Kat/zahnriemen

    Salü Leute


    Ich han sit em Samstig, wieder sProblem ka das mer Tourezahle bim Kupple über 3000t ufe dreied! Guet, sit em samstig bini nüme gfahre, und hanen gester zunere VW Garage bracht (die einzig bi mir in Adliswil)


    Offebar, isch so es chlises Rots Käbeli Abenand gsie und drum ischer bim kupple über 3000 ufe....das muess ja gmacht werde!
    De hani denkt wen mis Auto schomal bimene Experte isch, söller au suscht chli nach Problem oder Defektem zeugs suche!


    1. Zahnrieme hegi unterdruck!
    2. Min KAT segi am arsch, ich brüchi e neui Alage!
    3. Vom reste hani gar nix meh welle köhre, suscht heti am schluss es neus Auto ka :/


    Ich muess jetzt nur scho, für das Käbeli wos wieder zäme gmacht hend, 170.- Franke zahle !!!!!
    Finde das isch extreme Tür, 1 Kabel, wieder zäme mache, 170.- what the fuck!!!!
    Weni jetzt en neue Topf etc. bim experte würd mache lah.....naja weti gar nid dra denke so tür wie das wahrschindlich würd werde :/


    Drum hani mal kurz welle frage, ob mer da würkli grad die ganzi uspuff Anlage muess wechsle wen de kat nüme so guet isch?


    Wen ja, wäri demfall uf de suechi nacheme Ganze Topf, aber nume wemer de kat nid chan uswechsle etc, keine ahnung :D


    2. Chamer was gege de unterdruck mache? Ich nihme a, wen ich dere Garage säge, sie sölled was mache nehmeds mer de ganz usse, und düend en neue Zahrieme inne, kostet wieder die halb welt!


    Isch das schlimm so en Unterdruck? Chamer sonigi au occ Kaufe, oder muess da grad en neue ane? :/


    EDIT: Ich han en Golf II 8v Jg. 89 falls öpert en Topf etc heti xD


    Gruss Kevin

    I finds imfall nid soooo lustig :kp:


    Es isch doch eifacht Tatsache, das wen ich dere garage jetzt würd säge sie sölled mer alles mache! hani erstens nacher alles neu Teili drine, und 2tens chasch ja das den niemals zahle, wen scho 1 käbeli zämmemache meh als 150 kosted oO


    Kostevoraschlag chaner nid mache , will jeder zit wieder öpis neus chönt führe cho bim meche, isch mir gseit worde :/

    La d Finger vo dere Garage, die zocket Dich ab. Jede het Dir das Kabel für es Kafigäld zämeglötet, uf jede Fall nie über 50 Franke!
    Was dr Kat abelangt chame vonere bruchte Alag eine usetrenne und früsch ineschweisse. Zahnrieme chönt me spanne, aber das isch komisch, ha no sälte vo Zahnrieme ghört wo eifach lugg gsi sind, de würder ja überspringe?!
    Wievil Kilometer sind sit em letschte Zahnriemewächsel vergange und au wichtig, wivil Jahr?
    Und isch de Kat würklech kaputt?

    Danke viel mal für dini Infos chrigu


    Das isch ja ebe leider mis Problem, ich han kei Ahnig ob de mir jetzt en scheiss verzehlt, oder bspw. de kat würkli dure isch!


    Zahrieme hani natürlich no weniger ahnig, aber de isch glaubs no gar nie gwechsled worde. (Km stand: ca. 140tkm)
    Normal macht mer das doch so, ca bi 100tkm, und will i mim Service Heftli niened irgendwas vomene zahrieme drine staht, hani dere garage gseit sie sölli mal die zäh a gucke, so als kontrolle!


    bezüglich KAT, chani nume vom Köhr her brichte! Soll heisse, das wenen am morge istelle (kalt) , klapperets zerst mal so 1-2 min bis er warm isch, und nacher findi tönt er eigentlich ganz guet! Ich meine es isch es 20jährigs Auto, da muesses ab und zue Klapere :D


    Und ja, die wo sich e bitzeli uskenned in Adliswil....wüssed genau vo wellere VW Garage ich rede! Git nur eini bi eus, und die chönt den natürlich Kunde recht abzocke, wills ja die einzig nöcheri a laufstell isch für eus -.-


    s Wichtigste hani jetzt eigentlich köhrt, das reini Abzocki isch i dere Garage!
    Muess mich demfall mal anen guete mech wende, woni sicher chan sie daser mi nid abzocked ;)


    Gruss

    Ich cha Dir abiete dass Du mal e Usfahrt id Region Burgdorf machsch (churz vor Bärn vo Dir us gse) und denn chönd mir das bi mir im Garage aluege. Isch halt chli wit für Dich, weiss nid wie Du das gsehsch?
    Zahnrieme isch uf all Fäll nache mit 140'000km, i weiss dr gnaui Intervall bim GTI 8v nid, aber bi jedem normale Outo isch dr Intervall zwüschet 60'000 und 120'000km. Da würdi nüm lang diskutiere und de mache. Wenn dr dr Zahnrieme risst oder überspringt, denn hesch en kapitale Motorschade. Isch zwar bi de Benziner lang nid so heikel wie bi de Diesler, zvil Kilometer zmache, aber glich söt mes nid grad usefordere.
    Aber Achtung: Zahnriemewächsel isch au so en bekannte Abzockpunkt i Garagene, meistens isch dr Wächsel i 3 - 6 Stund gmacht, choschtet Dich aber über 1000 Franke. Materialchöschte söt mi somene Masseauto ja nid über 300-400 Franke ligge, inklusive Wasserpumpi und Thermostat.
    Au da chönt ich mich für dr Wächsel abiete Dir zhälfe, für en chline Unchoschtebitrag bini da gärn drbi. De chönt me glichzitig o grad dr Kat aluege (mit kaputtem Kat umefahre isch eh nid schlimm, solangd ke Abgastest muesch mache unds niemert merkt)


    Grüessli Chrigu

    also die Garage....hm....wett nöd über Mitbewerber schlächt redä, aber GANG DET NIE MEH VORBEI!


    Ha dir scho mal mini Dienst ahbotä. :w:

    Ein Fahrzeug kann erst als tief bezeichnet werden, wenn der Marder nicht mehr unten rein kommt............. :D

    das würdi au säge. nie meh verbiigah...


    lueg s isch eso.. offizielli vw/audi verträtige händ vo de amag und die vom werk so vill vorschrifte, computernutzigsverträg, spezialwerkzüüg usw. das verursacht enormi koste, s isch würklich brutal!! und so errächnet sich de gängig stundeasatz vo ca.150-180.- das bruched die, zum de chundedienstberater, de mechaniker, de ersatzteilverkäufer, s bürofräulein, de allrounder d putzfrau und nöd zletscht de chef, sis auto, sis huus und sis boot z zahle. isch so!


    d rächnig für dis kabel isch eifach: unterbezahlter automech frisch ab stifti mit null motivation suecht e stund nachem fähler... 150.- dänn no 20.- fürs kabel.. voilat: 170.- id kasse! für de betrieb en tropfe uf de heissi stei, doch für dich vill z tüür..


    uf was ich usewett.. sone garage isch s richtige, wännt en neue wage häsch und muesch garantiearbete mache lah, oder e reperatur, wos das spezialwerkzüüg bruucht, zb. touareg lamdasonde ersetze, oder kupplig mache.


    doch miteme golf 2 muesch ine garage, wo spezialisiert isch uf eifachi autos.


    ich bin so öpis am ufboue i de region zürich, einmannbetrieb, spezialisiert, günstig, kundeorientiert und trasparent. genau das wär s richtige für dich! chunsch ad garage und redsch mit dem, wo au meche tuet, aständigi beratig und unkomplizierti abwicklig. das händ die amag fritze verlehrnt mit all ihrne schuelige, nützt nüüt, wänn sich de chund verarscht und abzockt fühlt.


    so, habe fertig!


    chasch di gern bi mir mälde, zum en termin abmache zums auto aluege und en kv stelle :freude:

    Danke für dis Agebot börni, und dini erklärig het mer jetzt grad mal einiges klar gmacht!
    Wirde mich jetzt mal, zum 1er Turbo begeh er luegt sich min Golf mal ah!
    Aber ich chume in zukunft den sehr gern mal zu dir börni, isch au nid so wiet für mich wie zum 1erturbo ;)


    P.S: Wenigstens hani die 170.- nid bar müesse zahle, het mer no 30täg zit geh zum chli spare :v:


    Danke für Infos!

    bis doch froh wenn de kat dure isch, denn schmeckt s'Aute wenigstens chli guet hine use 8) :freude:


    de Kolleg isch au huere lang mitme praktisch hohle kat umegfahre, oder machts sogar immerno :D Kenne mi zwar do nöd so us und will au nünt falsches behaubte, aber hesch so glaub sogar nochli meh leistig.. :zunge: Greez


    Aber ebe wennd eh zum 1er turbo gahsch, isch dis auto glaub i ganz guete Hend ;)

    Joa, also de Kat störti mich eigentlich gar nid. Im gegeteil, git sogar no guets tönli (wener warm isch, kalt halt eis geklapere)
    Isch komisch, aber sit de vo gester uf hüt i dere garage gsie isch, hani sgfühl er het einiges weniger a Leistig :/
    Aber über leistig muess mer bi mim 8V gar nid afange rede, chönt immer meh sie.


    Also optisch isch er no super zwäg, wies inn dure isch das nimmt mi jetzt den ebe wunder
    ich lah mich jetzt mal überrasche, was de 1erturbo dezue meint. :D


    Gruess

    Bitte nimm mir meinen Beitrag ganz oben nicht übel, aber ich musste halt lachen, als ich es gelesen habe.


    Im grossen und ganzen wurde hier eigentlich schon alles gesagt, Garage wechseln steht glaube ich ganz oben auf der Liste.


    Wegen der fehlenden Leistung: Falls dein Kat wirklich kaputt ist, stellt er sich jetzt wahrscheinlich quer und "blockiert" die Abgase.
    Was zur Folge hat, dass ein Staudruck entsteht und somit hast du kein Power mehr.


    @ Roger:
    Wo kann ich mich bewerben? :D


    Gruess
    Marc