Bremsgeräusch Golf 2

    Salü zäme...


    Ich han vor guet 5 Wuche, e Operation am Fuess ka. Drum isch min Golf, gueti 5 Wuche nid Bewegt worde!
    Jetzt bini gester erst mal wieder gfahre, und scho bim Abfahre vom parkplatz hets kurz klemt und den hets "Tack" gmacht!
    Als ob Bremsbeläg uf de Bremsschiebe a "grostet" sind oder so!


    Jetzt jedes mal weni chli stärker oder vo hoher Gschwindigkeit ab bremse, machts "Tack, tack, tack, tack" bisi still stahne....
    Ich han sgfühl es isch nur uf einere Siete, und nur 1 Rad wo so grüsch macht


    Isches möglich das Brembeläg a kocket sind, und dadurch hets en Belag dreck drufe wos jetzt ab ficket?
    dWerkstatt meines Vertrauens isch leider nid grad i de nöchi, drum hoffi das irgendöpert en Tipp het oder so!


    PS: MFK isch vor guet 2 Mönet gsie, und Brembeläg seged ok gsie!


    Danke im Vorus!


    Gruess Kevin

    Moin




    Hesch sid däm wieder mal chli richtig brämsed? Mal bärg ab so richtig brämse, au einisch chli mir Handbräms, sehrwahrschindilich hesch chli Rost uf der Schibe.
    Und susch muess das züg mal vonenand nä :)


    Gruess

    • Schrauben drehen Muttern kehren mit Öl verschmierten Finger in der Werkstatt stehen :w:

    A welem Rad isches denn? Vorne? Hinde? Rächts? Links?


    Aso bi Schibebrämse söttsch eigentlich gseh wenns agroschtet gsi sind und no Grüsch mached. Würd grad au no luege öb d Bremsbeläg no ganz sind oder die villicht devobrösmeled (Achtung, gföhrlich). Hani bi mim Seat au scho gha (aso s Aroschte und dass Beläg brösmeled händ)


    Bi Trommelbrämse wirds chli schwerer. Det muesch fascht usenand neh.


    Aber wie de Motorex scho schribt. Mol chli umebrämse und luege öb sichs ändered. Solang aber ned sicher bisch dass dini Brämsbeläg no i.O. sind, wäri vorsichtig.

    Danke für Infos!


    Also de Ton chunt vo hinde rechts, und leider wird das ganze au nid besser!
    Bi hüt eigentlich de ganz Tag am Cruisen gsie, und ich ha sogar sgfühl das es immer schlimmer wird!
    Bremsed hani au scho relativ fest, au so das Reife Quitsched hend etc!


    Es chunt mer vor, als ob s Bremsbedal jetzt au gumped! Es macht s grüsch "tack tack tack", und bim Bremspedal hani sgfühl es höperlet uf und ab ganz liecht :confuse:


    Naja wirde die Wuche demfall mal zum Mech verbie gah, wens MO/DI nid bessered!


    Gruess Kevin

    Hm isch komisch, bisch der sicher nid das scho Metall uf Metall trifft?
    Will sone effekt hesch den öbä au.


    Gruess

    • Schrauben drehen Muttern kehren mit Öl verschmierten Finger in der Werkstatt stehen :w:

    isch denn d`Handbräms azogä gsi wod en lo stoh häsch? vermuetli scho... denn würi mol de Siiteschlag mässe...!
    ond zwor innä und ussä...


    Gruess Remo

    Gott sprach zu Moses: "kupplä bim Schaltä susch chrosät`s!" Doch Moses fand das Pedal nicht, er nannte dies dann "Powershift" :P\n

    Hmm... ohni dass ich jetzt de grossi Automech bin... aber ich tippe ufen Bremsbelag wo sich verabschided het.


    Dräck + Füechtigkeit + lang azogni Bräms = asetze vom Belag.... wenns denn en ältere Belag isch... chas jo scho mol passiere dassen abriesst.


    Aber ebe... bin wiiit vomene Automech entfernt mit mim Wüsse und Erfahrig. Bin aber gspannt was es schlussendlich isch.