Sali zäme, bruche es S3 Logo und es ABT Logo ... kackt mich langsam an jedem zu zeige was unter der haube ist, darum Logo wieder dran 
Oder gibt es ein Logo für die Kombi von S3 und ABT? AS3 ist nur normal A3 oder?
Wer hät so Logos azbiete original oder mutatione, what ever.
Danke schön und en schöns tägli
Sali....guggs mal in Ebay.de dört hets hunderti so Logos...Original wie au "Imitatione".....oft zu zemmli "Gschenkte" Priise
Gruess Ändu
Logos füre Grill oder Heck zum klebe?
ja scho zum chlebe...
ha ja hinde alles weg gna und nur vore logos, grund vor allem isch gsi has dezenter welle und s abt logo findi ebe scho gruusig.
Jetzt fods mi vore langsam avo störe. I wett halt was änemache, was dezent zeigt dass dä charre top variante vumene s3 isch.
Isch deprimierend wenn sovill tugged hesch und en andere meint er heig s gliche, ich weiss sett eim am arsch verbi gah, mich chratzt das aber ergendwie scho.
Han danken tipp vum Andreas no usegfunde dass es supercharged logos gid, wo jo eigentlich für kompressor spreche (i de USA). Aber bimene über 300ps wage chönt ich jetz no defür stoh. drom hani jetz evtl. was adänkt wie s beld zeigt. Gsehd da bruchbar und doch chli einzigartig us?
KTS Los es doch da gseht so brutal Böss us...
KTS Los es doch da gseht so brutal Böss us...
ich glaub du intepretiersch d pics falsch 
also es isch zur info alles änephotogshopped, er hed jetz nüd dra user s3 vore.
I würds au nakt loh, du wiesch jo das en S3 isch
I han au nur no s logo im Grill vom .:R32 und hine e GTI Stossstange mit 1 Endrohr und die wo sich uskenned merked trotz dem das en .:R32 isch 
sleeper isch doch immer geil
ich würds au lo ich doch genau das wo gwüssi wänd vo usse nüt aber eigentlich ischer böös 
Jedem das seine...abr ICH selber ha au nix me dra, wo irgendwie Ufschluss git vor Leistig...gg....s MTM Logo hani uf d Motoabdeckig klebt wo hinde druf gseh isch...
fend das ebe vell witziger, wenn irgend eine am Arsch hesch wo dich "wott jage" und de easy losch lo stoh, well ER sich überschetzt und DICH Unterschetzt
Aber schlussendlich mueni das au ned ha, as jede weis wieviel PS, Motorkennbuechstabe oder ModellTyp ech fahr....ICH Weis was ech fahr, und das langt
Und so gseit: Dine gseht bös gnue us...und anhand vo dere Optik weis mer glaub sofort, as ned e 115ps Maschiene drunder isch....
Lass dis Ego doch lo zfriede sii....bes stolz druf was hesch und so sölls ja au siii...muesch ja keim öppis Bewiese oder??!!
Grüessli
fend das ebe vell witziger, wenn irgend eine am Arsch hesch wo dich "wott jage" und de easy losch lo stoh, well ER sich überschetzt und DICH Unterschetzt
Aber schlussendlich mueni das au ned ha, as jede weis wieviel PS, Motorkennbuechstabe oder ModellTyp ech fahr....ICH Weis was ech fahr, und das langt
thanks für dini antwort. ja ich überlegg mr das ganze nochli, ha jetz zwar scho s emblem bstellt, aber heisst jo noni dasis ähne mache, v.a. wösst i non nid was werkli äne chund und was weg chund. jetz chöme mal die emblem und den hock i mal vor de charre und überlegge ob überhaupt was gmacht wird.... ich gib dir jo grundsätzlich scho rächt, dass z underschätzt werde scho witzig isch, aber wenn ich jedem würd zeige was i würkli drunder han, würdi glaubs de check mehrmals i de woche abgäh, uf das hani eifach kei bock meh. z.B. meint jede octavia rs fahrer, dass er en oberbolide hed und denn god das speli so, dass er der so ufhocked, dass gar nid andersch chasch als "dami dem zeig ichs" ... mit emblem wüsst er halt grad wo dra as er wär. Theoretisch bruchts es emblem "respektiere mich" Soviel zu minere theorie :))) aber da ticke mr halt alli andersch.....
De einzig uswäg us dem problem isch, en porsche panamera zchaufe (mi traumcharre) und denn länged s auto als bewiss. 
ebe ohni Zeiche gseht jedes auto besser us
ZitatDe einzig uswäg us dem problem isch, en porsche panamera zchaufe (mi traumcharre) und denn länged s auto als bewiss
ja chum etz.... Ebe, Muesch doch keim Bewiese wer Stärker isch oder ned....seisch es ja selber: spielsch nur mit Buess oder Uswiisentzug, wenn Jedem wo dir chli ufhockt wosch zeige as e stärkers Auto hesch...
Söttigi Buebis muesch lo mache...wo so ufhocke und dich wend Nötige ( werd übrigens zemmli schwer büesst).
ech ha do scho s umgekehrte spieli gmacht:
wenn eine meint er mües ufhocke, chani au mal gaaaaaaanz easy vom Gaspedal, as er au mit der Gschwindigkeit abemuen... das nerft die viiiiel me ....
Aber si Uswiis ufs Spiel setze oder sogar s risiko iigo, as be sötnige Aktione de ufsmal wieder so e Unfall passiert wos de heisst : Raser Unfall infolge Riskanten Manövern....neeee, do hätt ech ke Bock druf..
Wie seit mer so schön: der Klügere gibt nach
Also...luegsch mal weg dini Logos, wenns der irgendwo gfalle, chläb se druf, aber bitte ned, NUR um s Ego z Befriedige...bringt nüt, nur no meh wo meine sie chönnt dich usefordere..esch für vili wie e iiladig, wenns es S3 Logo am Füdle gsehnd
Gruess Ändu
