrösseret suugrohrkanal richtig zyl.kopf ströhmt und dänn am dichtflansch scharfkantig uf de unbearbeitet ilasskanal trifft entstaht sone starki verwirbelig, dass der so künstlich de ilasskanal verängt wird, und so weniger leischtig häsch, wie mitem originalsuugrohr!!!

s beschte für din fall wär e optimierti uspuffalag vorzugswiis mit fächerkrümmer, das würd sicher am meischte bringe mitem original zyl.kopf

ich nimm a du häsch die im ricardo gseh vom 2.9l mit grössere drosselklappe? also es bringt allei biim suger öpis.... ich rede jetzt ohni kompressorumbau...die sache bringet öpis: asugbruck bearbeitet + grösseri drosselklappe in kombi mit:

- schärfere nockewelle
- polierti i-ventil und uslaswentil
- 4:1 fächerchrümmer
- höher verdichte
- chip vom zoran wo alli die änderige berücksichtigt + abstimme
- bleifrei 98

(isch aber eh huere schiessarbeit und du muesch dir würkli ziet neh zum sonen chopf bearbeite....

wänn das alles machsch bim vr6 2.8l dänn häsch locker 210-220ps (han extra minimal leistig berücksichtigt). git paar lüt im vr6 forum DE wo die leistig händ..

1. tönd er geil
2. vo use merksch nüt
3. du chasch mit de originalteili problemlos umefahre da sie bis ca. 230ps usgleit sind (bremse, getriebe etc.). evtl. sogar meh...

EDIT: oooh.. sorry han nöd gseh dass de börni postet hät

am beschte bsorgsch der en churzi asugbrugg,das esch bimene gladnige das einzig wahre.det muesch ned luege ob d asugweg vom asugrohr chasch optimiere,userühre ond es churzes ihne.hesch en vöu schnelleri füllig vom brennruum.kanäl bearbeite esch scho guet.

Zitat

Wiso meinsch deniz?

ja de börni hät ebe no zum thema kompressor stellig gno. han zerscht au öpis welle säge darum

aber ebe wenn das auto wotsch normal uf de strass fahre und nöd für rundkurs etc.. dänn wür ich ihn uf sugertuning mache.

1. chasch dänn immer wieder originalteili poschte (muesch sie halt wieder bearbeite). und vr6 teili findsch immer...

2. häsch de geil vr6 sound nur no lüter & geiler

3. chomts dir au günstiger wenn alles selber machsch. muesch ja "nur" das werkzüg ha. und chasch dänn wenn de motor eh dusse häsch ja grad no de motor überhole. gleitschiene, kettespanner, cheti, chölbering. aber dänn weisch was häsch.

4. de golf usruhme. de hät meistens es leergwicht vo 1150kg. wenn kei klima etc. häsch. wenn ihn würsch uf 1050kg abebringe isch scho mal vorteilhaft. 5-türer sind ja au ca. 25kg schwerer als 3-türer.

aha jetzt isch einiges klar chasch mal bilder poste vom motorrum? häsch den au de chip apasst?

ok...

de olaf hät gseit er wür das asugrohr chürze und bearbeite. ich wüsst jetzt zwar nöd wie, aber mal luege was die andere dazue säget. git ja nomal en kompressor vr6 im forum (kolleg vom turbogolf). wär mal interessant zwüsse was er gnau gmacht hät

hani ned gseit,eifach es churzes asugrohr bschtelle ond montiere(HGP zb).kanäl bearbeite brengt emmer öbbis hani gseit,demit hani d kanäl vom chopf gmeint.

@ deniz06

Dä Olaf meint worschindlich nöd die Asugbrugg chürzä... Sondern direkt ä churzi anemache...

Denn muesch eifacht die ganze Rohr apasse, weil die kurze Asugbrucke meistens d Drosselklappe une rechts im Bild hend.

EDIT: Do ischer schneller gsi

Sowas i dem Stiil halt

ahaaaaaaa ja du häsch ebe gschriebe:

"....asugrohr chasch optimiere,userühre ond es churzes ihne...."

da han ich mich ebe gfröget wie du das meinsch. aber wenn du asugbruck meinsch dänn isch alles klar. das wär aber geil so en umbau

was meineder zum thema ladeluftchüelig? d ladelufttemp. isch sicher nie so extrem, wie bimene turbo, doch öpis bringe tuets sicher!!! obwohl durch das d aasuugwääg halt wider verlängered wärdet.. oder suscht e wasser-alkaholisprützig...

uj uj

macht da luft dänn bi dem grosse motor (chline motorrum) aber extremi umwäg. ich meine allei vo lege vo de rohr etc.

Golf 2 VR6 Kompressor

han da mal öpis im vr6 forum gfunde.... wär geil so de ladeluftchüeler mit em schlitz obe a de hube ufsetze.

super ladeluftheizig isch das!!! vo unte chunt erhitzti luft an chüeler (abstrahlig vom ventildeckel) und die luft, wo vo obe durd hutze chunt staut sich unterem ladeluftchüeler und chunt nöd wäg!!! sonen umbau chasch grad bliibelah!! en ladeluftchüelermuess sini heissi abluft au abfüere chönne (durchfluss vo chüelluft)

nei sött glaubs schochli öpis vernünftigs sii, lieber chli längeri wääg in chauf näh, defür d ladeluft effiziänt chönne chüele

oder suscht churzes suugrohr ohni ladeluftchüelig aber defüür es wasser-alkahol isprützsystem zum d asuuglufttemp. obenabezbringe

http://www.turbotuning.net/Leistungsmerkmale.html

also bi sls findetmher au das agebot drosselklappe erwitere etc asugbruck etc. binsmehramüberlge obis mache lahn oderselber pröble. leistugszuewachs sött bi 5-10%ligge