Soo.. bin jetzt geschter au endlich dezue cho zum es paar pics z'mache vo mim Wage.
Mod's; KW Gwind / 18"-er / Bastuck Ahlag ab Kat
geplante Mod's; Rest vo de Ahlag / Chippli und vielicht.. wenns "zuefällig" en Steischlag git.. d'Frontschiebe mit Tönigsbalke 
alles wiiteri geshni de spontan in ferner Zuekunft. Möcht en eifach relativ dezent halte.
Werom hesch de charre g photoshopt und nid ineto so wie er isch?
Jo, also d felga sind mol ganz sicher nid echt... das gsehtma leider 
Werom hesch de charre g photoshopt und nid ineto so wie er isch?
will de werbigs-schriftzug no uf de motorhube vorne Fahrersiite klebt.. und da ich bi de nummere grad drah gsih bin.. wieso nid.. de kleber wird erscht morgen entfernt
Loso ... öhm sorry.. echter gahts nid.. also ich chönts ja nomol go ahlange suscht chasch der sie am SO go ahgucke cho nid bemängle was es drah het.. sondern bemängle was es ebe nid "sött" drah ha.. und das isch und bliebt de kleber 
jetzt no zur bestätigung in extra SCHLECHT bearbeitet.. besser?
Okay, denn tuatsmer sehr leid wenni diar unrecht tua han, sorry! Gsehnd aber würkli kli gfaket us. Irgendwia.
keis ding nimms dir ja nid übel.. bin ja würkli mit em photoshop dehinter gsih.. wenn halt au nur sehr wenig bim kleber aber glich.. hesch ja recht! schande über mich! jaa s'liecht mit em chrom würkt ha würkli grad chli so als chöntets g'faked sih... ungünschtige fotowinkel
Also ech mues etz eis iigestoh:
De Scirocco gfallt mer vomal zu mal meh....wonen s 1.Mal gseh han, hani überhaupt nix chönne afo dermit.....aber etz fend en ganz es heisses Grät.
Vorallem so in wiis....get glaub ke anderi Farb wo dem SO ideal passt wie das wiis.....so mit de schwarze Front Akzänte....
Vorallem het er so mini 3 Typische Tuning Formle: tieferlegge, schöni Fälgeli dra, Sportuspuff/Chip.....FERTIG!!
Meh muen mer ned dra mache!!! Mehr wär zu kitschig, mire meinig....obwohl jo scho es paar Aerodynamik Kits vo ABT und Co erhältlich sind....
@ Saso: Also fend dine tip top.Vorallem d Tüüfi; Abständ Rad/Radkaste esch mire meinig genau so wies sött sii..ICH aber hätt anderi Fälgeli druff gmacht....han be mir ir Umgebig eine de het knackigi 19" mit poliertem Tiefbeet und schwarzem Stern....gseht ganz geil us...
Aber trotzdem: gseht prima us eso...nume ned z vell dra verbastle....
Würkli shcöne rocco, au d'Felgeform passt miner meinig nach. Nur wie de Andreas seit, in Schwarz wers no geiler Sus findis TOP 
danke euch
Jo wäg de Felge.. s'isch halt würkli chli en Gschmackssach.. wobih bi de Dimension hets durchus no chli dörfe meh sih.. 19 od. 20" wär natürli en feini sach. Ich chan mi ebe nid so mit schwarze Felge ahfründe. Ich dänk mer halt immer; wenni scho Geld ih d'finger nime de möchti au das mer d'felge bemerkt. Und in schwarz chömeds "miner Meinig" nach viel zwenig zur geltig. Wobih mit me schöne polierte Tiefbet würdi das vermuetli de au wieder anderscht usgseh. Jaa de tuning und zuebehör Markt isch halt riiesig .
Andreas K. ja han de einti oder anderi Bodykit au scho ahglueged. Aber schliesse mich au eher dinere Meinig ah; "weniger isch mängmal meh" und suscht driftets is kitschige ab. Und ich glaube au mit no "tiefere Stossstange usw." wirds de ziemli müehsam zum autofahre. Han leider jetzt scho in Züri mini müeh. Die meischte "Schliechweg" chani ufgrund vo Bodewelle nüme neh". Müest en fascht es bizli ufelah. Aber das wär ja en Todsünd
