Auto richtig pflegen

    Hallo zäme~~


    Ech fahre momentan no en Audi A1 in Phantomschwarz Perleffekt. I paar Wuche wächsli uf de 2012 Audi A5 Coupé in Brilliantschwarz. Lut Verchäufer ond in verschiedini Forene isch Brilliantschwarz ziehmli Pflegeufwändig. Met dem A1 bini bis jetzt immer a sonere Hochruckreiniger, wo mer verschiedini stufe chan uswähle. Da ech sehr wenig Erfahrig han met Autopfleg, bini uf euchi Ratschläg/Tipps agwiese.


    Mini Froge a euch send:


    Was hender för Erfahrige met Brilliantschwarz?
    Textil Waschalage empfählenswert oder gar vermiede?
    Handwäsche? Was esch zu beachte?
    Welli Produkte send guet?
    Tipps&Tricks..


    Ech be öbrigens us Luzern :)

    Salüüü


    Also etzt mal Farb unabhängig eifach so wie ichs mach und ich pfelge mis Auto guet.


    Ich ga nie id Textilwäschalag das git fini chrätzli.
    Wenn denn mim Hochdruck reiniger oder vo Hand.
    Folgende Ablauf so wie ichs mache.


    1.Hochdruckreiniger (Kärcher) füre neh miteme Foam Gun ufsatz und s Auto zerscht mal richtig ischümä und es biz iwirke lo. (so cha sich der Dreck uflöse)
    2. S ganze Abwäsche mim Hochdruckreiniger immer inere sicher distanz. (So goht de Dreck weg)

    3. Nomal mit de Foam Gun s Ganze Auto ischüme und dasmal miteme Mikrofaser Spezial Händschä vo obe nach abe s Ganze Auto abbutze immer schön luege bi de siteschweller unedrah vilicht miteme andere tuech oder susch was reinige will de hett vilfach teer usw. dra.
    4. S Auto nomal Absprütze mit Klarem Wasser bis de ganz Schum dune isch.
    5. S Auto ablädere mit 2 Mikrofaser Spezial Tüächer wo extrem vill suuget so wird s ganze streifefrei.
    Zusätzliches alle 3 Monate
    Auto Kneten, Wachsen,Versiegeln.
    Fallsd frage hesch zu diverse Produkt fragsch am beschte de Member Speedsta.


    lg popof

    Gasch am beste ine waschbox mit warmwasser und schrubsch din wage suuber. Im jumbo hads gnueg sache zur uswahl, ja nöd zu amag und de 55.- schampoo poste:D gsetzbuech i de schwiz isch dicker als dbible;)

    Gott schütze uns vor Sturm und Wind und Autos die aus Japan sind :D\n\n*Love Audi AG Quattro GmbH & Turbo's*

    Zitat von Mickey

    wie findet ihr d Produkte vo Swizöl? Empfählenswert? Esch glaubs scho recht höch im Pris..


    Absolut empfehlenswert! Ich schaffe vill mit dene Produkt, Priis Leistig Absolut TOP jedoch scho recht tür!
    Wend öpis wetsch wo au sehr sehr guet isch, jedoch Prislich Atraktiver denn lueg mal Dodo Juice SmartWax und ChemicalGuys ah.
    Lg popof

    Swizöl / Swissvax händ scho sehr gueti Produkt, kostet aber hald au was ;) Es git sicherlich alternative - es chunnt eifach immer druffah i wellem Bereich ;)


    Generell gilt bide Fahrzüügpfleg: Kei Silikon - egal bi was, denn dött underscheided sich d Spreu vom Weize ;) Sehr vill Billigprodukt (was nöd heisse mues das die günstig sind) händs dinne, denn das macht d Produktion ja günstiger...


    Wennd magsch chasch mal bi üüs in Dietikon verbiiluege, denn chömmeder diversi Möglichkeite gad vor Ort zeige.


    Wichtig bide Regelmässige Pfleg:
    Kein natürliche Schwamm näh zum Wäsche sondern Mikrofaserhändsche oder sottig us Merinowulle
    Keis Läder zum Auto tröchne sondern Mikrofasertüecher
    Ab und zue s Auto Wachse, für zwüschedurre en Detailer
    Kei chreisendi Bewegige mache, genau das git Hologramm wemmer nöd ganz suuber gschaffed hät ;)