umbau auf Bose soundsystem

    guete morge mitenand.




    han mal chli im forum umegsuecht aber nüt gfunde drum frog ich jetz emal..




    also..




    ich fahre jetz sieht 2 wuche en s3 8l 2002er model.




    het die orginalie alag dini, aber ich bin mit de tonqualität überhaubt ned zfriede, und am kolleg isch ufgfahle das die hindere boxe gar ned laufet :(




    ich het jetz möglichkeit es kompletts bosesystem azschaffe, nur weiss ich ned öb das au passt.




    zum 1te het de subwoofer und de verstärker so platz wie er orginal ihne chunnt, oder wörs es gebastell geh?




    2te, han scho recht viel gläse das mehr die ganz verdrohtig muess ustusche zum en ideale klang herezbringe?




    3tens was muess ich noh beachte?




    und 4tens wenn alles söht funktioniere, wie chan ich luege öb boxe ihne iwandfreie zuestand sind (ohni sie loh laufe zloh)




    merci für euchi antworte




    lg


    vato_locco

    Aso Bose-System chasch scho mache. Nume isches i de Regel so dass mit Zubehör-Alage en bessere Klang für weniger Gäld überchunsch.


    1. Bose System sött eigentlich so inepasse
    2. Verdohtig muesch ned wächsle. Strom isch an und für sich ned heikel... de nimmt jedes Kupfer. Wenn so en Alag wotsch dass sogar en Underschied zwüsche normale Leitige oder ebe bessere Leitige ghörsch, denn isch s Bose-System sicher s falsche.
    3. Muesch beachte dass di aktive Komponente vom Bose-System au mit Strom wänd gfüeteret werde und dass d Aschlüss am Radio hesch (isch de im Agebot debi?).
    4. Öb Lutsprächer laufed merksch nur wenn si lohsch lo laufe. Isch wie bimene AUtochauf... muesch immer en Probefahrt mache. Wenn scho alles usbaut isch, chasch halt nume teste indem si vorübergehend anes ibauts Autoradio aschlüssisch. Aber au denn ghörsch nume öbs an und für sich funktioniered... wie guet si sind, wirsch denn ned ghöre. Bi de Autolutsprächer mues vor allem uf d Sicke (Verbindig vo Chassis zu de Membran) und uf d Membrane luege. Die rissed mit de Ziit oder de Liim löst sich uf. Ansonste isch Oxidation immer schlächt (a de Aschlüss und am Chassis)


    Ich würd dir empfehle en richtige Radio ine z'tue (wenn ned scho vorhande), es paar aständigi Lutsprächer für vorne und hinde... und denn villicht no en aktive Subwoofer in Kofferruum... so hesch ständige Sound zumene tragbare Priis. Und bitte chauf nume War wo qualitativ guet isch und au en Name het... All das eBay-Zeugs mit 1000 und meh Watt isch meischtens ned so de Hit.

    jap das isch scho klar, ich will en klare schöne ton im auto mit emneh astendige bass :P




    und ned nur so bumm bumm wo muesch angst ha der nummere abflügt, will die ganz carroserie vibrierrt..




    de kolleg het ih sim rx8 es bose system drin und ich bin eifach voll begeisteret vo dem :D




    muess mol chli abklähre

    Vergiss eifach ned dass grad Lutsprächer bzw. Membrane au alt werded. Nach 10 Johr spötischtens, sind die meischte Lutsprächer dure. Also wenn en suubere Klang willsch, muesch sicher uf möglichscht gueti und vor allem neui Lutsprächer luege.


    Ich persönlich finde Bose ned so toll. Für original-Alage i Neuwäge sinds okay... Aber ebe... für das wos choschtet... chunsch bessers über. Muesch bzw. chasch es denn aber sälber ibaue (loh).